Examinado o expediente instruído a pedimento de Eólicos Touriñán, S.A. con enderezo para efectos de notificacións na Ronda de Outeiro, 269, L.5. 15010 A Coruña, sobre aprobación do P.E.E. Eólicos Touriñán; esta consellería ten en conta os seguintes

Antecedentes de feito.

Primeiro.-O 31 de marzo de 1999, Luis Couceiro Sánchez, en nome e representación de Eólicos Touriñán, S.A., CIF A-15558240, solicitou a aprobación do plan eólico estratéxico denominado P.E.E. Eólicos Touriñán. A dita petición someteuse a información pública por Resolución do 30 de xuño de 1999, publicándose no BOE do 21 de xullo de 1999 e no Diario Oficial de Galicia do 28 de xullo do mesmo ano.

As características principais do P.E.E. Eólicos Touriñán que foron sometidas a información pública son:

Nome	Provincia	Concellos	X	Y

P.E. Touriñán I	A Coruña	Muros Santa Comba Mazaricos Outes Negreira	500.000 500.000 511.000 511.000	4.743.000 4.759.000 4.759.000 4.743.000
P.E. Touriñán II	Pontevedra	Cerdedo Forcarei A Estrada Silleda	548.000 548.000 555.000 555.000	4.711.000 4.730.000 4.730.000 4.716.000
P.E. Touriñán III	Pontevedra	A Estrada Cerdedo Cuntis Campo Lameiro	540.000 540.000 547.000 547.000	4.710.000 4.717.000 4.717.000 4.710.000
P.E. Touriñán IV	A Coruña	Monfero Irixoa Aranga	581.000 581.000 583.000 583.000	4.789.000 4.795.000 4.795.000 4.789.000
P.E. Touriñán V	A Coruña	Cee Corcubión	475.000 479.000 485.000 485.000	4.751.000 4.761.000 4.761.000 4.751.000
P.E. Touriñán VI	A Coruña	Porto do Son	498.000 498.000 502.000 502.000 501.000 501.000	4.720.000 4.730.000 4.730.000 4.725.000 4.725.000 4.720.000
P.E Touriñán VII	A Coruña	Muxía	481.500 481.500 484.000 484.000	4.770.000 4.772.700 4.772.700 4.770.000

Durante o prazo de información pública presentáronse as seguintes solicitudes en competencia formuladas por:

1. Fomensa Hispania, S.L.

2. Ercco, S.L.

3. Geseo, S.L.

Segundo.-Os servicios técnicos da Dirección Xeral de Industria emitiron informe avaliando a viabilidade do plan nas diferentes áreas de estudio soli

citadas, co fin de resolve-los diferentes plans estratéxicos en competencia, seguindo os seguintes criterios de avaliación:

-Planificación enerxética.

-Estudio contrastado dos datos eólicos existentes.

-Viabilidade económica dos plans.

-Achega tecnolóxica e efectos industriais dos plans.

-Ambientais.

-Desenvolvemento de infraestructuras.

Fundamentos de dereito.

Primeiro.-A Consellería de Industria e Comercio da Xunta de Galicia é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, modificado polo Decreto 181/1999, do 21 de xuño, en relación coa Lei 54/1997, do 30 de decembro, do sector eléctrico, e o Decreto 205/1995, do 6 de xullo.

Segundo.-Ante o gran número de solicitudes presentadas, e en tramitación paralela, de aprobación do plan eólico estratéxico, os criterios seguidos en forma xeral para a adxudicación ou non das áreas asignadas foron os expostos no fundamento de feito segundo, téndose en conta a limitación existente desde o punto de vista infraestructural en canto á rede de transporte de enerxía eléctrica, o que supón que soamente se poidan satisfacer aquelas solicitudes que cumpran de forma máis completa os criterios de adxudicación planificados.

Terceiro.-Nalgúns casos, existen ocultacións en determinadas zonas de distintas solicitudes de plans, sen que os seus promotores concorresen en competencia. Nos ditos casos optouse por asigna-la área á solicitude que se considerou que cumpre en maior medida os criterios de asignación.

Cuarto.-Á vista dos plans presentados en competencia, o informe técnico realizado e do resto de documentación que consta no expediente, queda de manifesto que se deben excluír certas áreas solicitadas, debido á adxudicación de determinadas zonas a outros promotores seguindo criterios de planificación enerxética e desenvolvemento das infraestructuras enerxéticas ou debido a súa inviabilidade, tamén se toma en consideración para a autorización do plan a incidencia que ten o plan industrial da citada empresa que se detalla no anexo II, na estructura socioeconómica da Comunidade Autonómica de Galicia, sendo esta circunstancia un dos motivos prioritarios para a autorización recollidos no artigo 7 do Decreto 205/1995, do 6 de xullo.

Do exposto extráese como consecuencia que o plan solicitado non pode ser concedido na extensión requirida pola peticionaria, e en consecuencia, que se lle debe conceder á empresa Eólicos Touriñán, S.A. autorización para prosegui-las investigacións nas áreas relacionadas no anexo I.

Desta forma, o plan eólico estratéxico pasa a constar de 3 áreas, sendo a súa potencia autorizada de 55 MW.

Quinto.-No expediente instruído para o efecto cumpríronse os trámites regulamentarios.

Esta consellería, de acordo co que antecede e no exercicio das competencias que ten atribuídas,

RESOLVE:

-Aproba-lo plan eólico estratéxico P.E.E. Eólicos Touriñán referido ás áreas recollidas no anexo I da presente resolución, coa previsión de potencia de 55 MW.

A presente resolución leva consigo o outorgamento do dereito de investigación nas áreas de referencia, así como o dereito preferente, nas citadas áreas, á autorización das instalacións de aproveitamento de enerxía eólica, conforme o sinalado no artigo 8 do Decreto 205/1995, do 6 de xullo.

A aprobación do plan eólico estratéxico vincula a Administración e Eólicos Touriñán, S.A. sen prexuízo das futuras resolucións que se adopten para o suposto de non exercita-lo dereito preferencial previsto no artigo 8 do citado Decreto 205/1995, do 6 de xullo.

A aprobación do plan eólico estratéxico outórgase conforme as seguintes condicións:

Primeira.-Eólicos Touriñán, S.A. iniciará a execución do plan industrial no prazo de seis meses a partir da aprobación deste plan estratéxico, debendo executa-lo dito planeamento nas condicións sinaladas no anexo II da presente resolución, salvo imposibilidades técnicas ou causa de forza maior debidamente xustificada.

En calquera momento poderá a Administración solicita-la documentación que considere pertinente en prol de verifica-lo cumprimento do establecido neste punto.

Segunda.-A modificación do plan eólico estratéxico ou o incumprimento das condicións impostas nesta resolución e na autorización para a montaxe das instalacións será causa de resolución da presente aprobación.

Sen embargo, se por alteración substancial das circunstancias ou por causas sobrevidas, non fose adecuado o mantemento dalgunha o algunhas das instalacións previstas no plan eólico estratéxico que se aproba, a empresa poderá solicitar da Consellería de Industria e Comercio da Xunta de Galicia:

1. Autorización para a modificación ou substitución das actuacións, sen altera-las restantes condicións do plan eólico estratéxico.

2. A aprobación dun novo plan eólico estratéxico para novas instalacións, si a importancia dos investimentos así o xustifican, tendo en conta sempre os dereitos que terceiros interesados poidan ter.

Terceira.-Eólicos Touriñán, S.A. deberalle presentar un informe trimestral á Consellería de Industria e Comercio que conterá os seguintes puntos:

-Datos eólicos obtidos nas áreas de investigación.

-Investimentos realizadas e previstas.

-Operacións realizadas con empresas galegas.

-Emprego creado.

-Participación de entidades galegas.

Cuarta.-A empresa Eólicos Touriñán, S.A., participará na execución do plan industrial que teñan aprobados os tecnólogos seleccionados. En todo caso, a porcentaxe de compoñentes fabricados en Galicia será o comprometido polos tecnólogos. A selección dos tecnólogos deberá contar coa autorización da Dirección Xeral de Industria.

Quinta.-Eólicos Touriñán, S.A. poderá transferir en calquera momento os dereitos dimanantes da presente aprobación previa autorización da Dirección Xeral de Industria, subrogándose o novo titular en tódalas obrigas e dereitos do transmitinte derivados do plan eólico aprobado.

Sexta.-O presente plan eólico apróbase sen prexuízo de terceiros, deixando a salvo os dereitos particulares e independentemente das autorizacións, licencias ou permisos de competencia municipal ou outros necesarios para a realización das obras das instalacións de aproveitamento eólico.

Contra esta resolución, que é definitiva en vía administrativa, poderase interpoñer, recurso potestativo de reposición ante esta consellería, no prazo dun mes contado desde o día seguinte ó da súa notificación, de acordo co establecido no artigo 116.1º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma data, ó abeiro do disposto no artigo 46 da Lei 29/1998, do 13 de xullo, reguladora da xurisdicción contencioso-administrativa, sen prexuízo de que os interesados poidan interpoñer calquera outro recurso que estimen procedente.

Santiago de Compostela, 29 de maio de 2001.

Juan Rodríguez Yuste

Conselleiro de Industria e Comercio

ANEXO I

Relación de áreas aprobadas

no plan eólico estratéxico

Nome	Provincia	Concellos	Potencia	X	Y

P.E. Touriñán III	Pontevedra	A Estrada Cerdedo Cuntis Campo Lameiro	20	540.000 540.000 547.000 547.000	4.710.000 4.717.000 4.717.000 4.710.000
P.E. Touriñán IV	A Coruña	Monfero Irixoa Aranga	25	581.000 581.000 583.000 583.000	4.789.000 4.795.000 4.795.000 4.789.000
P.E Touriñán VII	A Coruña	Muxía	10	481.500 481.500 484.000 484.000	4.770.000 4.772.700 4.772.700 4.770.000

Potencia eólica estimada das áreas que se van estudiar: 55 MW.

ANEXO II

Documento de síntese

-Plan eólico estratéxico.

O plan eólico estratéxico terá unha duración de 5 anos e suporá un investimento global estimado de 7.425 millóns de pesetas.

-Plan de investigación eólica.

A empresa Eólicos Touriñán, S.A. realizará a investigación de 3 áreas facendo un investimento total de 60.000.000 de pesetas, acadando un investimento medio de 20.000.000 de pesetas/área.

Ó obxecto de coordina-los resultados da investigación co do resto de plans eólicos estratéxicos aprobados, a empresa Eólicos Touriñán, S.A. usará como entidade colaboradora para a investigación ó Instituto Enerxético Galego (Inega).

-Plan industrial.

A empresa Eólicos Touriñán, S.A. comprométese a realiza-lo 78% do investimento en empresas afincadas en Galicia, desenvolvéndose a fabricación e ensamblaxe dos aeroxeradores por medio dun convenio coa empresa Metalúrgica Gallega na súa planta situada na zona industrial da Grela, A Coruña.