1. Alcance da información pública; lexislación.
Sométese a información pública a solicitude presentada por Iberdrola Diversificación, S.A. de: autorización administrativa e declaración de utilidade pública, aprobación do proxecto modificado de execución e do proxecto sectorial de incidencia supramunicipal e o estudio ambiental do parque eólico de Larouco.
Lexislación aplicable para os efectos anteriores: Decreto 205/1995, polo que se regula o aproveitamento da enerxía eólica na Comunidade Autónoma de Galicia; Lei 54/1997, do 27 de novembro, do sector eléctrico e supletoriamente os decretos 2617/1966 e 2619/1966, ámbolos do 20 de outubro, respectivamente de autorización e de expropiación e sancións en materia de instalacións eléctricas; Lei 10/1995, de ordenación do territorio de Galicia; decretos 442/1990, do 13 de setembro, de avaliación de impacto ambiental para Galicia e 337/1991, do 4 de outubro, de avaliación de efectos ambientais para Galicia.
2. Características básicas do proxecto modificado.
a) Peticionario: Iberdrola Diversificación, S.A.
b) Enderezo social: r/ Iparaguirre nº 6-12, Bilbao (Biscaia).
c) Denominación: Parque Eólico de Larouco.
d) Situación: concellos de Baltar, Cualedro e Xinzo de Limia (Ourense).
Coordenadas poligonais en unidades UTM:
Punto 1 (608000, 4641000); punto 2 (609000, 4640000); punto 3 (613500, 4645500); punto 4 (612500, 4646000).
e) Finalidade: producción de enerxía eléctrica a partir da enerxía eólica.
f) Datos técnicos:
-Conxunto de 49 aeroxeradores de 850 kW/u, que suman unha potencia bruta total de 41,65 MW.
-Interconexión dos aeroxeradores con catro circuítos eléctricos a 20 kV, independentes entre si, de 10,2 MW (aeroxeradores 1 ó 12); 10,2 MW (aerox. 13 ó 24); 10,2 MW (aerox. 25 ó 36); 11,05 MW (aerox. 37 ó 49).
-C.T. que se instalarán en cada aeroxerador de 1.000 kVA de potencia e r/t 0,690/20 kV, cos elementos de protección e auxiliares necesarios.
-Subestación transformadora. Equipada con transformador principal trifásico 132/20 kV de 55 MVA e cos elementos de manobra, medida e protección necesarios.
-Sistemas de control e supervisión.
g) Orzamento: 4.769.627.944 ptas.
3. Urxente ocupación. O peticionario, ó abeiro do titulo IX da Lei 54/1997, do 27 de novembro, do sector eléctrico, solicita así mesmo a declaración de utilidade pública das instalacións, o que, segundo o sinalado no artigo 54 daquela, levará implícito en todo caso a necesidade de ocupación dos bens ou de adquisición dos dereitos afectados os cales se describen na relación adxunta, e implicará a urxente ocupación para os efectos do artigo 52 da Lei de expropiación forzosa.
4. Estudio ambiental. O estudio ambiental do parque eólico sométese a información pública en aplicación da normativa indicada no punto 1 e pode ser examinado nas dependencias seguintes: Dirección Xeral de Industria, Dirección Xeral de Calidade e Avaliación Ambiental, delegacións provinciais en Ourense das consellerías de Industria e Comercio e Medio Ambiente e nos concellos afectados.
5. Proxecto sectorial de incidencia supramunicipal. Ten por obxecto realiza-la ordenación do territorio do parque eólico, que se inclúe dentro da área de investigación denominada Serra do Larouco correspondente ó Plan Eólico Estratéxico de Iberdrola, delimitado no Plan Sectorial Eólico de Galicia e que afecta os concellos de Baltar, Cualedro e Xinzo de Limia, na provincia de Ourense.
6. Alegacións. Os interesados e os seus representantes poden examina-lo expediente nas oficinas desta delegación provincial, rúa Curros Enríquez nº 1, 4º de Ourense, tamén nos organismos citados no punto 4 no que respecta ó estudio ambiental, e presentar, de se-lo caso, as alegacións que crean oportunas no prazo de trinta días, contados a partir da última publicación deste anuncio.
Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ó Ministerio Fiscal das dilixencias que se produzan.
Ourense, 15 de xaneiro de 2001.
Alfredo Cacharro Pardo
Delegado provincial de Ourense
Relación de bens e dereitos afectados-parque eólico Larouco
Parcelas proxecto Propietarios Afección
Nº Catastro Lugar Cultivo Nome e apelidos Enderezo Superficie (m)
piñeiros
e Poulas do Medio piñeiros
piñeiros
(Ourense)
(Ourense)
(Ourense)
(Ourense)
(Ourense)Termo municipal de Baltar (Ourense)
1 Serra de Larouco M. baixo e
Comunidade de Montes Veciñais en Man Común Serra de Larouco. Baltar. 32632-Baltar (Ourense) 107.430
2 Serra de Larouco
M. baixo e
Comunidade de Montes Veciñais en Man Común Serra de Larouco e Poulas do Medio. Niñodaguia. 32632-Baltar (Ourense) 102.556
Termo municipal de Cualedro (Ourense)
1 Da Xironda M. baixo e
Comunidade de Montes Veciñais en Man Común da Xironda. A Xironda. 32688-Cualedro
124.988
2 De Pedrosa Monte baixo Comunidade de Montes Veciñais en Man Común da Pedrosa. A Pedrosa. 32688-Cualedro
173.155
3 De Saceda Monte baixo Comunidade de Montes Veciñais en Man Común da Saceda. A Saceda. 32688-Cualedro
32.334
4 Serra de Larouco Monte baixo Comunidade de Montes Veciñais en Man Común da Serra de Larouco, Serra de Sandín e Lamas. Lucenza. 32688-Cualedro
112.246
Termo municipal de Xinzo de Limia (Ourense)
1 De Gudín Monte baixo Veciños de Gudín. Gudín. 32637-Xinzo de Limia
118.380