De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e da Lei 4/1999, que modifica parcialmente a citada Lei 30/1992 notifícaselle á persoa que se relaciona no anexo, na súa condición de promotor, a proposta de resolución que formula o instructor, polos feitos sinalados, presumiblemente constitutivos dunha infracción á Lei 22/1988, do 28 de xullo, de costas, (no sucesivo L.C.) e do seu regulamento (en adiante R.C.);
O que se lle comunica ó interesado de conformidade cos artigos 19.1º do R.D. 1398/1993 e 194.10º do Regulamento de costas, para que no prazo de quince (15) días, a partir da publicación deste
anuncio no Diario Oficial de Galicia, poida obte-las copias dos documentos que constan no expediente que estime oportunos e formula-las alegacións e presenta-los documentos que crea pertinentes, perante o instructor do procedemento.
Pontevedra, 27 de novembro de 2000.
José Luís Díez Yáñez
Delegado provincial de Pontevedra
ANEXO
Expediente número: 76.9/94.
Denunciado/a: Luis Rocafort Quintero.
Condición: promotor.
Último enderezo coñecido: Punta Seame, Praia de Canelas-Portonovo (Sanxenxo).
Data da proposta: 10-10-2000.
Feitos: construcción de vivenda.
Lugar: Punta Seame, Praia de Canelas-Portonovo.
Concello: Sanxenxo.
Proposta: en aplicación dos artigos 95.1º e 97.1º da L.C. e artigos 179.1º e 180 b) do R.C.proponse a imposición a Luis Rocafort Quintero, na súa condición de promotor, dunha multa de quince millóns novecentas oitenta e seis mil seiscentas dezaseis pesetas (15.986.616 pesetas), que deberá aboar ingresando na conta nº 2091-0388-90-3110001181 da oficina de Caixa Galicia en Pontevedra, a citada cantidade, desde que sexa definitiva en vía administrativa a resolución que recaia e que se lle ordene volta-los terreos nos que se executou a obra obxecto deste expediente ó seu primitivo estado, debendo realiza-lo no prazo dun mes, desde que sexa definitiva en vía administrativa a resolución que sobre do particular recaia. Transcorrido o prazo sen que se cumprise o ordenado, imporáselle unha multa coercitiva por importe dun millón cincocentas noventa e oito mil seiscentas sesenta e unha pesetas mensuais (1.598.661 pesetas) ata a súa total execución, procedéndose á súa execución subsidiaria por
conta do infractor e á súa conta, caso de que este non o leve a cabo.
