Eu, Ramón Fernández Agra, secretario do Xulgado da Audiencia Provincial da Coruña, Sección Sexta, con sede en Santiago de Compostela, dou fe e tes

temuño de que no rolo de apelación de procedemento abreviado nº 151/2000 se dictou sentencia, cun encabezado e parte dispositiva que literalmente di:

«En Santiago de Compostela, o 14 de xuño de 2000.

Vistos pola Sección Sexta da Audiencia Provincial da Coruña, por Ángel Pantín Reigada, presidente, José Ramón Sánchez Herrero e José Vicente Zabala Ruiz, maxistrados, en grao de apelación, os autos do procedemento abreviado seguidos no Xulgado do Penal número dous de Santiago de Compostela co número 6/2000, que constituíron o rolo de apelación número 151/2000, que versan sobre delicto de roubo con forza, e nos que son parte, como apelante, Carlos Hernández Regueiro, representado polo procurador Merelles Pérez, coa defensa do letrado González Concheiro, e como apelado, o Ministerio Fiscal, e sendo relator o maxistrado José Ramón Sánchez Herrero, que expresa o parecer da sala, procede a formula-los seguintes antecedentes de feito, fundamentos de dereito e decisión:

Que, estimando parcialmente o recurso de apelación interposto polo procurador Merelles en representación de Carlos Hernández Regueiro contra a sentencia do 6 de marzo de 2000 dictada no xuízo oral nº 6/2000 do Xulgado do Penal número dous de Santiago de Compostela, debemos revogala parcialmente e, en consecuencia, rebaixa-la pena imposta ó dito recorrente á dun ano e medio de prisión, mantendo o resto de dicisións desta, sen pronunciamento sobre as custas ocasionadas no recurso.

Contra a presente resolución non cabe ningún recurso ordinario.

Devólvanse os autos orixinais ó xulgado de que proceden, con testemuño desta sentencia para o seu coñecemento e cumprimento.

Así, por esta miña sentencia, da que se unirá certificación ó rolo, pronunciámolo, mandámolo e asinámolo».

E para que conste e lle sirva de notificación de sentencia a José Barreiro Barcia, actualmente en paradoiro descoñecido, e para a súa publicación no Diario Oficial de Galicia, expido este edicto en Santiago de Compostela o dezasete de novembro de dous mil.

O secretario

Rubricado