Eu, Ramón Fernández Agra, secretario do Xulgado da Audiencia Provincial da Coruña, Sección Sexta, con sede en Santiago de Compostela, dou fe e testemuña de que no rolo de procedemento abreviado 145/2000 se dictou sentencia, cun encabezamento e parte dispositiva que literalmente di:

Vistos pola Sección Sexta da Audiencia Provincial da Coruña, integrada por Ángel Pantín Reigada, presidente, José Ramón Sánchez Herrero e José Vicente Zabala Ruíz, maxistrados, en grao de apelación, os autos de procedemento abreviado seguidos neste Xulgado do Penal número dous de Santiago de Compostela co número 387/1999, que constituíron o rolo de apelación número 145/2000, que versan sobre delicto de roubo conforza, e nos que son parte, como apelante María Belén Becerra Romano, representada polo procurador Merelles Pérez, coa defensa do letrado Teixeira Valoria: e como apelado o Ministerio Fiscal; e sendo relator o maxistrado José Ramón Sánchez Herrero, quen expresa o parecer da sala, procede formula-los seguintes antecedentes de feito, fundamentos de dereito e sentencia.

Que desestimados integramente o recurso de apelación interposto polo procuardor Merelles en representación de María Belén Becerra Romano contra a sentencia do 21-2-2000 dictada nos autos de procedemento abreviado nº 387/1999 do Xulgado do Penal número dous de Santiago de Compostela, a cal se confirma integramente, sen pronunciamento sobre as custas causadas nesta alzada.

Contra esta resolución non cabe ningún recurso ordinario.

Devólvanse os autos orixinais ó xulgado de que proceden, con testemuño desta sentencia para o seu coñecemento e cumprimento.

Así, por esta nosa sentencia, da que se unirá certificación ó rolo, pronunciámolo, mandámola e asinámola.

En Santiago de Compostela o quince de novembro de dous mil.

O secretario

Rubricado