Visto o expediente para outorgamento de autorización administrativa, declaración, en concreto, de utilidade pública e a necesidade da urxente ocupación que leva implícita, así como a aprobación do proxecto de execución da instalación eléctrica que a continuación se detalla:
Solicitante: Parque Eólico Bustelo, S.A.
Domicilio social: r/ Castiñeiriño, 12-3º, 15702 Santiago de Compostela.
Denominación: L.A.T. DC a 30 kV subestación Pena da Loba-P.E. Faladoira.
Situación: As Pontes de García Rodríguez, Mañón, Ortigueira.
Descricións técnicas: liña eléctrica en alta tensión 30 kV dobre circuíto, sobre apoios realizados en torres metálicas de celosía, de 5.698 m de lonxitude, atravesando os concellos das Pontes de García Rodríguez, Mañón e Ortigueira realizada en conductor LA-380, con orixe na futura subestación de Pena da Loba e remate no parque eólico de Faladoira.
Cumpridos os trámites ordenados na Lei 54/1997, do 27 de novembro, e nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolve:
Autorizar, declarar, en concreto, de utilidade pública e a necesidade da urxente ocupación que leva implícita, así como a aprobación do proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente o seu dereito.
A Coruña, 22 de novembro de 2000.
Jesús Espada Martínez
Delegado provincial da Coruña