Visto o texto da acta asinada o día 11 de setembro de 2000, pola comisión negociadora do convenio colectivo do sector da construcción e obras públicas da provincia da Coruña (código 1500395), subscrita en representación da parte económica, por APECCO e da parte social por UGT e CC.OO., mediante a que se acorda aproba-las táboas salariais para o ano 2000 e as modificacións do convenio colectivo 1999-2001 publicado no DOG nº 192 do 4-10-1999, de conformidade co disposto no art. 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro: dispoñe-la súa publicación no Diario Oficial de Galicia.
A Coruña, 20 de setembro de 2000.
José Antonio Álvarez Vidal
Delegado provincial da Coruña
Acta nº 3. Convenio construcción provincia da Coruña.
Asistentes:
Por APECCO:
Antón Arias Díaz-Eimil.
Silviano Pizarro Gómez.
Benigno López Bueno.
Manuel López Grobas.
Antonio Fernández Durán.
Antonio Fernández Chao (asesor).
Miguel García Eiroa (secretario).
Por UGT:
Jesús Calvo Romero.
Celestino Pérez Vázquez.
Por CC.OO.:
Santiago Huertas Pozurama.
Por CIG:
Victorino Ares Prado.
Na cidade da Coruña, o 11 de setembro de 2000, sendo as 17 horas, reúnense nos locais de APECCO os señores que arriba se relacionan, para revisar e actualizar (segundo o artigo 6º) o convenio colectivo de construcción 1999-2001, asinado o 21 de xullo de 1999 (enmarcado dentro do Acordo sectorial nacional e do convenio xeral do sector da construcción CXSC).
Aberta a sesión e despois dunha ampla deliberación, acórdase aprobar por unanimidade as táboas salariais para o ano 2000 que se xuntan a esta acta, e as seguintes modificacións do convenio 1999-2001.
Artigo 6º.-Incremento económico.
Para o ano 2000 aplicarase un incremento de 2,45% sobre os conceptos de salario base, gratificacións extraordinarias, retribución de vacacións e complementos salariais e extrasalariais.
Para o ano 2001 aplicarase, sobre os conceptos mencionados no parágrafo anterior, un incremento igual ó da previsión da inflación establecido para o ano respectivo na Lei de orzamentos xerais do Estado, máis un 0,90%.
Artigo 7º.-Cláusula de garantía salarial ano 2000.
No suposto de que o incremento anual do índice de prezos ó consumo (IPC) do 31 de decembro de 2000 supere o 2% efectuarase unha revisión económica sobre o exceso do dito tanto por cento, para efectos de que sirva de base para a negociación colectiva seguinte.
O mesmo criterio fixado no parágrafo anterior operará, se é o caso, para a revisión económica do ano 2001, cando o IPC ó 31 de decembro supere o IPC previsto nos orzamentos xerais do Estado máis o 0,50%, que servirán de base para fixa-los incrementos salariais sinalados no artigo 6.1º deste convenio.
A dita revisión, se é o caso, afectará ós conceptos previstos no artigo 6.1 deste convenio.
Artigo 19º.-Desgaste de ferramenta.
Ó persoal con dereito a percibir compensación económica por desgaste de ferramenta, aboaráselle na contía mínima de 70 ptas. por día traballado para o ano 2000.
Artigo 24º.-Axudas desprazamentos.
O persoal con dereito a axudas percibirá por día efectivo de traballo, as cantidades que se detallan:
-Axuda completa: 3.100 ptas./diarias.
-Media axuda de custo: 1.200 ptas./diarias.
Artigo 26º.-Premio por xubilación.
Os traballadores que desexen xubilarse entre os 60 e 64 anos de idade, e sempre que leven traballando ó servicio da empresa sete anos ininterrompidos, terán dereito ó percibo das indemnizacións económicas que se establece, sempre que o cesamento na empresa se produza por petición do traballador.
*Traballador con 60 anos: 200 días salario base anexo I.
*Traballador con 61 anos: 150 días salario base.
*Traballador con 62 anos: 100 días salario base.
*Traballador con 63 anos: 50 días salario base.
*Traballador con 64 anos: 30 días salario base.
Os traballadores afectados por este convenio xubilaranse obrigatoriamente ó cumprir 65 anos de idade, sempre que reúnan as condicións esixidas para o percibo da prestación de xubilación, percibindo da empresa 15 días de salario base (anexo I).
Artigo 33º.-Outras modalidades de contratación.
No punto 4.7º do contrato para a formación, publicouse erroneamente no seu momento o prazo máximo da súa duración, que é de dous anos e non de tres. A redacción quedará da seguinte maneira:
4.7. A duración do contrato non poderá ser inferior a seis meses nin exceder de dous anos, sen prexuízo do establecido no punto 4.11.
Cando se subscriba por un prazo inferior ó máximo establecido no parágrafo anterior, poderá prorrogarse antes do seu remate por acordo entre as partes, unha ou máis veces, por períodos non inferiores a seis meses, sen que o tempo acumulado, incluído o das prórrogas, poida exceder do referido prazo máximo. O aviso previo de finalización do contrato deberá axustarse ós prazos e forma que indica o artigo 28.1º do CCSC.
Expirada a duración máxima do contrato para a formación, o traballador non poderá ser contratado baixo esta modalidade pola mesma ou por distinta empresa.
Artigo 39º.-Xornada de traballo.
Establécese unha xornada laboral para o ano 2000 de 40 horas semanais de traballo efectivo, o que supón un cómputo anual de traballo efectivo de 1.760 horas, segundo o calendario laboral publicado no BOP nº 293, do 23 de decembro de 1999.
Artigo 54º.-Complemento de hospitalización.
No caso de accidente laboral ocorrido no centro de traballo e en horario de traballo, e que dea lugar a hospitalización, a empresa aboará un complemento que, sumado ás prestacións regulamentarias por incapacidade temporal, garanta o cen por cento do salario real e, durante un período máximo de seis meses, salvo que finalice antes o contrato de traballo ou a obra.
Disposición adicional.-Sétima.
O persoal que cese durante o período de prórroga do convenio, terá dereito a percibir, como atrasos, o IPC previsto nos orzamentos xerais do Estado para o ano.
Así mesmo, facúltase a Miguel García Eiroa, secretario, para a prestación das táboas salariais e modificacións do convenio indicado ante a delegación provincial de Xustiza, Interior e Relacións Laborais da Xunta de Galicia, para efectos da súa homologación e posterior publicación no BOP e no DOG.
Por parte da central sindical CIG, aínda participando en tódalas reunións de debate deste convenio colectivo e entendendo que parten dunha plataforma conxunta con CC.OO. e UGT, non conseguindo ningún dos puntos da dita plataforma e respectando a postura dos demais representantes da mesa, a CIG, de acordo cos seus organismos confederados, non pode asinar este acordo.
En proba de conformidade asínase a presente no lugar e na data máis arriba indicados.
Táboa de retribucións
(por día efectivo traballado)
anual hora
extra
e transporteNiveis Categorías Salario Complemento
Gratificacións Vacacións Total
Valor
Día Mes Asistencia Distancia
Xullo Nadal
II Titulado superior 6.040 199.191 865 846 268.891 268.891 268.891 3.411.836 2.280
III Titulado medio, xefe admvo. 1ª, xefe socc. org. 1ª 5.201 158.744 865 688 217.818 217.818 217.818 2.775.464 1.860
IV Xefe de persoal, axte. de obra, encargado xral. de fábrica, encargado xeneral 5.059 161.783 865 661 208.997 208.997 208.997 2.665.896 1.790
V Xefe administrativo de 2ª, delineante superior, encargado xeneral de obras, xefes de sección de organización científica do traballo de 2ª, xefes de compras 4.610 138.313 865 608 191.974 191.974 191.974 2.450.831 1.660
(por día efectivo traballado)
anual hora
extra
e transporteNiveis Categorías Salario Complemento
Gratificacións Vacacións Total
Valor
Día Mes Asistencia Distancia
Xullo Nadal
VI Ofic. admvo. de 1ª, delineante de 1ª, xefe ou encargado de taller, encargado de sección de laboratorio, escultor de pedra e mármore, práctico de topografía de 1ª, técnico de organización, encargado de obra 3.930 117.892 865 529 166.295 166.295 166.295 2.133.045 1.450
VII Delineante de 2ª, técnico de organización de 2ª, práctica de topografía de 2ª, analista de 1ª, viaxante, especialista de oficio, capataz 3.493 104.790 865 525 151.477 151.477 151.477 1.931.776 1.330
VIII Oficial admvo. 2ª, corredor de praza, inspector de control, sinalización e servicios, analista de 2ª, oficial de 1ª de oficio 3.419 102.570 865 515 148.251 148.251 148.251 1.895.098 1.310
IX Auxiliar admvo., axte. topográfico, aux. organiz., vendedor, conserxe, oficial 2ª de oficio 3.344 100.320 865 505 145.459 145.459 145.459 1.859.387 1.290
X Auxiliar de laboratorio, vixilante, almaceneiro, enfermeiro, cobrador, garda xurado, especialista de 1ª, axudante de oficio 3.240 865 491 140.810 140.810 140.810 1.807.506 1.260
XI Especialista de 2ª, peón especial 3.217 865 488 140.072 140.072 140.072 1.796.924 1.260
XII Limpadora, peón ordinario 3.152 865 479 137.522 137.522 137.522 1.765.510 1.220
XIII Mozos dos recados e pinches de 16 a 18 anos 2.608 631 389 111.507 137.507 111.507 1.433.621
NOTA:
As categorías que se indican cunha antigüidade na empresa anterior ó 1-6-1992 rexeranse para efectos económicos polos seguintes niveis:
Nivel VII: oficial 2ª administrativo; nivel VIII: auxiliar técnico e administrativo; nivel IX: listeiro.
Para as categorías das que os devengos son mensuais o salario multiplícase por 30 días e os complementos de asistencia por 22 días.
A retribución do traballador en prácticas durante o primeiro ano de vixencia será do 60% e para o segundo ano do 75% desta táboa.
