O Concello de Nigrán, por acordo plenario do 28 de xullo de 2000, aprobou definitivamente, en virtude da delegación prevista na lexislación aplicable,
a proposta de modificación singular das normas subsidiarias de planeamento do municipio de Nigrán e, en consecuencia, excluí-la denominada Casa de Soto, do catálogo do anexo II das normas subsidiarias de planeamento, no que figuraba co número 31.
Por aplicación do previsto no artigo 48 da Lei 1/1997, do solo de Galicia, a eficacia do referido acto de aprobación definitiva e a entrada en vigor da modificación aprobada quedan condicionadas á recepción do expediente pola consellería competente e á publicación da ordenanza segundo o establecido na lexislación do réxime local.
A citada resolución pon fin á vía administrativa polo que contra ela cabe interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio. Todo isto sen prexuízo de que se poida exercer, de se-lo caso, calquera outro recurso que se considere procedente.
Nigrán, 5 de setembro de 2000.
José Manuel Rial Cadaval
Alcalde