De conformidade co Decreto 48/1998, artigo 10, do 5 de febreiro, que establece a estructura orgánica da Consellería de Sanidade e Servicios Sociais e as súas competencias, é responsabilidade da Dirección Xeral de Saúde Pública a elaboración e xestión dos programas de prevención de enfermidades.
Por isto, e dado o interese que para a mellora do estado de saúde da poboación infantil ten a prevención de certas enfermidades para as que existen productos vacinais de demostrada eficacia e efectividade; da necesidade de mante-las recomendacións de vacinas e pautas de vacinación actualizadas segundo os avances dos coñecementos dos niveis de seroprevalencia dos anticorpos fronte ós axentes
obxecto da vacinación; o desenvolvemento da biotecnoloxía na producción de vacinas máis seguras e efectivas; a aparición de cambios ecolóxicos na flora bacteriana e seguindo as recomendacións ó respecto feitas polo Comité Asesor de Enfermidades Inmunoprevibles,
DISPOÑO:
Primeiro.-O programa de vacinación infantil comprenderá a prevención mediante inmunoprofilaxe activa de:
-Hepatite B.-Poliomielite.-Tétano.-Difteria.-Tose ferina.-Sarampelo.-Rubéola.-Parotidite.
-Enfermidades invasivas causadas polo Haemophilus influenzae de serotipo b.
-Enfermidades invasivas causadas pola Neisseria meningitidis serogrupo C.
Segundo.-As pautas de vacinación segundo as vacinas serán as seguintes:
Vacinas Idade
0 meses 2 meses 4 meses 6 meses 15 meses 18 meses 3 anos 6 anos 12 anos 14 anos
(1ª d.) (2ª d.) (3ª d.) (preado.)
(1ª d.) (2ª d.) (3ª d.) (4ª d.) (5ª d.)
(2)
(1ª d.) (2ª d.) (3ª d.) (4ª d.) (5ª d.)
(1ª d.) (2ª d.) (3ª d.) (4ª d.)
(1ª d.) (2ª d.) (3ª d.)
(1ª d.) (2ª d.)
Vacina Hepatite B: VHB (1) VHB
VHB
VHB
VHB
Vacina da difteria, tétano e toseferina: DTP DTP
DTP
DTP
DTPa
DTPa
Vacina do tétano e da difteria tipo adulto: Td Td
Vacina oral da polio: OPV OPV
OPV
OPV
OPV
OPV
Vacina do Haemophilus influenza tipo b: Hib Hib
Hib
Hib
Hib
Vacina fronte ó meningococo C (3) MC
MC
MC
Vacina fronte ó sarampelo, rubéola e parotidite (triple vírica): TV (3) TV
TV
* Este calendario é orientativo e foi elaborado tendo en conta as vacinas incluídas no programa de vacinacións infantís, pero dada a ampla flexibilidade que permite a aplicación das vacinas pode ser adaptado polo seu pediatra ás particularidades de cada neno.
1. En nenos non vacinados anteriormente a pauta de vacinación ós 12 anos é de 3 doses, as dúas primeiras cun intervalo dun mes e a terceira ós seis meses da primeira (0,1,6).
2. Recoméndase aplicar unha dose de recordo cada 10 anos.
3. Neste momento introdúcese a vacina conxugada fronte ó meningococo C, que pode ser administrada a partir dos dous meses de idade.
Non obstante, dada a ampla flexibilidade que neste momento permite a aplicación e combinación das vacinas, considérase necesario recoller algunha das opcións de pautas de vacinación que demostren igualmente a súa eficacia, como orientación para o persoal sanitario que debe adopta-la decisión de elixi-lo momento axeitado de vacinación segundo as características particulares dos nenos/as, tal e como se expresa a continuación:
a) O intervalo mínimo entre a 1ª dose de VHB e a 2ª debe ser dun mes. Pode iniciarse nos neonatos ou no primeiro mes de vida. A 2ª dose pode ser aplicada igualmente ó cumpri-lo mes se foi vacinado nas primeiras 24 horas de vida ou coincidindo no 2º mes coa primovacinación da DTP, polio e Hib.
b) A dose de recordo dos 6 anos pode ser realizada coa vacina trivalente DTP, DTPa ou coa DT nos casos nos que o pediatra o estime.
c) Nos casos en que debe substituírse a vacina oral (cepa Sabin) fronte ós virus da poliomielite pola vacinación inxectable (cepa Salk) a pauta de vacinación é a mesma.
d) A 1ª dose de vacina triple vírica (fronte ó sarampelo, rubéola e parotidite) pode adiantarse ós 12 meses. No caso de que a situación epidemiolóxica aconselle a vacinación antes dos 12 meses, é necesario revacinar ós 15 meses.
e) O intervalo mínimo entre doses coa nova vacina conxugada fronte ó meningococo C debe ser dun mes. A vacina conxugada fronte ó meningococo C pode ser administrada ó mesmo tempo que o resto das vacinas do calendario.
Terceiro.-Se as circunstancias o aconsellan, disporase a incorporación de novas vacinas ou a substitución das existentes por combinacións ou novas preparacións de vacinas que colaboren na mellora permanente do estado de saúde dos nenos/as de Galicia.
Cuarto.-Esta presente resolución entrará en vigor a partir do 2 de novembro de 2000.
Santiago de Compostela, 7 de setembro de 2000.
Pilar Farjas Abadía
Directora xeral de Saúde Pública