Visto o texto do convenio colectivo provincial da empresa Unidad de Vehículos Industriales, S.A., (Unvi, S.A.) de Ourense (código convenio nº 3200722) e o seu anexo II, con entrada nesta delegación provincial o día 27-7-2000, subscrito en representación da parte económica pola empresa e, da parte social, polo comité de empresa, o día 2-6-2000, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo.
Esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación desta delegación.
Terceiro.-Dispoñe-la súa publicación no Diario Oficial de Galicia.
Ourense, 8 de agosto de 2000.
José Lage Lage
Delegado provincial de Ourense
Convenio colectivo
Unidad de Vehículos Industriales, S.A.
(Unvi, S.A.), 2000-2001
Artigo 1º.-Ámbito territorial.
O presente convenio será de aplicación para a empresa Unidad de Vehículos Industriales, S.A., (Unvi, S.A.) e tódolos seus traballadores.
Artigo 2º.-Ámbito persoal.
Queda comprendido neste convenio todo o persoal asalariado da compañía Unvi, S.A. excepto os que exerzan funcións de alta dirección ou alto consello e as persoas ligadas por contratos mercantís ou civís.
Artigo 3º.-Duración, prórroga e denuncia.
A duración do presente convenio será de dous anos, 2000 e 2001, a partir do 1 de xaneiro de 2000 e prorrogarase de ano en ano se non se denuncia con tres meses de antelación ó termo da súa vixencia. A referida denuncia deberá facerse coa comunicación á que fai referencia o artigo 89 do Estatuto dos traballadores. O texto do presente convenio será de obrigatorio cumprimento mentres non sexa substituído por outro que no seu día se negocie.
Artigo 4º.-Garantía (ad personam).
As cantidades superiores pactadas a título persoal ou calquera outra mellora que teña establecida na empresa serán respectadas na súa totalidade.
Artigo 5º.-Compensanción e absorción.
As melloras do presente convenio poderán ser compensadas ou absorbidas con calquera outra mellora voluntaria ou por disposición legal en cómputo anual, excepto que expresamente se pacte o contrario.
Artigo 6º.-Xornada de traballo.
A xornada de traballo será de 1.792 horas para o ano de vixencia, distribuídas a través de oito horas diarias de luns a venres. Os quince minutos de bocadillo computaranse como xornada efectiva de traballo.
Artigo 7º.-Vacacións.
As vacacións anuais consistirán no desfrute de 30 días naturais, que se desfrutarán preferentemente durante o mes de agosto.
A nómina correspondente ó período de desfrute de vacacións será igual á dunha mensualidade normal de traballo.
O traballador en situación de IT ó comezo do período vacacional poderá recupera-los días de vacacións nos que se atopase en situación de baixa por IT, ata un máximo de 15 días.
A empresa queda facultada para investigar e inspecciona-la realidade da situación de baixa por IT.
O período de vacacións interromperase no suposto de que o traballador contraia matrimonio no período vacacional.
Artigo 8º.-Salarios.
Para el año 2000 os salarios aumentarán un 3,7% sobre as táboas vixentes o 31 de decembro de 1999, con efectos retroactivos desde o 1 de xaneiro de 2000.
O concepto de retribución voluntaria (aqueles traballadores que o veñen percibindo) incrementarase nun 3,7% sobre a cantidade vixente o 31 de decembro de 1999.
Para 2001, o incremento salarial será o IPC previsto máis o 0,5%. No suposto de que o IPC real, o 31 de decembro de 2001, fose superior ó incre
mento salarial (IPC previsto máis 0,5%) procederase a incrementa-los salarios na diferencia entre ambos con efectos do 1 de xaneiro de 2001.
Artigo 9º.-Antigüidade.
Establécese un complemento de antigüidade por quinquenios, en contía do 6% do salario base a 1 de xaneiro de 2000.
Artigo 10º.-Complemento de transporte.
Aboarase un complemento de transporte por día efectivamente traballado na contía de 165 ptas. e garantirase a súa percepción, en todo caso, durante 224 días.
Artigo 11º.-Gratificacións extraordinarias.
Establécense dúas pagas extraordinarias pagadoiras antes do 15 de xullo e outra antes do 22 de decembro, consistentes no aboamento do salario base máis a retribución voluntaria complementaria, iguais ás correspondentes a unha mensualidade normal de traballo.
Artigo 12º.-Gastos de desprazamento.
Os gastos de desprazamento serán aboados pola empresa, logo da súa xustificación.
Artigo 13º.-Licencias e excedencias.
O réxime de licencias acomodarase ó disposto nos seguintes puntos:
-Por matrimonio: 15 días naturais.
-Por nacemento de fillo: 4 días naturais.
-Por matrimonio de fillos: 2 días naturais.
-Por morte ou enfermidade grave do cónxuxe, pais, irmáns, pais políticos, avós, netos e fillos, o tempo indispensable cun mínimo de 2 días naturais.
-Por morte de tíos políticos: 1 día natural.
-Por morte de irmáns políticos, avós políticos e tíos: 2 días naturais.
-Por morte dun sobriño: 1 día natural.
-Por exames: o tempo necesario con xustificación.
-Por parto da muller traballadora observarase a lexislación vixente.
No caso de que o feito causante acontecese fóra da provincia, corresponderá un día natural máis dos previstos.
O traballador que teña ó seu cargo algún diminuído físico ou psíquico terá dereito a unha reducción da xornada de polo menos 1/3, coa correspondente reducción salarial.
O traballador terá dereito, coa xustificación, ós necesarios períodos de ausencia ó traballo, cando se someta a técnicas de fertilización legalmente autorizadas ou de esterilización.
Para tódolos efectos deste artigo, entenderase por enfermidade grave sempre que exista necesidade de
hospitalización, intervención cirúrxica, necesidade de acompañante e sempre que así sexa cualificado polo facultativo correspondente.
Artigo 14º.-Incapacidade temporal (IT).
O traballador na situación de IT percibirá nos 45 primeiros días da devandita situación o 100% do salario cotizable dun mes, salvo no caso de accidente laboral, no que se percibirá o 100% a partir do primeiro día. O dito complemento aboarase tamén na súa parte proporcional nas pagas extraordinarias.
A mellora de prestacións incluída no parágrafo anterior só operará cando o absentismo non supere o 4%, sen que se teñan en conta no cómputo da dita porcentaxe os procesos de longa enfermidade e accidente laboral. Nos casos nos que non entre en xogo a mellora de prestacións, operará o sinalado pola lexislación vixente.
Artigo 15º.-Póliza de seguros.
A empresa deberá concertar con primas íntegras ó seu cargo unha póliza de seguros que cubra as seguintes indemnizacións:
-Falecemento por causa natural, incluso enfermidade profesional: 1.750.000 ptas.
-Invalidez permanente total ou absoluta por causas naturais ou por enfermidade profesional: 1.750.000 ptas.
-Falecemento por accidente laboral ou común: 4.000.000 de ptas.
-Invalidez permanente total, absoluta ou gran invalidez por accidente laboral ou común: 4.000.000 de de ptas.
Artigo 16º.-Seguridade e hixiene.
A empresa obrígase ó cumprimento inescusable das normas sobre seguridade e hixiene, acomodando a súa actuación ó previsto na Lei 31/1995, do 8 de novembro, de prevención de riscos laborais.
Artigo 17º.-Comisión mixta paritaria.
Constitúese unha comisión mixta paritaria de interpretación e cumprimento do convenio, integrada polos membros do comité de empresa e os membros da dirección da empresa que interviñesen na negociación do convenio, que terá como función a interpretación e vixilancia do cumprimento do pactado.
Artigo 18º.-Roupa de traballo.
A empresa entregará desde o primeiro día de traballo a roupa de protección e hixiene necesaria segundo a lexislación vixente.
O persoal obreiro percibirá dúas fundas ou roupas semellantes ó entrar no traballo por primeira vez e unha máis cada seis meses.
Nos postos nos que se precise calzado especial por motivos de seguridade, a empresa facilitarao e a comisión mixta fixará o número de pares que sexan necesarios no ano.
Os productores que realicen traballos especiais, que serán definidos pola comisión mixta paritaria,
recibirán unha funda máis cada catro meses. O persoal administrativo terá o mesmo dereito a pezas de roupa asimilables ás súas funcións, sempre que así o solicite persoalmente.
Artigo 19º.-Formación laboral.
No tocante á formación laboral, analizarase cada un dos casos concretos que se vaian producindo e que sexan de interese tanto para a empresa como para os traballadores.
Disposición derradeira
En todo o non previsto no presente convenio observarase o disposto na ordenanza laboral para as industrias siderometalúrxicas, no Real decreto lexislativo 1/1995, do 24 de marzo, polo que se aproba o texto refundido do Estatuto dos traballadores, a Lei orgánica de liberdade sindical e as demais disposicións de legal aplicación.
ANEXO I
Táboa salarial, convenio 2000
Categoría Sub.-Cat. A Sub.-Cat. B
* Persoal obreiro Peón 4,219 3,671 Especialista 4,250 3,702 Oficial de 3ª 4,306 3,757 Oficial de 2ª 4,375 3,827 Oficial de 1ª 4,478 3,929 Traballad. menor 18 anos 4,219 3,671
* Persoal subalterno Almaceneiro 4,179 3,671 Probador 4,335 3,827 Listeiro 4,265 3,757 Recepcionista 4,179 3,671 Vixilante 4,179 3,671 Ordenanza 4,179 3,671 Porteiro 4,179 3,671 Conserxe 4,179 3,671 Chofer turismo 4,335 3,827 Chofer camión 4,436 3,929 Telefonista 4,265 3,757
* Persoal técnico Mestre taller 5,173 4,664 Xefe de taller 5,310 4,802 Encargado 5,173 4,664 Titulado medio 5,310 4,802 Titulado superior 5,526 5,017 Delineante proxectista 5,006 4,499 Delineante de 1ª 4,436 3,929 Calcador-reproductor 4,265 3,757 Delineante de 2ª 4,335 3,827 Controlador 4,335 3,827 Téc. organización de 1ª 4,434 3,929 Téc. organización de 2ª 4,335 3,827 Aux. organización de 1ª 4,265 3,757 Aux. organización de 2ª 4,211 3,702
* Persoal administrativo Aux. administrativo 4,265 3,757 Oficial Admvo. de 1ª 4,436 3,929 Oficial Admvo. de 2ª 4,335 3,827 Viaxante ou vendedor 4,265 3,757 Xefe Admvo. de 1ª 4,494 3,987 Xefe Admvo. de 2ª 4,436 3,929
Categoría Sub.-Cat. A Sub.-Cat. B
Caixeiro 4,265 3,757 Xefe almacén 4,436 3,929 Xefe contabilidade 4,494 3,987 ATS 5,310 4,802 Traductor idiomas 4,335 3,827 Programador 4,335 3,827 Analista 4,355 3,827
ANEXO II
Este convenio colectivo negociárono e asínano os representantes da dirección da empresa: Javier González Pereira e Ramón González Doniz e os membros do comité de empresa en representación dos traballadores, Narciso Martínez Ojea, Félix Chaudarcas Gómez, Manuel Álvarez González, Elías Rubín Currás e Francisco Núñez Iglesias
