Visto o expediente do convenio colectivo para a empresa Gestamp Vigo, S.A., con nº de código 3603302, que tivo entrada nesta delegación provincial o día 19-7-2000, subscrito en representación da parte económica pola representación da empresa, e da parte social, polo comité de empresa, en data 7-7-2000. De conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 26 de xullo de 2000.
Antonio Coello Bufill
Delegado provincial de Pontevedra
Convenio colectivo Gestamp Vigo, S.A.
Anos 2000, 2001 e 2002
En Vigo (Pontevedra), o 7 de xullo de 2000, reúnense, dunha parte, a dirección de Gestamp Vigo, S.A. (en diante, Gestamp Vigo), representada neste acto por Fernando Aramburu Núñez, na súa calidade de director xerente da mesma e apoderado a tal fin, e da outra Julio Rodríguez Padilla, Juan A. Gómez Pérez, Enrique Araújo Álvarez, Rosa Alonso Alonso, Eduardo Álvarez Pereira, Ángel Alonso Comesaña, José A. Villar Blanco, Eladio Rodríguez Arias, Manuel Meréns Cao, na súa calidade de membros do comité de empresa de Gestamp Vigo.
As partes, na representación que respectivamente desempeñan, recoñécense mutuamente capacidade e lexitimación suficientes para a subscrición do presente convenio colectivo, de acordo co disposto no articulado seguinte.
Capítulo I
Disposicións xerais
Artigo 1º.-Ámbito territorial e funcional.
O presente convenio afecta á totalidade do cadro de persoal que presta os seus servicios profesionais para Gestamp Vigo, S.A., no seu centro de traballo situado na rúa Casas, nº 1, San Andrés de Comesaña, 36216 Vigo (Pontevedra).
No suposto de constitución dun novo centro de traballo na provincia de Pontevedra, vixente na duración do presente convenio, será de aplicación ós traballadores que presten os seus servicios profesionais nel.
Artigo 2º.-Ámbito temporal.
O presente convenio terá vixencia durante os exercicios 2000, 2001 e 2002 retrotraéndose os seus efectos, en consecuencia, ó 1 de xaneiro de 2000 e rematando o 31 de decembro de 2002.
Unha vez concluída a duración pactada, e ata tanto non se logre acordo expreso, manterán a súa vixencia os artigos normativos do convenio.
Artigo 3º.-Deber de paz.
Durante a vixencia do presente convenio, e en relación con calquera controversia que puidese xurdir para a interpretación, alcance, aplicación e cumprimento deste, será preceptiva a intervención previa da comisión paritaria do mesmo.
De non chegarse a acordos, será obrigatoria a mediación sempre que o demande unha das partes do conflicto.
Artigo 4º.-Vinculación ó convenio provincial.
Para o resto de condicións non reguladas no presente convenio, aplicarase o disposto no convenio provincial para a industria siderometalúrxica de Pontevedra e demais lexislación aplicable.
Artigo 5º.-Pacto de globalidade.
As condicións pactadas neste convenio forman un todo indivisible e, para efectos da súa aplicación práctica, será considerado na súa totalidade.
Artigo 6º.-Comisión de vixilancia e interpretación.
Esta comisión estará integrada polos membros designados polas partes asinantes deste convenio, nun número máximo de 3 por cada unha delas e terá como funcións, áparte da interpretación, vixilancia e aplicación do convenio, a conciliación, mediación e arbitraxe nos conflictos e cuestións que poidan suscitarse na súa aplicación e no se desenvolvemento.
Capítulo II
Condicións económicas/retributivas
Artigo 7º.-Incremento salarial.
O incremento salarial será sobre tódolos conceptos retributivos.
Sobre o salario base incrementarase en tódalas categorías, 3.000 pesetas.
Os salarios para o exercicio 2000 son os reflectidos no anexo I deste convenio, que inclúen o incremento salarial, compensación por antigüidade e incremento do complemento de transporte. Para as primas e calquera outro concepto recollido nel o incremento será do 4,75%.
Para o ano 2001 o salario base incrementarase en tódalas categorías, 2.000 pesetas, sobre a cantidade resultante. O incremento salarial será o IPC previsto polo Goberno mais o 1,5%, todo iso sobre os valores da táboa anexa a este convenio e en igual porcentaxe as primas e calquera outro concepto recollido nel.
Para o ano 2002 o salario base incrementarase en tódalas categorías, 1.500 pesetas, sobre a cantidade resultante o incremento salarial será o IPC previsto polo Goberno máis o 1,5%, e todo iso sobre os valores da táboa deste convenio do ano 2001 e en igual porcentaxe as primas e calquera outro concepto recollido nel.
Respectaranse as condicións económicas derivadas das condicións persoais do traballador.
Artigo 8º.-Antigüidade
O actual complemento de antigüidade quedará configurado do seguinte xeito:
a) Mantéñense e consolídanse os importes que polo complemento persoal de antigüidade, a data do 31-12-2002 tivese cada traballador, como complemento persoal non absorbible nin compensable, non xerándose máis quinquenios a partir da dita data. O importe anterior así determinado adicionaráselle, de se-lo caso, o importe equivalente á parte proporcional de antigüidade que o traballador fixo tivera devengada e non cobrada na data de entrada en vigor do seguinte convenio, calculándose por exceso ou defecto por períodos de seis meses.
b) Os complementos e cantidades referidos na letra a) terán no futuro o mesmo incremento que se pacte para o salario base.
c) Os contratos que se fagan ou se convirtan en indefinidos a partir do 31 de decembro de 2002 non devengarán antigüidade.
d) En compensación ó disposto nos parágrafos anteriores, aplicaranse como incremento do ano 2000 os valores que figuran no anexo II, e nos anos 2001 e 2002 con efectos do 1 de xaneiro deses anos, un incremento salarial dun 2% e 1% respectivamente para tódalas categorías profesionais ou niveis salariais. O citado incremento incluirase no salario base do convenio.
Artigo 9º.-Complemento de axuda escolar.
Aqueles traballadores con fillos en idade escolar, percibirán unha vez ó ano, incorporado á nómina correspondente ó mes de outubro e logo de xustificación documental de tal extremo, as cantidades que se detallan a continuación:
-Fillos en idade escolar: 9.000 pesetas por fillo.
-Fillos na universidade: 25.000 pesetas por fillo.
Artigo 10º.-Complemento de traballos especiais.
As partes, vixente a duración do presente convenio, comprométense expresamente ó desenvolvemento dunha política activa en materia de seguridade e saúde laboral que inclúa, como obxectivos primordiais, a mellora xeral das condicións nas que os traballadores prestan os seus servicios profesionais e, en especial, a detección, atenuación e/ou eliminación dos riscos e molestias que, se é o caso, puidesen derivarse do desenvolvemento da súa actividade en determinados postos de traballo.
Establécese un complemento de ruídos para todo o persoal de taller, incluído o de calidade e almacén da empresa, que será, no primeiro ano de vixencia do convenio, o 50% da cantidade establecida no convenio colectivo provincial siderometalúrxico para o complemento de traballos especiais para o ano 2000. Da cantidade resultante da operación anterior descontaranse 3.000 pesetas mensuais.
Para o segundo e terceiro ano de vixencia do convenio, a cantidade que se percibirá por este suposto será a totalidade do que se estableza no convenio siderometalúrxico provincial para ese mesmo período, a excepción das seguintes cantidades, para o 2001, 2.000 ptas e para o 2002, 1.500 ptas.
O persoal exposto ademais a toxicidade, percibirá o referido complemento en idénticas condicións ás previstas no convenio provincial do siderometal, excepto no referente ó desconto das cantidades referidas no parágrafo anterior.
Se a 31 de decembro de 2001 se está nas novas instalacións do Porriño, os anteriores complementos só serán de aplicación naqueles casos, nos que a avaliación de riscos así o determine.
Capítulo III
Xornada laboral
Artigo 11º.-Xornada anual.
Establése preferentemente de luns a venres e o tempo de bocadillo contará como tempo efectivo de traballo.
Para o exercicio 2000, as partes conveñen que a xornada laboral anual se reducirá en 4 horas respecto á realizada en 1999, que ascendeu a 1.788 horas.
En consecuencia, a xornada anual de 2000 será de 1.784 horas.
Para o exercicio 2001, a xornada reducirase noutras 6 horas anuais, quedando reducida, en consecuencia, a 1.778 horas.
Para o exercicio 2002, a xornada reducirase noutras 6 horas anuais, quedando reducida, en consecuencia, a 1.772.
Artigo 12º.-Permisos para exames.
Aqueles traballadores que, con motivo de circunstancias académicas regradas, e sempre que o soliciten coa suficiente antelación como para non afectar ó proceso productivo, terán dereito ó desfrute do tempo necesario para concorreren a exames.
Capítulo IV
Dereitos sociais e sindicais
Artigo 13º-Seguro colectivo.
No prazo de dous meses a partir da sinatura do presente convenio, a empresa concertará un seguro colectivo de accidentes, con primas íntegras ó seu cargo, mediante pólizas que cubran as seguintes indemnizacións:
a) Accidente laboral ou común con resultado de morte: 3.000.000 de pesetas.
b) Accidente laboral ou común con resultado de invalidez permanente, absoluta ou grande invalidez: 5.000.000 de pesetas.
Artigo 14º.-Contratación indefinida.
Como continuación da política seguida nesta materia nos últimos anos, e para potencia-lo emprego estable, en detrimento da contratación temporal, Gestamp Vigo comprométese a incrementar, durante os 2 próximos anos, o número de contratos indefinidos, de tal xeito que supoñan, ó remate deste período, a lo menos, unha cifra equivalente ó 40% da contratación total da planta, establecéndose un mínimo de 30 persoas.
Os criterios fixaranse razoadamente entre a dirección da empresa e o comité.
Artigo 15º.-Indemnización por extinción de contrato de traballadores eventuais.
A empresa aboaralles mensualmente ós/ás traballadores/as con contratos non indefinidos, polo concepto de indemnización, unha compensación de eventualidade do importe de un día e setenta e cinco (1,75) por mes traballado.
No caso de conversión dun contrato eventual en indefinido, sempre que se respecte a antigüidade do traballador, a empresa resarcirase do importe pagado por este concepto de común acordo co traballador.
Artigo 16º.-Incorporación da muller.
En consonancia co disposto na lexislación vixente en tal materia, Gestamp Vigo comprométese ó exercicio dunha política activa que permita e potencie a plena incorporación da muller á empresa, garantindo o seu acceso ós distintos procesos de selección para a incorporación de traballadores á planta, así como a súa equiparación, en canto a categoría e salario, respecto ós traballadores masculinos.
Artigo 17º.-Saúde laboral.
A elección dos delegados de prevención poderase facer de entre os/as traballadores/as, gozando das mesmas garantías que se estivesen no comité, incluído o crédito horario.
Artigo 18º.-Contratos eventuais de duración determinada por circunstancias do mercado, por acumulación de tarefas ou exceso de pedidos.
Estes contratos, regulados no vixente artigo 15.1º do Estatuto dos traballadores, poderán ter unha duración máxima de 13,5 meses dentro dun período de 18 meses, contados a partir do momento no que se produzan as ditas causas.
E, en proba de conformidade con canto antecede, a representación da parte social e a dirección da empresa subscriben e obríganse a cumprir este convenio, no lugar e data indicados no encabezamento.
ANEXO I
Salarios 2000
mes ano eventualidade
mes traballado
Grupos profesionais Salario
Salario
Compensación
Grupo I Enxeñeiros e licenciados 226.397 3.169.412 15.407
Grupo II Perito con responsabilidade 204.818 2.867.456 13.939 Enxeñeiro e técnicos industriais 198.435 2.778.096 13.504 Xefe de 1ª técnico de laboratorio 173.574 2.430.035 11.812 Xefe de taller 168.785 2.362.984 11.487 Xefe de 1ª Organización 168.336 2.356.706 11.456 Xefe de 1ª administrativo 168.783 2.362.960 11.486
Grupo III Delineante proxectista 156.795 2.195.127 10.671 Xefe de 2ª organización 155.027 2.170.378 10.550 Xefe 2ª 155.027 2.170.378 10.550 Graduados sociais 154.961 2.169.452 10.546 Mestres industriais 151.437 2.120.118 10.306 Mestre de taller 149.934 2.099.081 10.204 Contramestre 149.934 2.099.081 10.204 Xefe de 2ª técnico de laboratorio 149.934 2.099.081 10.204
Grupo IV Encargado 136.455 1.910.361 9.286 Analista de 1ª 136.455 1.910.361 9.286 Técnico de organización 1ª 134.970 1.889.580 9.185 Oficial de 1ª administrativo 134.968 1.889.553 9.185 Viaxante 134.202 1.878.824 9.133 Delineante de 1ª 131.629 1.842.812 8.958 Practicantes 130.681 1.829.539 8.893
Grupo V Oficial de 1ª taller 126.186 1.766.601 8.587 Oficial 2ª taller 122.775 1.718.847 8.355 Técnico de organización de 2ª 122.266 1.711.719 8.321 Oficial de 2ª administrativo 122.266 1.711.719 8.321 Delineante de 2ª 119.308 1.670.315 8.119 Analista de 2ª 118.326 1.656.571 8.053 Chofer de camión 118.298 1.656.178 8.051 Capataz de especialistas 117.713 1.647.979 8.011
Grupo VI Oficial de 3ª 115.806 1.621.285 7.881 Chofer de turismo 114.479 1.616.706 7.859 Listeiro 114.543 1.603.608 7.795 Especialista 112.578 1.576.098 7.661
mes ano eventualidade
mes traballado
Grupos profesionais Salario
Salario
Compensación
Capataz de peóns ordinarios 112.342 1.572.791 7.645 Almaceneiro 111.125 1.555.753 7.563 Pesador de báscula 107.916 1.510.824 7.344 Chofer de motociclo 107.916 1.510.824 7.344 Auxiliar de laboratorio 107.497 1.504.952 7.316 Auxiliar técnico de oficina 107.497 1.504.952 7.316 Auxiliar de organización 107.497 1.504.952 7.316 Auxiliar administrativo 107.497 1.504.952 7.316
Grupo VII Peón 107.277 1.501.879 7.301 Vixilante 106.077 1.485.075 7.219 Porteiro e ordenanza 104.463 1.462.486 7.109
Menores de 18 anos De 16 a 18 anos 77.986 1.091.798 5.307
ANEXO II
Táboa de antigüidade
Grupos profesionais Antigüidade por quinquenio
Grupo I Enxeñeiros e licenciados 9.095
Grupo II Perito con responsabilidade 8.209 Enxeñeiro e técnicos industriais 7.622 Xefe de 1ª técnico de laboratorio 6.926 Xefe de taller 6.633 Xefe de 1ª organización 6.633 Xefe de 1ª administrativo 6.633
Grupo III Delineante proxectista 6.556 Xefe de 2ª organización 6.131 Xefe de 2ª 6.131 Graduados sociais 5.928 Mestres industriais 5.119 Mestres de taller 5.931 Contramestre 5.931 Xefe de 2ª técnico de laboratorio 5.931
Grupo IV Encargado 5.403 Analista de 1ª 5.403 Técnico de organización de 1ª 5.316 Oficial de 1ª administrativo 5.316 Viaxante 5.316 Delineante de 1ª 5.158 Practicantes 4.895
Grupo V Oficial de 1ª taller 4.999 Oficial 2ª taller 4.693 Técnico de organización de 2ª 4.750 Oficial de 2ª administrativo 4.750 Delineante de 2ª 4.710 Analista de 2ª 4.640 Chofer de camión 4.640 Capataz de especialistas 4.611
Grupo VI Oficial de 3ª 4.530 Chofer de turismo 4.543 Listeiro 4.491 Especialista 4.380 Capataz de peóns ordinarios 4.312 Almaceneiro 4.343 Pesador de báscula 4.238 Chofer de motociclo 4.238 Auxiliar de laboratorio 4.155 Auxiliar técnico de oficina 4.155 Auxiliar de organización 4.155 Auxiliar administrativo 4.155
Grupo VII Peón 4.155 Vixilante 4.139 Porteiro e ordenanza 4.037
ANEXO III
Valor da hora extraordinaria 2000
Grupos profesionais
Grupo I Enxeñeiros e licenciados 3.109
Grupo II Perito con responsabilidade 2.813 Enxeñeiro e técnicos industriais 2.725 Xefe de 1ª técnico de laboratorio 2.384 Xefe de taller 2.318 Xefe de 1ª organización 2.312 Xefe de 1ª administrativo 2.318
Grupo III Deliante proxectista 2.153 Xefe de 2ª organización 2.129 Xefe de 2ª 2.129 Graduados sociais 2.128 Mestres industriais 2.079 Mestres de taller 2.059 Contramestre 2.059 Xefe de 2ª técnico de laboratorio 2.059
Grupo IV Encargado 1.874 Analista de 1ª 1.874 Técnico de organización de 1ª 1.854 Oficial de 1ª administrativo 1.854 Viaxante 1.843 Delineante de 1ª 1.808 Practicantes 1.795
Grupo V Oficial de 1ª taller 1-733 Oficial 2ª taller 1.686 Técnico de organización de 2ª 1.679 Oficial de 2ª administrativo 1.679 Delineante de 2ª 1.638 Analista de 2ª 1.625 Chofer de camión 1.625 Capataz de especialistas 1.617
Grupo VI Oficial de 3ª 1.590 Chofer de turismo 1.586 Listeiro 1.573 Especialista 1.546 Capataz de peóns ordinarios 1.543 Almaceneiro 1.526 Pesador de báscula 1.482 Chofer de motociclo 1.482 Auxiliar de laboratorio 1.476 Auxiliar técnico de oficina 1.476 Auxiliar de organización 1.476 Auxiliar administrativo 1476
Grupo VII Peón 1.473 Vixilante 1.457 Porteiro e ordenanza 1.435