De conformidade co establecido no artigo 10 da orde desta consellería do 22 de marzo de 2000 (DOG do 10 de abril) pola que se convocaban licencias por estudios para o curso 2000-2001, destinadas

a funcionarios docentes non universitarios, esta consellería

DISPÓN:

Primeiro.-Adxudicárlle-las licencias por estudios ós profesores que se relacionan no anexo desta orde.

Segundo.-O período improrrogable de duración das licencias dun curso completo será, como máximo, do 1 de setembro de 2000 ó 31 de agosto de 2001, para o profesorado de educación infantil e de educación primaria, e desde o 15 de setembro de 2000 ó 14 de setembro do 2001, para o profesorado de ensino secundario e de ensinanzas do réxime especial.

Nas licencias cuadrimestrais da modalidade 3a duración dos cuadrimestres establécese do seguinte xeito:

1. Para o profesorado de educación infantil e de educación primaria:

-Primeiro cuadrimestre, do 1 de setembro de 2000 ó 31 de decembro de 2000.

-Segundo cuadrimestre, do 1 de xaneiro de 2001 ó 30 de abril de 2001.

-Terceiro cuadrimestre, do 1 de maio de 2001 ó 31 de agosto de 2001.

2. Para o profesorado de ensino secundario e das ensinanzas do réxime especial:

-Primeiro cuadrimestre, do 15 setembro de 2000 ó 14 de xaneiro de 2001.

-Segundo cuadrimestre, do 15 xaneiro de 2001 ó 14 de maio de 2001.

-Terceiro cuadrimestre, do 15 de maio de 2001 ó 15 de setembro de 2001.

Terceiro.-O profesorado ó que se lle concede licencia por estudios das modalidades 1 e 2 continuará condicionado ó envío do xustificante orixinal ou fotocopia compulsada do pagamento da matrícula e das taxas no centro no que se realizarán os estudios, que deberá enviar antes do 31 de outubro de 2000; en caso contrario, a dita licencia quedará automaticamente denegada.

Cuarto.-Contra esta resolución os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 5 de setembro de 2000.

Celso Currás Fernández

Conselleiro de Educación e Ordenación

Universitaria

ANEXO

Licencias por estudios 2000-2001

Mestres

Licencias por estudios 2000-2001

P.E.S. e outros