Visto o desenvolvemento do alcance e contido do artigo 29 do convenio colectivo do persoal de limpeza de Amalis, S.A., que presta os seus servicios no Hos

pital do Meixoeiro, con nº de código 3602061, que tivo entrada nesta delegación provincial o día 11-7-2000, subscrito pola comisión paritaria, en data 24-3-2000, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, no Real decreto 1040/1981, do 22 de maio, sobre rexistro e depósito de convenios colectivos de traballo e no Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primerio.-Ordena-la súa inscrición no libro de rexistro de convenios colectivos de traballo desta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 14 de xullo de 2000.

Antonio Coello Bufill

Delegado provincial de Pontevedra

Asistentes:

-Polo comité de empresa:

Mª Teresa Míguez Lorenzo.

Horacio Alonso de la Campa.

Edelmiro Martínez Troconso.

Pablo Suárez Iglesias.

Sección sindical CC.OO.:

Joaquín Martínez Fernández.-Pola empresa:

Reyes García Alonso.

Na cidade de Vigo, sendo as 17 horas do día vintecatro de marzo de dous mil, reúnense as persoas expresadas á marxe na súa condición de comisión paritaria do convenio colectivo do persoal de limpeza de Amalis, S.A., que presta os seus servicios no Hospital de O Meixoeiro, de Vigo, os cales, pola súa vez, constitúen, dunha parte, a maioría dos compoñentes do comité de empresa e seccións sindicais representantes dos traballadores antes mencionados, e, da outra, representación legal da empresa Amalis, S.A., actual concesionaria do mencionado servicio.

Aberta a sesión, ámbalas partes, como inicio do que se vai tratar, recoñécense mutua e reciprocamente como interlocutores válidos para o obxecto previsto para esta reunión.

Ten por obxecto a reunión desenvolve-lo alcance e contido do artigo 29 do convenio colectivo do centro de traballo, en aplicación do pactado nos parágrafos segundo e catro do mencionado artigo.

Tras un debate sobre os temas que se tratan, as partes alcanzan os seguintes acordos:

Primeiro.-A orde de preferencia dos traballadores fixos da quenda de tarde, para cubri-las vacantes

da súa mesma categoría profesional producidas na quenda de mañá e que a empresa considere necesario cubrir por vacacións, excedencias, maternidade, novas contratacións e baixas de IT de duración superior a 15 días, todo isto de acordo co establecido no artigo 29 do convenio colectivo do centro de traballo, será o que se establece na relación adxunta ó presente documento sinalada como anexo I.

As vacantes iránselles ofrecendo ós traballadores da quenda de tarde segundo a orde na que aparecen no anexo I, e de forma rotatoria.

Se algún traballador/a ó que se lle ofreceu unha vacante non a cobre, pasará automaticamente ó último lugar de preferencia da lista.

Segundo.-En aplicación do establecido no parágrafo terceiro do art. 29 do convenio mencionado, a orde de preferencia das persoas que se mencionan no anexo II do convenio para cubrir aqueles contratos de traballo de interinidade de categoría de limpador/a que subscriba a empresa no Hospital do Meixoeiro, será o que se establece na relación adxunta ó presente documento sinalada como anexo II.

Os contratos de interinidade que subscriba a empresa iránselles ofrecendo ós traballadores do anexo II segundo a orde na que aparecen na relación mencionada, e de forma rotatoria.

Se algún traballador/a ó que se lle ofreceu un contrato non o subscribe, salvo por causa xustificada e acreditada documentalmente (entendendo por causa xustificada para estes efectos as seguintes: estar a traballar para outra empresa, enfermidade do traballador e morte ou enfermidade grave de familiares de primeiro grao), pasará automaticamente ó último lugar de preferencia da lista.

No suposto de que algún dos traballadores do anexo II rexeite en tres ocasións contratos de interinidade que lle correspondan pola súa orde de preferencia, salvo que o motivo de non subscribi-lo contrato sexa algunha das causas xustificadas que se mencionan no parágrafo anterior, o dito traballador/a deixará de te-lo dereito preferente que se establece no art. 29 citado e, por conseguinte, o seu nome eliminarase do anexo II.

Así se acorda e, para que conste e para os efectos oportunos, expídese esta acta, que é asinada por tódolos asistentes en proba de conformidade, todo isto na cidade e data expresadas ó principio.

ANEXO I

Relación de traballadores/as fixos da quenda de tarde, con preferencia para cubrir vacantes da quenda de mañá segundo o artigo 29 do convenio colectivo.

ANEXO II

Relación de traballadores/as con preferencia para cubrir vacantes e substitucións segundo o artigo 29 do convenio colectivo.