O Igape renova a convocatoria de bolsas de contratos en prácticas mantendo así unha política de dobre obxectivo, dunha banda a de achegar ós recén titulados, con escasa ou nula experiencia profesional, ás empresas galegas facilitándolles así a experiencia práctica complementaria ós coñecementos adquiridos no seu período formativo e doutra banda, incentivando a contratación por parte do empresariado galego, de traballadores cunha base de formación importante, que poida propiciar, tralo necesario período de adaptación e aprendizaxe práctica, a mellora do capital humano das empresas e a familiarización dos empresarios con persoal de maior cualificación potencial.
A nova convocatoria mantén o sistema de asignación de bolseiros ás empresas e entidades posto en práctica na pasada convocatoria de bolsas 99, de xeito que trala clasificación das entidades e dos bolseiros, segundo a demanda de titulación e especialidade solicitada polas entidades, se procede á asignación directa e automatizada dos bolseiros mellor clasificados.
As variantes máis salientables que presenta a nova convocatoria atópanse no establecemento dos baremos clasificatorios das entidades solicitantes de bolseiros, concretándose nos seguintes criterios:
1. Introdúcese unha valoración positiva (10%) das solicitudes de titulacións menos demandadas, coa intención de potencia-lo acceso ás bolsas de titulacións de máis dificil acceso ó mercado laboral.
2. Mantéñense os criterios de: complexo de actividade preferente (25%) e localización das entidades nalgunha das provincias de menor renda (20%).
3. Establécese a contía mínima do salario bruto que percibirán os titulados no valor da bolsa concedida (1.500.000 ptas.). Aquelas entidades que propoñan un salario bruto anual superior, recibirían 1 punto porcentual por cada 15.000 ptas. en que o salario bruto anual proposto supere 1.500.000 ptas., co límite neste concepto en 25 puntos porcentuais.
4. Avaliaranse as funcións previstas polas entidades para os bolseiros, de xeito que recibirán 5 puntos porcentuais aquelas solicitudes que propoñan funcións en áreas de xestión, organización ou tecnoloxía.
5. Por último, introdúcese a valoración positiva daquelas solicitudes que, tendo sido beneficiarios de bolseiros do Igape en anteriores convocatorias, acrediten a permanencia na entidade do bolseiro, con contrato indefinido (15%).
Os restantes aspectos relativos á tramitación, dereitos e obrigas dos beneficiarios non presentan novidades salientables, establecéndose un período máximo para a resolución de incidencias, renuncias e reasignacións de bolseiros de seis meses contados a partir
da publicación das listas de espera de titulados e entidades.
Por todo o que antecede, logo da súa deliberación polo Consello de Dirección do Instituto Galego de Promoción Económica (Igape) en data 19 de xullo de 2000 aprobou as bases reguladoras que se xuntan á presente resolución como anexo.
Santiago de Compostela, 19 de xullo de 2000.
Margarita Rodríguez Rama
Directora xeral do Instituto Galego de Promoción Económica
ANEXO
BASES POLAS QUE SE REGULAN BOLSAS-CONTRATOS EN PRÁCTICAS
Primeira.-Obxecto.
É obxecto das presentes bases regula-la convocatoria de ata 80 bolsas-contratos en prácticas destinadas a minora-los custos laborais de titulados universitarios contratados por empresas ou por entidades sen ánimo de lucro representativas de sectores ou subsectores empresariais.
Segunda.-Aplicacións orzamentarias.
As axudas convocadas ó abeiro das presentes bases, financiaranse con cargo á partida 02.02/05/01/03/678 dos orzamentos do Igape para o 2000, ata un máximo de 120.000.000 de ptas.
Terceira.-Beneficiarios.
1. Poderán solicitar esta axuda aquelas empresas ou entidades que cumpran os seguintes requisitos:
A) Empresas (excluídas UTEs) que teñan o seu enderezo ou centro principal de actividades na Comunidade Autónoma galega e que conten cun mínimo de tres traballadores fixos. O requisito do emprego non será necesario nas empresas de nova creación, entendéndose por estas as que non teñan máis dun ano de antigüidade contado desde a data de constitución ata a de presentación da solicitude no Igape.
B) Entidades sen ánimo de lucro representativas de sectores ou subsectores empresariais, que teñan personalidade xurídica propia e o seu enderezo ou centro principal de actividade en Galicia (confederacións, federacións, asociacións ou fundacións).
2. Poderán presentar solicitude para acollerse a estas bolsas aqueles titulados que cumpran os seguintes requisitos:
A) Ser nacional dun país membro da Unión Europea.
B) Cumprir algunha das seguintes condicións:
-Ter veciñanza administrativa en Galicia.
-Ser natural de Galicia
-Ser fillo de emigrantes galegos.
C) Estar en posesión dunha titulación universitaria (superior ou media) outorgada por unha institución docente oficialmente recoñecida dalgún país membro da Unión Europea na data en que remate o prazo de presentación de solicitudes e, ter obtido o título con posterioridade ó 30 de xuño de 1997.
D) No caso de títulos expedidos por centros estranxeiros ou privados, será preciso que estean homologados polo Ministerio de Educación e Ciencia, previamente ó remate do prazo de presentación de solicitudes.
E) Non ter desempeñado con anterioridade algún traballo profesional para o que se requirise a mesma titulación esixida nesta convocatoria, en virtude de calquera tipo de contrato laboral de duración igual ou superior a doce meses.
3. A concesión e desfrute dunha bolsa non supón vinculación laboral, estatutaria ou administrativa entre o Igape e os titulados que concorran a esta convocatoria, e non derivarán para eles outros dereitos que os que resulten do procedemento administrativo.
4. Criterios de selección de empresas e entidades. Farase de acordo cos seguintes criterios:
a) Complexos de actividade preferentes: 25 puntos, sendo estes os seguintes
-Mar-industria.
-Rochas ornamentais.
-Agro-industria.
-Téxtil.
-Automóbil.
-Telecomunicacións-audiovisual.
-Turismo.
-Silvícola-forestal.
-Madereiro.
-Medio ambiente.
b) Retribución bruta que vai percibi-lo titulado: ata 25 puntos. (Outorgarase 1 punto por cada 15.000 ptas. en que o salario bruto anual que se vai pagar exceda de 1.500.000 ptas.).
c) Localización da empresa nalgunha das dúas provincias de menor renda per cápita (Lugo ou Ourense): 20 puntos.
d) Empresas que tiveron un titulado do Igape en convocatorias anteriores e demostren que este segue na empresa cun contrato indefinido: 15 puntos.
e) Dificultades de acceso ó mercado laboral da titulación solicitada: 10 puntos.
(Para efectos deste anexo considéranse titulacións de difícil acceso ó mercado laboral aquelas que non se encontren entre ás seguintes: carreiras técnicas-enxeñerías, arquitectura, informática en calquera grao; ciencias económicas, empresariais, administración de empresas, relacións laborais e dereito en calquera grao ou variante.
f) Funcións previstas que vaia desenvolver o bolseiro en ámbitos de organización, xestión ou tecnoloxía: 5 puntos.
Para os efectos do disposto na base 7º, as solicitudes de empresas ou entidades, serán ordenadas pola puntuación acadada na avaliación dos anteriores criterios. En caso de igualdade na puntuación serán ordenadas por orde de rexistro de entrada das súas solicitudes coa documentación completa, no Igape.
5. Criterios de selección de titulados:
O Igape ordenará os titulados segundo a súa titulación, especialidade e puntuación obtida no seguinte baremo de autoavaliación:
Matrícula de honra: 4 puntos.
Sobresaliente: 3 puntos.
Notable: 2 puntos.
Aprobado: 1 punto.
Reducción ó mesmo número de materias:
Puntuación obtidax10
Nº de materias
Proxecto fin de carreira, grao ou tesiña: 2 puntos.
Cuarta.-Obrigas das empresas ou entidades.
A) Formalizar co titulado asignado un contrato de traballo en prácticas e mante-lo vixente ó menos 12 meses ininterrompidos. No caso de cesamento da relación contractual por causas non imputables á empresa ou entidade, a bolsa reducirase proporcionalmente ó período contractual efectivamente realizado. No contrato laboral deberá pactarse a xornada completa, salvo casos excepcionais de empresas que, con carácter xeral, teñan establecida unha reducción de xornada para a maioría dos traballadores da empresa. Neste último caso, o importe da bolsa reducirase na mesma proporción que a reducción da xornada.
B) Aboarlle ó titulado asignado un salario mínimo de 1.500.000 ptas./ano, salvo que o convenio aplicable estableza unha contía superior para un contratado en prácticas, sendo neste caso de aplicación ó disposto no convenio. No caso de pactarse contractualmente unha xornada reducida, minoraríase a contía da bolsa en proporción á reducción.
C) Dar de alta ó titulado no grupo de cotización que legalmente lle corresponda segundo a súa titulación e aboa-la cota empresarial da Seguridade Social; a dita cota será pola súa conta e entenderase non incluída no importe da bolsa.
D) Estar ó día nos pagamentos á Seguridade Social e Facenda, así como carecer de débedas coa Comunidade Autónoma de Galicia.
E) Entregarlle ó Igape a seguinte documentación en prazo:
-Copia compulsada do contrato e alta na Seguridade Social.
-Datos bancarios da empresa.
-Copia das nóminas aboadas e dos boletíns de cotización á Seguridade Social.
-Memoria de actividades do titulado
F) En xeral, cumprir coa normativa laboral vixente en materia de contratos en prácticas.
G) Facilita-los labores de inspección e control que o Igape e a Consellería de Economía e Facenda, ben directamente a través dos seus órganos, ou ben indirectamente a través das entidades que designen, poidan realizar.
Quinta.-Número, duración e contía das bolsas.
1. Establécese un número máximo de 80 bolsas, das que, ata 70 poderán ser adxudicadas a favor de empresas, e ata 10 poderán ser adxudicadas a favor de entidades sen ánimo de lucro representativas de sectores o subsectores empresariais.
2. A cada unha das empresas ou entidades seleccionadas só se lles adxudicará un titulado, podendo o Igape declarar deserta total ou parcialmente a adxudicación das bolsas.
3. A duración da bolsa será de 12 meses desde a data de formalización do contrato en prácticas do titulado.
4. A contía de cada unha das bolsas será de 1.500.000 ptas./ano, esta cifra será a que o Igape lle aboará á empresa ou entidade.
Sexta.-Solicitudes, documentación e prazo de presentación.
1. Empresas ou entidades: as solicitudes deberán presentarse no modelo oficial do anexo III, xunto coa documentación descrita no anexo II.
2. Titulados: as solicitudes deberán presentarse no modelo oficial do anexo IV acompañadas da documentación descrita no anexo V.
3. As solicitudes presentaranse no rexistro xeral do Igape (complexo administrativo San Lázaro 15703 Santiago de Compostela) ou de calquera das formas previstas no artigo 38.4º da Lei 30/1992, de réxime xurídico das administracións públicas e do procedemento administrativo común.
A documentación que figura nos anexos II e V deberá presentarse en orixinal ou ben en copia compulsada ou cotexada cos orixinais polos rexistros administrativos, de acordo co artigo 38.5º da Lei 30/1992, de réxime xurídico das administracións públicas e do procedemento administrativo común. A documentación redactada nunha lingua non oficial de Galicia deberá ser traducida por un intérprete xurado.
4. O prazo de presentación de solicitudes para as empresas, entidades e titulados rematará o 30 de setembro de 2000.
Sétima.-Tramitación.
1. Unha vez rematado o prazo de presentación de solicitudes, os servicios técnicos da subdirección de programas de axuda á innovación, mellora da competitividade e cooperación empresarial do Igape comprobarán o cumprimento dos requisitos da convocatoria establecidos nestas bases.
2. Do resultado da comprobación, serán expostos nos taboleiros de anuncios das oficinas do Igape:
a) As listas provisionais de solicitantes admitidos e excluídos
b) Titulación e especialidades solicitadas polas empresas e entidades, por orde de preferencia.
c) Baremo obtido polos titulados, segundo os criterios do punto 4 da base terceira.
Abríndose un prazo de dez días naturais para que os interesados poidan presentar alegacións respecto do baremo obtido ou emenda-la súa solicitude e achegar, se é o caso, a documentación necesaria, entendéndose noutro caso desistido da súa solicitude, e resolverase o arquivo do expediente.
3. Finalizado o prazo de emenda, o Igape expoñerá nos taboleiros de anuncios das súas oficinas as listas definitivas de solicitantes admitidos, sinalando para as empresas e entidades as titulacións e especialidades solicitadas por cada unha por orde de preferencia e a puntuación obtida na valoración dos criterios establecidos no punto 4 da base terceira; e sinalando para os titulados: titulación, especialidade e puntuación resultante do baremo establecido no punto 5 da base terceira.
4. A proposta de adxudicación ás empresas ou entidades seleccionadas será elaborada seguindo a orde correlativa de puntuación acadada, asignándolle ó titulado que, dentro da titulación e especialidade que preferentemente solicitou, teña a máxima puntuación e estea dispoñible. No caso de que non houbese titulados dispoñibles na titulación e especialidade preferentemente requiridas, procederase a asignarlle ó titulado que dentro da titulación e especialidade requirida en segundo lugar teña a máxima puntuación e estea dispoñible, e así sucesivamente. No caso extremo en que non existira ningún titulado dispoñible en ningunha das titulacións alternativas solicitadas, notificaríaselle á entidade a denegación motivada do bolseiro.
En caso de igualdade na puntuación de titulados, será asignado en primeiro lugar o que teña entregado antes a documentación completa no Igape.
Unha vez outorgadas co procedemento descrito as bolsas, publicarase unha lista de espera de titulados e outra de entidades, co fin de que se poidan resolve-las potenciais incidencias e re-adxudicacións de bolseiros, cunha vixencia para estes únicos efectos de seis meses desde a data de súa publicación.
Oitava.-Resolución e aceptación das axudas.
1. O subdirector de programas de axuda á innovación, mellora da competitividade e cooperación empresarial, e a directora da Área de Financiamento elevarán proposta de resolución á directora xeral do Igape.
2. A resolución de concesión determinará a empresa ou entidade beneficiaria e o titulado asignado.
3. O Igape expoñerá nos seus taboleiros de anuncios as listas de beneficiarios, así como de solicitantes con resolución negativa. Ós beneficiarios, así mesmo, notificaráselles individualmente a súa resolución de concesión da bolsa que deberá ser aceptada por escrito polo beneficiario no prazo de quince días naturais contados a partir do seguinte á súa notificación. No caso contrario entenderase que o beneficiario renuncia á subvención, sendo dictada neste senso resolución pola directora da Área de Financiamento.
Novena.-Recursos.
O prazo máximo para dictar e notificarlles ós interesados a resolución expresa será de seis meses contados desde o seguinte á publicación destas bases.
O vencemento do dito prazo sen que se notifique a resolución expresa lexitima ó interesado para entender desestimada a súa solicitude por silencio administrativo.
As resolucións dos expedientes instruídos ó abeiro do disposto nestas bases esgotarán a vía administrativa, polo que de conformidade co previsto na Lei da xurisdicción contencioso-administrativa, contra elas poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o seguinte ó da súa notificación se fose expresa, e se non o fose, o prazo será de seis meses e contarase a partir do seguinte a aquel no que se produza o acto presunto.
Potestativamente, e con anterioridade a interposición do recurso contencioso-administrativo, poderá interpoñerse recurso potestativo de reposición ante o Consello de Dirección do Igape, no prazo dun mes, se o acto fora expreso, se non o fora, o prazo será de tres meses e contarase a partir do día seguinte a aquel no que se produza o acto presunto.
Décima.-Formalización dos contratos.
1. Unha vez aceptada a bolsa, a empresa ou entidade beneficiaria disporá de 30 días naturais, improrrogables, para formaliza-lo contrato de traballo co titulado asignado, segundo o modelo oficial vixente, onde terá que consta-la retribución salarial en cómputo anual, expresamente contificada en número.
2. A empresa ou entidade remitiralle ó Igape dentro dos 30 días anteriormente sinalados a seguinte documentación:
a) Copia compulsada do contrato.
b) Copia compulsada da alta na Seguridade Social.
c) Certificado da entidade financeira onde conste o número de conta no que se farán os pagamentos da bolsa.
3. Transcorridos os ditos prazos sen que a empresa ou entidade acredite a formalización do contrato no tempo establecido, entenderíase que renuncia ós seus dereitos e, tras resolución da directora de Financiamento, procederíase a arquiva-lo expediente. O bolseiro asignado, pola súa parte, reincorporarase á lista de espera na orde que lle corresponda, cubrindo calquera vacante das súas características que se puidese producir.
4. No caso de que o contrato non chegue a formalizarse por causas imputables ó titulado, a empresa ou entidade beneficiaria deberá comunicarllo por escrito ó Igape, solicitando a asignación dun titulado segundo o procedemento do punto 4 da base sétima. O Igape dará audiencia o titulado, e unha vez constatada polo Igape a súa renuncia, será excluído de tódalas listas de candidatos a bolsas abertas no dito momento no Igape. No caso de que o bolseiro aduza outro tipo de causalidade, imputable á empresa, o Igape solicitará a información que considere necesaria de ámbalas dúas partes, decidindo con base na dita información a imputación causal. Se o Igape considerase que coa información subministrada non é suficiente para dilucida-la imputación, poderá decidi-lo arquivo do expediente, con perda para ámbalas dúas partes dos seus dereitos.
5. No caso de que sexa a empresa ou entidade quen renuncie á contratación do bolseiro asignado, ou rescinda unilateralmente o contrato durante os dous primeiros meses de vixencia da bolsa, a dita entidade considerarase desistida de tódolos dereitos para contratar un novo bolseiro. O bolseiro asignado, pola súa parte, reincorporarase á lista de espera na orde que lle corresponda, cubrindo calquera vacante das súas características que se puidese producir.
Décimo primeira.-Xustificación e liquidación.
1. O importe da axuda concedida aboaráselle á empresa ou entidade mediante dous pagamentos.
2. Unha vez vencido o primeiro semestre do contrato, a empresa ou entidade poderá remitirlle ó Igape unha solicitude de cobro, achegando a seguinte documentación: certificados actualizados acreditativos de estar ó día nas súas obrigas tributarias e coa Seguridade Social, e de non ter débedas coa Comunidade Autónoma de Galicia, copia das nóminas e dos boletíns de cotización á Seguridade Social correspondentes ó traballador que desfrute da bolsa de traballo en prácticas, e unha declaración xurada de non percibir outras axudas por razón do contrato en prácticas obxecto da axuda. Unha vez comprobada que a documentación se axustase á resolución, será aboado o cincuenta por cento da bolsa na conta bancaria para efecto designada polo beneficiario.
3. Ó finaliza-lo período da bolsa, a empresa ou entidade terá que entregarlle ó Igape copia das nóminas e dos boletíns de cotización á Seguridade Social correspondentes ó último cuadrimestre, así como certificados actualizados acreditativos de que se atopan ó día das súas obrigas tributarias e coa Seguridade Social, e de non ter débedas coa Comunidade Autónoma de Galicia. Así mesmo, deberán entregar unha memoria das actividades realizadas durante o período da bolsa na que se faga consta-la permanencia ou non do bolseiro na empresa ó remate do período de duración da bolsa, asinada polo representante da empresa e unha declaración xurada de non percibir outras axudas por razón do contrato en prácticas obxecto da axuda. Unha vez recibida e comprobada a documentación, aboarase o cincuenta por cento restante da bolsa.
Décimo segunda.-Modificacións.
1. Calquera alteración das condicións que se tiveron en conta para a concesión das axudas, poderá dar lugar á modificación polo Igape da resolución de concesión, ben por instancia do solicitante ou de oficio.
2. As renuncias dos titulados que se produzan durante os dous primeiros meses desde a formalización do contrato poderán ser substituídas pola Dirección Xeral do Igape, logo da solicitude do beneficiario e seguindo o procedemento establecido no punto 4 da base sétima.
3. No novo contrato en prácticas a empresa ou entidade beneficiaria, só recibirá bolsa do Igape polo tempo e na cantidade que, unha vez deducido o tempo de vixencia do contrato laboral substituído, reste para cumpri-los 12 meses de duración da bolsa.
4. O novo contrato, en calquera caso, deberá ter unha duración mínima de 12 meses e cumpri-lo resto
das condicións establecidas nas presentes bases, incluíndo o feito de que a percepción da cantidade axustada se fará en dous pagamentos, o primeiro ó remate do primeiro semestre e o segundo ó remate dos 12 meses do contrato.
Décimo terceira.-Incumprimento.
1. Non axustarse ós termos da convocatoria, o incumprimento das obrigas contidas nas presentes bases, na resolución de concesión, ou no artigo 78.9º da Lei de réxime financeiro e orzamentario de Galicia, incoarase un procedemento de incumprimento, que en virtude da súa gravidade poderá dar lugar, logo da audiencia dos interesados, ó reintegro total ou parcial das cantidades, se é o caso, percibidas e o seus xuros de demora, sen prexuízo doutras responsabilidades nas que incorrese o beneficiario.
2. As cantidades que teñan que reintegra-los beneficiarios terán a consideración de ingresos de dereito público e será de aplicación para o seu cobro o disposto nos artigos 19 a 23 da Lei de réxime financeiro e orzamentario de Galicia.
3. Así mesmo, os beneficiarios estarán sometidos ó rexime de infraccións e sancións do artigo 79 da Lei de réxime financeiro e orzamentario de Galicia.
Décimocuarta.-Concorrencia de axudas.
Durante a súa vixencia, estas bolsas son incompatibles con outras axudas para o mesmo obxecto que poidan ser concedidas por organismos públicos ou privados, nacionais ou estranxeiros, salvo as bonificacións nas cotas á Seguridade Social derivadas do tipo de contrato, e deberá o beneficiario notificarlle ó Igape calquera solicitude ou concesión obtida.
Décimo quinta.-Control.
Os beneficiarios sométense ás actuacións de control que efectúe o Igape e ás de control financeiro que corresponden á Intervención Xeral da Comunidade Autónoma, ás previstas na lexislación do Consello de Contas e o Tribunal de Contas, así como as que poida efectuar, se é o caso, a Comisión e o Tribunal de Contas das Comunidades Europeas, no suposto de cofinanciamento con fondos europeos. Neste sentido, os beneficiarios teñen a obriga de facilitar toda a información que lle sexa requirida polos ditos organismos.
Disposicións adicionais
Primeira.-O contido das presentes bases axustarase ó establecido polo acordo do Consello da Xunta de Galicia do 14 de abril de 2000, segundo o que, en tanto non recaia a decisión da Comisión Europea de compatibilidade coa normativa comunitaria e non entre en vigor a nova disposición normativa, manterase a actividade de fomento autonómica axustándose as directrices tanto horizontais como sectoriais dictadas pola comisión, así como se é o caso, ós límites de intensidade autorizados a Galicia no Mapa Rexional de Axudas de España para o período 2000-2006.
Segunda.-Facúltase a directora xeral do Igape para dicta-las disposicións necesarias para a aplicación do disposto nas presentes bases.
Disposición derradeira
A presentes bases entrarán en vigor o día seguinte ó da súa publicación no Diario Oficial de Galicia.
ANEXO I
TITULACIÓNS
Humanidades
Ensinanzas de 1º e 2º ciclo.
Titulación Código
Belas Artes 230
Filoloxía Inglesa 272
Filoloxía 300
Filoloxía Alemaña 301
Filoloxía Italiana 302
Filoloxía Árabe 303
Filoloxía Portuguesa 304
Filoloxía Catalana 305
Filoloxía Románica 306
Filoloxía Clásica 307
Filoloxía Vasca 308
Filoloxía Eslava 309
Filosofía (= Filosofía e letras) 256
Filoloxía Francesa 310
Xeografía 216
Filoloxía Galega 311
Historia 263
Xeografía e Historia 264
Filoloxía Hebrea 312
Historia da Arte 263
Filoloxía Hispánica 229
Humanidades 271
Traducción e Interpretación 265
Ensinanzas de só 2º ciclo
Titulación Código
Licenciado en Antropoloxía Social e Cultural 313
Licenciado en Historia e Ciencias da Música 314
Licenciado en Lingüística 315
Licenciado en Teoría da Literatura e Literatura Comparada 316
Ciencias experimentais e da saúde
Ensinanzas de 1º e 2º ciclo.
Titulación Código
Bioloxía 101
Matemáticas 108
Ciencias Ambientais 150
Medicina 109
Ciencias do Mar 104
Odontoloxía 110
Farmacia 105
Química 111
Física 106
Veterinaria 112
Xeoloxía 107
Titulación Código
Enoloxía 151
Ensinanzas de 1º ciclo.
Titulación Código
Diplomado en Enfermería 237
Diplomado en Nutrición Humana e Dietética 320
Diplomado en Estatística 321
Diplomado en Óptica e Optometría 322
Diplomado en Fisioterapia 269
Diplomado en Podoloxía 323
Diplomado en Logopedia 279
Diplomado en Terapia Ocupacional 324
Ensinanzas de só 2º ciclo.
Titulación Código
Licenciado en Bioquímica 102
Licenciado en Ciencia y Tecnoloxía de los Alimentos 103
Licenciado en Ciencias e Técnicas Estatísticas 325
Licenciado en Enoloxía 326
Ciencias sociais e xurídicas
Ensinanzas de 1º e 2º ciclo.
Titulación Código
Administración e Dirección de Empresas 234
Ciencias da Actividade Física e do Deporte 327
Ciencias Políticas e da Administración 116
Comunicación Audiovisual 117
Dereito 118
Economía 120
Económicas 120
Empresariais 234
Educación Física 114
Pedagoxía 122
Periodismo 123
Ciencias da información 123
Ciencias da educación 259
Psicoloxía 124
Publicidade e Relacións Públicas 126
Socioloxía 127
Ensinanzas de 1º ciclo.
Titulación Código
Diplomado en Biblioteconomía e Documentación 274
Diplomado en Ciencias Empresariais 217
Diplomado en Educación Social 258
Diplomado en Xestión e Administración Pública 330
Diplomado en Relacións Laborais 218
Diplomado en Traballo Social 219
Diplomado en Turismo 283
Técnico en Empresas e Actividades Turísticas 283
Diplomado en Publicidade 280
Diplomado en Márketing 281
Titulación Código
Diplomado en Criminoloxía 284
Diplomado en EXB 227
Graduado Social 218
Maestro-especialidade de Audición e Linguaxe 331
Maestro-especialidade de Educación Especial 332
Maestro-especialidade de Educación Física 333
Maestro-especialidade de Educación Infantil 334
Maestro-especialidade de Educación Musical 335
Maestro-especialidade de Educación Primaria 336
Maestro-especialidade de Lingua Estranxeira 337
Ensinanzas de 2º ciclo.
Titulación Código
Licenciado en Ciencias Actuariais e Financeiras 340
Licenciado en Ciencias do Traballo 341
Licenciado en Documentación 119
Licenciado en Investigación e Técnicas de Mercado 121
Licenciado en Psicopedagoxía 125
Ensinanzas de 1º e 2º ciclo.
Titulación Código
Arquitecto 128
Enxeñeiro de Montes 210
Enxeñeiro Aeronáutico 201
Enxeñeiro de Telecomunicación 214
Enxeñeiro Agrónomo 129
Enxeñeiro en Informática 130
Licenciado en Informática 130
Enxeñeiro de Camiños, Canais e Portos 203
Enxeñeiro Industrial 206
Enxeñeiro de Minas 209
Enxeñeiro Naval e Oceánico 131
Enxeñeiro Químico 213
Enxeñeiro Xeólogo 132
Ensinanzas de 1º ciclo.
Titulación Código
Arquitecto Técnico 220
Mariña Civil 228
Diplomado en Informática 223
Diplomado en Máquinas Navais 400
Diplomado en Navegación Marítima 401
Diplomado en Radioelectrónica Naval 402
Enxeñeiro Técnico Aeronáutico, especialidade en Aeromotores 2660
Enxeñeiro Técnico Aeronáutico, especialidade en Aeronavegación 2661
Enxeñeiro Técnico Aeronáutico, especialidade en Aeronaves 2662
Enxeñeiro Técnico Aeronáutico, especialidade en Aeroportos 2663
Enxeñeiro Técnico Aeronáutico, especialidade en Equipos e Materiais Aeroespaciais 2664
Enxeñeiro Técnico Agrícola, especialidade en Explotacións Agropecuarias 2210
Enxeñeiro Técnico Agrícola, especialidade en Hortofruticultura e Xardinería 2211
Enxeñeiro Técnico Agrícola, especialidade en Industrias Agrarias e Alimentarias 2212
Enxeñeiro Técnico Agrícola, especialidade en Mecanización e Construccións Rurais 2213
Titulación Código
Enxeñeiro Técnico en Deseño Industrial 403
Enxeñeiro Técnico Forestal, especialidade en Explotacións Forestais 282
Enxeñeiro Técnico Forestal, especialidade en Industrias Forestais 233
Enxeñeiro Técnico Industrial, especialidade en Electricidade 2220
Enxeñeiro Técnico Industrial, especialidade en Electrónica Industrial 2221
Enxeñeiro Técnico Industrial, especialidade en Mecánica 2222
Enxeñeiro Técnico Industrial, especialidade en Química Industrial 2223
Enxeñeiro Técnico Industrial, especialidade Téxtil 2224
Enxeñeiro Técnico en Informática de Xestión 2320
Enxeñeiro Técnico en Informática de Sistemas 2321
Enxeñeiro Técnico de Minas, especialidade en Explotación de Minas 2350
Enxeñeiro Técnico de Minas, especialidade en Instalacións Electromecánicas Mineiras 2351
Enxeñeiro Técnico de Minas, especialidade en Mineralurxia e Metalurxia 2352
Enxeñeiro Técnico de Minas, especialidade en Recursos Enerxéticos, Combustibles e Explosivos 2353
Enxeñeiro Técnico de Minas, especialidade en Sondeos e Prospeccións Mineiras 2354
Enxeñeiro Técnico Naval, especialidade en Estructuras Mariñas 2240
Enxeñeiro Técnico Naval, especialidade en Propulsión e Servicios do Buque 2241
Enxeñeiro Técnico de Obras Públicas, especialidade en Construccións Civís 2680
Enxeñeiro Técnico de Obras Públicas, especialidade en Hidroloxía 2681
Enxeñeiro Técnico de Obras Públicas, especialidade en Transportes e Servicios Urbanos 2682
Enxeñeiro Técnico de Telecomunicación, especialidade en Sistemas Electrónicos 2250
Enxeñeiro Técnico de Telecomunicación, especialidade en Sistemas de Telecomunicación 2251
Enxeñeiro Técnico de Telecomunicación, especialidade en Son e Imaxe 2252
Enxeñeiro Técnico de Telecomunicación, especialidade en Telemática 2252
Enxeñeiro Técnico en Topografía 404
Ensinanzas de só 2º ciclo.
Titulación Código
Enxeñeiro de Materiais 405
Enxeñeiro de Organización Industrial 406
Enxeñeiro en Automática e Electrónica Industrial 407
Enxeñeiro en Electrónica 408
Enxeñeiro en Geodesia e Cartografía 205
Licenciado en Máquinas Navais 409
Licenciado en Náutica e Transporte Marítimo 410
Licenciado en Radioelectrónica Naval 411
Otros estudios superiores.
Titulación Código
Conservacion e Restauración 240
Cerámica 420
Arte Dramática 421
Deseño 226
Danza 422
Música 423
Especialidades
Descrición Código
(Ningunha) 1
Administración de empresas 76
Administración pública e tributacións 158
Aeroportos e transportes aéreos 156
Alemana 55
Ambiental 16
Análise económica 194
Animación socio-cultural e desenvolvemento comunitario 144
Antropoloxía americana 178
Antropoloxía social 172
Armamento 69
Arte moderna e contemporánea 24
Arte moderno 187
Astrofísica 133
Audición e linguaxe 166
Audiovisual 101
Auditoría 115
Automática 89
Automática-electrónica 32
Biblioteca 97
Biblioteconomía e arquivos 190
Bioloxía fundamental e sanitaria 145
Bioloxía técnica 150
Bioloxía e conservación de espacios naturais 121
Bioquímica 62
Bromatoloxía 77
Cálculo 70
Centrais e redes 71
Ciencias humanas 191
Coxeneración 104
Comercial 164
Comercialización 192
Comercio 102
Comercio exterior 103
Comunicacións 25
Construccións civís 50
Contabilidade 78
Control de xestión 29
Dirección 38
Dirección comercial 165
Dirección empresas 90
Deseño 160
Deseño e audiovisuais 56
Ecoloxía 126
Economía agraria 28
Economía da empresa 112
Economía financeira 21
Economía xeral 79
Economía industrial 19
Economía internacional 122
Economía monetaria e sector público 173
Economía pública 35
Economía pública e política económica 195
Economía rexional e sectorial 196
Económicas 15
Edificación 34
Educación especial 170
Descrición Código
Educación física 67
Educación infantil 66
Educación preescolar 143
Educación primaria 137
Execución de obras 42
Eléctrica: intensificación de automática e electro 116
Eléctrica: intensificación de centrais e redes 139
Electricidade 7
Electrónica 108
Electrónica industrial 8
Electrotécnica 152
Empresa financeira 75
Empresariais 177
Empresas agroalimentarias 198
Empresas agroindustriais 154
Endóxena 18
Enerxética 149
Equipos electrónicos 64
Escolar infantil 171
Escultura e pintura 111
Español 179
Estatística 57
Estatística e investigación operativa 146
Estructuras 80
Estructuras do buque 161
Estudios administración pública 134
Estudios internacionais 169
Estudios políticos 127
Estudios sociolaborais 193
Esóxena 46
Explotacións agropecuarias 2
Explotacións forestais 6
Farmacia industrial 58
Filoloxía angloxermánica 118
Filoloxía clásica 197
Filoloxía xermánica (inglés) 124
Financiamento 22
Física de partículas 142
Física teórica 176
Fitotécnia 33
Fundamental 13
Galego-portugués 53
Xeral 23
Xeografía aplicada 41
Xeografía e historia 168
Xeoloxía aplicada 51
Xestión comercial 30
Hidroloxía 91
Hispánicas 48
Historia antiga 65
Historia, arte e xeografía de Galicia 162
Historia contemporánea 39
Historia da arte 184
Historia moderna 73
Hortofruticultura e xardinería 3
Imaxe 175
Inadaptación e marxinación social 167
Industrial 81
Industrias 131
Descrición Código
Industrias agrarias e alimentarias 4
Industrias agrícolas-agrarias 129
Industrias forestais 132
Informática de xestión 20
Informática de sistemas 92
Enxeñería química 17
Enxeñería rural 180
Inglés-galego 148
Inglesa 54
Inorgánica 37
Intensificación enerxía 174
Intervención socioeducativa 45
Laboral 98
Lingua española e idiomas modernos 181
Literatura hispánica 183
Máquinas eléctricas 82
Máquinas navais 52
Márketing 61
Matemáticas xerais 123
Materiais 110
Materiais ennóxenos 185
Mecánica 9
Mecanización agraria e construccións rurais 5
Mecanización e construcción rural 93
Medio ambiente 188
Medio ambiente e contaminación mariña 120
Microbiloxía 107
Museoloxía 136
Optoelectrónica 114
Orgánica 83
Organización 84
Organización industrial 47
Orientación ecoloxía 157
Orientación industrial 128
Orientación sanitaria 27
Orientación e educación especial 44
Pintura 140
Pintura e escultura 186
Preescolar 159
Prehistoria e arqueoloxía 113
Producción 100
Programación 85
Psicoloxía clínica 130
Psicoloxía escolar infantil 125
Psicoloxía industrial e clínica 189
Psicopatoloxía e psicoterapeuta 138
Publicidade 94
Publicidade e relacións públicas 59
Química 86
Química analítica 14
Química industrial 10
Química inorgánica 147
Química orgánica 74
Química-física 49
Radioloxía 105
Recursos non vivos 141
Recursos vivos 117
Robótica 106
Románica 60
Sanitaria 87
Sector público 119
Descrición Código
Servicios 163
Servicios do buque 155
Silvopaciscultura 153
Sen especificar 998
Sistema de telecomunicacións 182
Sistemas 40
Social e do traballo 26
Son e imaxe 63
Técnicas enerxéticas 72
Tecnoloxía pesqueira 95
Telecomunicación 109
Telefonía e transmisión de datos 43
Telemática 12
Téxtil 11
Toxicoloxía 88
Traducción inglés-francés 151
Turismo 99
Urbanismo 68
Vexetal 36
Zooloxía 31
ANEXO II
DOCUMENTACIÓN EMPRESAS E ENTIDADES
1. Instancia de solicitude. Anexo III.
2. Copia do DNI do solicitante ou do seu representante.
3. Copia do CIF.
4. Copia da escritura ou acta de constitución e estatutos, e se é o caso, das súas modificacións, debidamente inscritas no Rexistro Mercantil ou Rexistro Público que lle correspondan pola súa natureza xurídica, xunto copia do poder de representación do asinante da solicitude.
5. Copia do último recibo do IAE (ou de alta no IAE, no caso de empresas de nova creación).
Se é o caso, certificado de non estar suxeito ó imposto.
6. Acreditación dun mínimo de tres traballadores fixos: copia do último TC2, salvo no caso de empresas de nova creación ou entidades sen ánimo de lucro, representativas de sectores ou subsectores empresariais.
7. Certificado actualizado de estar ó día nos pagamentos á Seguridade Social.
8. Certificado actualizado de estar ó día nas obrigas tributarias.
9. Certificado actualizado de non ter débedas coa Comunidade Autónoma de Galicia.
10. Memoria asinada polo representante da empresa onde se indiquen as funcións e actividades que vai desempeñar na empresa o titulado, e toda a documentación precisa para avalia-los criterios de selección de empresas ou entidades descritos na base 6.1.
11. Copia do convenio aplicable ó titulado que se pretende contratar.
ANEXO V
DOCUMENTACIÓN TITULADOS
1. Instancia de solicitude. Anexo IV
2. Copia do DNI ou pasaporte do solicitante.
3. Acreditación dalgunha das tres seguintes condicións:
Ter veciñanza administrativa en Galicia: acreditarase mediante un certificado de empadroamento.
Ser natural de Galicia: abonda a copia do DNI ou pasaporte.
Ser fillo de emigrantes galegos: acreditarase con copia do DNI do pai ou da nai (o que sexa galego).
4. Currículum vitae (2 copias) que incluirá alomenos o seguinte:
Datos persoais, académicos, experiencia profesional e outras habilidades ou capacidades acreditables (idiomas, informática ... ).
5. Copia do título ou copia do xustificante de ter pagadas as taxas para a súa obtención.
6. Copia do expediente académico (no caso de títulos expedidos por centros estranxeiros ou privados será preciso que os acrediten cunha copia compulsada da homologación, ademais da copia do expediente académico, que no caso de estar nun idioma non oficial na Comunidade Autónoma de Galicia deberá presentarse traducido por un intérprete xurado).
7. No caso de querer xustificar a puntuación sinalada no baremo relativa a proxecto fin de carreira, grao ou tese de licenciatura: copia do certificado que acredite especificamente a realización.
8. Certificado de vida laboral.
