O expediente de expropiación forzosa dos bens e dereitos que se precisan ocupar para a execución do polígono número 1 do Parque Empresarial de Ribadavia foi aprobado conforme o artigo 145 da Lei 1/1997, do solo de Galicia e a Orde do 30 de decembro de 1999, polo director xeral de Urbanismo con data do 31 de marzo de 2000. Segundo o establecido no artigo 146.1º da Lei 1/1997, do solo de Galicia, o acordo de aprobación definitiva do expediente de taxación conxunta implicará a declaración de urxencia da ocupación dos bens e dereitos afectados. Na súa virtude, acórdase que o Instituto Galego da Vivenda e Solo proceda a verifica-lo aboamento, ou, se é o caso, consignación dos prezos xustos dos bens e dereitos afectados o día 29 de maio de 2000, ás 10 horas, no salón de actos do Concello de Ribadavia, en presencia do alcalde, o secretario do concello e o representante da Administración. O que terá lugar en cumprimento do disposto no artigo 38 da Lei 6/1998, do 13 de abril, de réxime de
solo e valoracións, o artigo 146.2º e 3º da Lei 1/1997, do solo de Galicia, o artigo 202 e seguintes do Regulamento de xestión urbanística aprobado polo Real decreto 3288/1978, do 25 de agosto, e artigo 48 e seguintes do Regulamento de expropiación forzosa, do 26 de abril de 1957.
Ó devandito acto convócase a:
Predio nº Propietario Importe
Antonio Fernández Deaño28 Javier Loeda Vázquez 696.313
31 Herdeiros de Julia Gómez González 177.738
121 José Bernárdez Gómez 353.116
243 Leotina Domínguez Fernández 589.051
253 Manuel Fernández Deaño 1.001.937
304-A Dolores Amil Fernández 819.946
309 Joaquín Fernández Deaño
2.996.540
312-A Jorge Gómez Feijoo 809.257
319 Sara Cendón Amil 1.027.440
319-A Teresa López Vázquez 836.378
O que se fai público para xeral coñecemento, advertindo que o pagamento se fará a aqueles interesados que acheten certificación rexistral ó seu favor, na que conste terse estendido a nota do artigo 32 do Regulamento hipotecario ou, no seu defecto, acheguen os títulos xustificativos do seu dereito, completados por certificación negativa do Rexistro da Propiedade referidas o mesmo predio en tales títulos conforme o artigo 205 do Regulamento de
xestio urbanística aprobado polo Real decreto 3288/1978, do 25 de agosto.
Non se admitirá representación senón por medio de poder debidamente autorizado, xa sexa xeral, sa sexa particular para este caso, debendo achega-la documentación necesaria para acredita-la sucesión no caso de ser herdeiros; así mesmo, os comparecentes deberán identificarse co documento nacional de identidade ou no seu lugar, polo coñecemento directo que testemuñen o alcalde ou secretario do concello.
Notifíqueselle-la resolución a tódolos titulares dos bens e dereitos que figuran no expediente, e publíquese este acordo no DOG, no BOP e no taboleiro de edictos do concello. A publicación desta resolución serviralles de notificación ós propietarios descoñecidos, dos que se ignore o lugar de notificación, ou ben tentada a notificación, non se puidera realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999 (BOE do 14 de xaneiro).
Santiago de Compostela, 4 de maio de 2000.
José Antonio Redondo López
Director xeral do Instituto Galego da Vivenda e Solo