Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos do xuízo verbal número 388/1999, seguidos no Xulgado do Social número dous de Santiago de Compostela, por instancia de Irene Abelleira Freiría contra Servi-Sport Santiago, S.L., José Fraile Renieblas, comisario da creba, José L. Folgueral Martínez, depositario da creba e o Fondo de Garantía Salarial, en reclamación de cantidade, se dictou, con data do 22 de outubro de 1999, sentencia, coa resolución do teor literal seguinte:
«Que estimando como estimo, parcialmente, a demanda promovida po Irene Abelleira Freiría, fronte á empresa Servi-Sport Santiago, S.L., o comisario e o depositario da quebra legal desta, e o FOGASA, en reclamación de cantidade, debo condenar e condeno a empresa demandada a que aboe a demandante, polos conceptos relacionados no feito probado segundo esta sentencia, a cantidade total de cincocentas noventa e sete mil oitocentas seseta e cinco pesetas (597.865 pesetas), mais un 10% en concepto de xuro anual por mora, en proporción ó período transcorrido desde o 21 de maio de 1999 ata a data, condenando os restantes condemandados a estaren e pasaren polo contido desta resolución sen prexuízo da minoración da presunta responsabilidade do FOGASA conforme o exposto na súa fundamentación xurídica».
E para que sirva de notificación de sentencia a Servi-Sport Santiago, S.L., con domicilio, na rúa Restollal, nº 39, 1ºC, de Compostela, hoxe en paradoiro descoñecido, e fecéndolles saber que contra ela poderán interpoñer recurso de suplicación para ante a Sala do Social do Tribunal Superior de Xustiza de Galicia, o cal deberá ser anunciado, por escrito ou comparecencia, no termo de cinco días, contados desde o seguinte ó da notificación da sentencia, e con expresa advertencia de que de se-la recorrente a empresa demandada deberá exhibir ante este xulgado o xustificante acreditativo de que se depositou na conta de recursos do Xulgado do Social número dous, de identificación: 5.608, aberta no Banco Bilbao-Vizcaya, oficina 5947, sita na r/ Senra nº 3 desta cidade, a cantidade obxecto de condena (clave de ingreso 60), podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; e
acreditar tamén que se depositou na indicada conta (clave de ingreso 65) a cantidade de vintecinco mil pesetas (25.000 pesetas), preceptiva legalmente para recorrer, sen os seus requisitos non se terá por anunciado o dito recurso.
E, así mesmo, para que conste para efectos da súa publicación no Diario Oficial de Galicia, expido e asino esta cédula de notificación de sentencia en Santiago de Compostela o 30 de marzo de 2000.
O secretario xudicial
Rubricado