En cumprimento do establecido no artigo 4 do Decreto 4/1987, do 8 de xaneiro, na súa nova redacción fixada polo Decreto 195/1991, do 30 de maio (DOG do 11-4-1991), polo que se modifica o Regulamento de organización e funcionamento do Consello de Comunidades Galegas, coa conformidade do presidente da Xunta de Galicia,
RESOLVO:
Primeiro.-Convoca-la preceptiva reunión trianual do Pleno do Consello de Comunidades Galegas para os días 30 de xuño, 1 e 2 de xullo de 2000 en Santiago de Compostela.
Segundo.-A orde do día da devandita reunión será a que figura como anexo a esta resolución.
Santiago de Compostela, 17 de abril de 2000.
Fernando Amarelo de Castro
Secretario xeral para as Relacións coas Comunidades Galegas
ANEXO
Orde do día da reunión do Pleno do Consello de Comunidades Galegas.
1. Constitución do Pleno e apertura das sesións.
2. Informe-balace da xestión realizada no último período pola Secretaría Xeral para as Relacións coas Comunidades Galegas.
3. Intervencións informativas de membros natos do Pleno do consello.
4. Exposición dos textos dos catro relatorios establecidos pola comisión delegada na súa última reunión:
a) Acción social. Especial atención á terceira idade.
b) Participación da Galicia exterior na política de Galicia.
c) Acción cultural e novas comunicacións na Galicia universal.
d) Xuventude.
5. Estudio de relatorios e comunicacións presentados en comisións de traballo e preparación de conclusións.
6. Elección dos membros da comisión delegada para o trienio 2001-2003.
7. Sesión plenaria con lectura de conclusións definitivas, quenda de rogos e preguntas, proclamación de membros da comisión delegada e clausura de actos do Pleno.