Visto o texto da revisión salarial para o ano 1999, táboas salariais para o ano 2000 e axuste da xornada laboral do convenio colectivo do sector de rematantes y aserradores de madeiras, con nº de código 3601075, que tivo entrada nesta delegación provincial o día 3-3-2000, subscrito pola comisión paritaria, en data 1-3-2000, de conformidade co disposto nos artigos 16, 17 e 25 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 13 de marzo de 2000.

Antonio Coello Bufill

Delegado provincial de Pontevedra

Convenio colectivo de traballo do sector de rematantes e serradores de madeiras da provincia de Pontevedra

Asistentes:

CC.OO.:

Francisco Estévez Rodríguez.

UGT:

José Carlos Rodríguez del Río.

CIG:

Xosé Xoán Melón González.

Representación empresarial:

Antonio Luis Pérez Giménez.

Jesús Baquero Moreira.

Álvaro Pereira Fernández.

Secretaria de actas:

Ana Mª Martín Herrero.

En Vigo, nos locais da Confederación Provincial de Empresarios de Pontevedra, sendo as dezaoito trinta horas do día un de marzo de dous mil, reúnese a comisión paritaria do convenio colectivo de traballo do sector de rematantes e serradores de madeiras da provincia de Pontevedra, co obxecto de aplica-la cláusula de revisión salarial establecida no artigo 25 do convenio, confecciona-las táboas salariais para o ano 2000 e establece-los festivos de convenio para axusta-la xornada laboral ás 1.800 horas anuais establecidas. Asisten os señores arriba indicados.

Para 1999 o convenio colectivo establece un incremento salarial do 2,4%. O IPC o 31 de decembro de 1999 rexistrou un incremento respecto do 1 de xaneiro, do 2,9%, polo que en aplicación do artigo 25 do convenio debe efectuarse unha revisión salarial do 0,5% que se pagará con efectos do 1 de xaneiro de 1999, de acordo coa táboa salarial anexa:

ANEXO I

Táboa salarial de 1999

A seguir, elabóranse as táboas salariais para o ano 2000 segundo o establecido no artigo 24 do convenio colectivo, onde figura un incremento salarial do IPC real de 1999 máis un punto, é dicir, un 3,9% sobre a táboa salarial vixente o 31 de decembro de 1999.

Por último, trátase o tema da xornada laboral, recollida no artigo 16 do convenio colectivo, que establece que a xornada máxima ordinaria será, en cómputo anual, de 1.800 horas de traballo efectivo. Co obxectivo de axusta-la xornada laboral a esas 1.800 horas, acórdase considerar como non laborable e retribuído o día 17 de maio con vixencia para o ano 2000. O artigo 17 (días festivos) queda redactado como segue:

1. Para efectos de distribución e adecuación da xornada anual, con vixencia para 2000, considerarase como non laborable e retribuído o día 17 de maio.

2. Se algún concello da provincia sinalase como festivo local un día non laborable, ou coincidise co día anteriormente referido, establécese como festivo na súa substitución, o día laborable inmediatamente seguinte.

3. Os días de descanso retribuído, establecidos no punto 1 poderán ser modificados por acordo entre a empresa e os traballadores, ou os seus representantes legais, para axustalos ás necesidades das partes.

Non habendo máis asuntos que tratar, levántase a sesión ás dezanove horas do día arriba indicado.