Visto o expediente de revisión salarial do ano 1999 e táboas salariais para o ano 2000 do convenio colectivo do sector de rematantes e serradoiros de madeira da provincia da Coruña, que tivo entrada nesta delegación provincial o día 25-2-2000, subscrito pola comisión paritaria do convenio colectivo integrada pola parte económica pola Asociación Provincial de Empresarios de Rematantes y Aserradores de Madera da Coruña, e da parte social por CIG, UGT, CC.OO., o día 22-2-2000, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 2 de marzo de 2000.

Mª Reyes Carabel Pedreira

Delegada provincial da Coruña

Acta

Asistentes:

-Parte empresarial:

Ramón Romero Quintáns.

Benito García Sánchez.

Manuel Piñeiro Esperante.

-Parte sindical:

UGT: Juan Carlos Tubío Redondo.

CC.OO.: Santiago Huertas Pozurama.

CIG: Indalecio López Rodríguez.

Na Coruña, ás dezaseis trinta horas do día vintedous de febreiro do ano 2000, reúnense os compoñentes da comisión paritaria do convenio colectivo provincial de serradoiros e rematantes da madeira da provincia da Coruña para procederen, dando cumprimento ó pactado nos artigos 31, 32 e 33 do convenio vixente, á revisión e confección das táboas salariais correspondentes ó período abranguido desde o 1 de xaneiro do ano 2000 ata o 31 de decembro do mesmo ano.

Reunidas ámbalas partes, procédese á revisión salarial do período do 1 de xaneiro de 1999 ata o 31 de decembro de 1999 e á confección das táboas salariais correspondentes ó ano 2000.

Debatido entre as partes presentes o contido do artigo 32 do convenio vixente, acórdase que a súa interpretación garante unha revisión salarial de incrementar en 0,75 puntos o IPC real. Desta maneira a revisión das táboas salariais correspondentes ó ano 1999 serán realizadas a partir das do ano 1998 incrementadas en 3,65 puntos correspondentes ó IPC real do ano 1999 máis 0,75 puntos. E en aplicación do artigo 31 do citado convenio, increméntanse as táboas do ano 1999 xa revisadas, en 2,75 puntos correspondentes ó IPC previsto pra o ano 2000 máis 0,75 puntos, establecendo as táboas correspondentes ó ano 2000, tal e como aparecen reflectidas no anexo que se xunta á presente acta.

En canto ó artigo 33, acórdase revisalas nun incremento igual ó IPC real do ano 1999 que se situou en 2,9 puntos.

Por último, a representación sindical recórdalle á empresarial a obriga que teñen as empresas de exterioriza-los compromisos incluídos no artigo 34 do convenio vixente.

E sen máis asuntos que tratar, levántase a sesión ás dezaoito trinta horas da data arriba indicada, asinando, en sinal de conformidade, a totalidade dos asistentes.

ANEXO

Táboa salarial para o ano 2000

Paga 1 de maio: 27.500 ptas.

Complemento asistencia, período ano 2000:

-Traballadores menores de idade: 124 ptas.

-Traballadores en formación de 18 a 20 anos: 147 ptas.

-Resto dos traballadores: 216 ptas.

Complemento de transporte, período ano 2000: 336 ptas.