Visto o expediente da revisión salarial do convenio colectivo para o sector de carpintería, ebanistería e actividades afíns, da provincia de Pontevedra, con nº de código 3600215, que tivo entrada nesta delegación provincial o día 23-2-2000, subscrito pola comisión paritaria do convenio o 16-2-2000. De conformidade co disposto no artigo 25 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 28 de febreiro de 2000.

Antonio Coello Bufill

Delegado provincial de Pontevedra

Convenio colectivo do sector de carpintería,

ebanistería e actividades afíns da provincia

de Pontevedra

Asistentes:

Marcos González Oliveira (CC.OO).

Xosé Xoán Melón González (CIG).

Ramón Carrera Molares (UGT).

Representación empresarial:

Enrique Cameselle Taboada, ASEMA.

Manuel Figueiras Rey, AFCM.

Félix Rodríguez Regueiro, AFCM.

Secretaria de actas: Ana Mª Martín Herrero.

Na Estrada, nos locais da Asociación Comarcal de Empresarios de A Estrada, ás doce horas do día dezaseis de febreiro de dous mil, reúnese a comisión paritaria do convenio colectivo de traballo do sector de carpintería, ebanistería e actividades afíns da provincia de Pontevedra, co obxecto de aplica-la

cláusula de revisión salarial establecida no artigo 25 do convenio.

Para 1999 estableceuse un incremento salarial do 2,8%. O IPC, o 31 de decembro dese ano, rexistrou un incremento respecto do 1 de xaneiro do 2,9%, polo que, en aplicación do artigo 25 do convenio, debe efectuarse unha revisión salarial do 0,1%, que se pagará con efectos do 1 de xaneiro de 1999, e que afecta os seguintes conceptos económicos:

ANEXO I

Táboa de salarios 1999

Artigo 30º.-Axudas de custo.

Axuda de custo con pernoita: 5.660 ptas.

Axuda de custo completa: 3.910 ptas.

Media axuda de custo: 1.852 ptas.

Non habendo máis asuntos que tratar, levántase a sesión ás trece horas do día arriba indicado.