Vista a solicitude presentada por Pedro Díaz Currás en representación do Centro de Estudios Cofisad e a documentación anexa, na que se solicita que lle sexa concedida a cualificación de entidade recoñecida para impartir cursos teórico-prácticos para a obtención de carnés profesionais de instalador e mantedor-reparador de instalacións de calefacción, climatización e auga quente sanitaria.
Vista a instrucción técnica complementaria IT-IC 11 do Regulamento de instalacións térmicas nos edificios (RITE) aprobada por R.D. 1751/1998, do 31 de xullo de 1998 (BOE do 5-8-1998), pola que se establecen especialidades dos carnés profesionais de instalador e mantedor-reparador de instalacións de calefacción, climatización e auga quente sanitaria e fíxase o número mínimo de horas para desenvolve-los programas dos cursos teóricos e de coñecementos específicos para a súa obtención.
Considerando que se cumpriron os requisitos regulamentarios establecidos.
A Dirección Xeral de Industria
RESOLVE
Concederlle ó Centro de Estudios Cofisad a cualificación de entidade recoñecida para imparti-los cursos teórico-prácticos para a obtención dos carnés profesionais de instalador e mantedor-reparador de instalacións de calefacción, climatización e auga quente sanitaria, no ámbito da Comunidade Autónoma de Galicia.
A duración dos cursos en número de horas axustarase ó disposto na IT-IC 11 do R.D. 1751/1998, do 31 de xullo de 1998.
Para imparti-los cursos, deberase comunicar á Dirección Xeral de Industria e á delegación provincial da Consellería de Industria e Comercio da provincia correspondente o programa, profesorado,
lugar, horario e exames, co fin de realiza-lo control correspondente.
Esta autorización deberase renovar ós dous anos, para o que deberá acreditar ante esta Dirección Xeral de Industria o cumprimento dos requisitos esixidos na autorización inicial.
Santiago de Compostela, 15 de febreiro de 2000.
Ramón Ordás Badía
Director xeral de Industria