O artigo 28.2º da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1998, do 9 de xuño (DOG nº 116, do 20), entre os que se atopa a sanidade.
O exercicio público da prestación da asistencia santaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afectados para que, mediante orde e diante de cada situación de folga, decidan o mínimo de actividade necesaria para asegura-lo mantemento de tales servicios, así como para determina-lo persoal necesario para a súa prestación.
Convocada folga que afecta o colectivo de médicos dependientes do Sergas na provincia de Pontevedra, incluíndo ós que realizan o seu labor en tódolos
ámbitos da atención primaria (servicios de urxencias incluídos) e os de atención especializada (todo o espectro hospitalario incluído urxencias, admisión e HADO) e que se levará a cabo o día 8 de marzo, por tempo indefinido, coa excepción de sábados, domingos e festivos, oído o comité de folga, esta consellería
DISPÓN:
Artigo 1º.-A folga convocada para o día 8 de marzo de 2000, con carácter indefinido, excepto os sábados, domingos e festivos, que afecta ó colectivo de médicos dependentes do Sergas na provincia de Pontevedra, incluíndo os que realizan o seu labor en tódolos ámbitos da atención primaria (servicios de urxencias incluídos) e os de atención especializada (todo o espectro hospitalario incluído urxencias, admisión e HADO, enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, para evitar que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo ningún concepto, poden quedar desasistidos polas características do servicio dispensado.
E por iso, mantéñense os servicios mínimos necesarios para garanti-la asistencia imprescindible ós pacientes hospitalizados, así como a atención urxente ós usuarios, que non pode aprazarse sen consecuencias negativas para a saúde.
Entrando na análise pormenorizada dos servicios mínimos, establécense os criterios rectores de determinación deles, que se corresponden cos asinados coas centrais sindicais con motivo das folgas anteriores.
Os ditos criterios rectores explicítanse do seguinte xeito:
-Atención especializada:
Persoal facultativo:
1. Cobertura do 100% da actividade urxente nun dobre ámbito:
-Servicios de urxencias e gardas médicas.
-Quirófanos urxentes para a atención dos usuarios que, ó ingresar, requiran intervención cirúrxica inaprazable.
2. Cobertura da actividade cirúrxica dos pacientes hospitalizados, respecto ás patoloxías que poñan en perigo a súa vida ou agraven o seu estado de saúde.
3. Na área de hospitalización, establecerase o número necesario para garanti-la atención indefectible dos pacientes hospitalizados e as altas clínicas.
4. Garantirase, así mesmo, a realización das probas complementarias urxentes e as que se refiran ós pacientes hospitalizados que, ó criterio do facultativo, sexan necesarias.
5. No ámbito de consultas e procedementos en salas especiais atenderanse tamén as consideradas como urxentes ou preferentes, así como as interconsultas dos pacientes hospitalizados que o requiran, a criterio do facultativo.
6. Unidades especiais:
-Coidados críticos: o mesmo que para un domingo ou festivo.
-Diálise: o número necesario para garanti-los coidados dos pacientes afectados.
-Unidades da dor: o número necesario para garanti-los coidados dos pacientes afectados.
-Hospitais de día: o número necesario para garanti-los coidados dos pacientes afectados.
-De quirófano: número necesario para a cobertura da actividade cirúrxica dos pacientes hospitalizados respecto das patoloxías que poñan en perigo a vida dos mesmos ou agraven o seu estado de saúde.
-Atención primaria:
1. Cobertura do 100% da actividade urxente.
2. Os servicios mínimos que se fixan no tramo ordinario de atención prestarán asistencia urxente ou inaprazable desa unidade calquera que sexa a modalidade da prestación:
-50% persoal médico por centro.
Con tales premisas determínase no anexo desta resolución, por grupos profesionais, o número de servicios mínimos do persoal afectado.
Artigo 2º.-A designación nominal, con carácter rotatorio, do persoal que deberá cubri-los distintos servicios será determinada polo director xerente do centro, procedéndose á súa publicación nos taboleiros de anuncios do centro de traballo.
Artigo 3º.-Os prazos e alteracións no traballo por parte do persoal necesario para o mantemento dos servicios mínimos determinados no anexo, asi como os expostos nos taboleiros de anuncios de cada centro de atención primaria, serán considerados ilegais para os efectos do establecido no artigo 16.1º do Real decreto Lei 17/1977, do 4 de marzo (BOE nº 58, do 9).
Artigo 4º.-O disposto nos artigos anteriores non significará ningún tipo de limitación dos dereitos que a normativa reguladora da folga recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º.-Sen prexuízo do que establecen os artigos anteriores, deberanse observa-las normas legais
e regulamentarias vixentes en materia de garantías dos usuarios dos establecementos sanitarios.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 2 de marzo de 2000.
José Mª Hernández Cochón
Conselleiro de Sanidade e Servicios Sociais
ANEXO
Hospital Meixoeiro de Vigo
Persoal facultativo:
-Facultativos de urxencias o 100%.
-Facultativos de garda o 100%.
nº Efect.
Servicios S. mínimos
Categorías
Análises clínicas 2
Anatomía patolóxica 1
Anestesia 5
Aparello dixestivo 1
Cardioloxía 2
Cirurxía xeral 3
Ciruxía plástica 2
Endocrinoloxía 1
Farmacia 2
Xeriatría 1
Xinecoloxía 3
Hematoloxía 2
Inmunoloxía 1
Medicina interna 2
Medicina nuclear 1
Medicina preventiva 1
Microbioloxía 1
Nefroloxía 1
Pneumoloxía 2
Neurofisioloxía 1
Otorrinolaringoloxía 2
Neuroloxía 2
Dermatoloxía 1
Oftalmoloxía 2
Oncoloxía 1
Psiquiatría 1
Radioloxía 3
Rehabilitación 1
Reumatoloxía 1
Traumatoloxía 4
UCI 2
Uroloxía 3
Total 56
Complexo Hospitalario de Pontevedra
Persoal facultativo:
-Facultativos de garda. Tarde e noite (P. física e localizada) o 100%.
Xornada ordinaria de 8 horas a 15 horas.
Servicios S. mínimos
Alerxia 1
Anatomía patolóxica 1 1
Anestesia, reanimación 3 3
Cardioloxía 1 1
Cirurxía xeral 2 2
Dermatoloxía 2
Dixestivo 1 1
Estomatoloxía 1
Endocrinoloxía 1 1
Farmacia 1 1
Hematoloxía-B.Sangue 1 2
Microbiloxía 1 1
M. preventiva 1
M. interna 2 2
Nefroloxía 1 1
Neuroloxía 1 1
Neumoloxía 1 1
Neurofisioloxía clínica 1 1
Obstetricia e xinecoloxía 2 2
Oftalmoloxía 2
Oncoloxía 1
Otorrinolaringoloxía 2
Psiquitría 1 1
Pediatría 2 2
Radioloxía 2 2
Reumatoloxía 1
Rehabilitación 1 1
Traumatoloxía 3 3
UCI 1 1
Uroloxía 2 2
Urxencias 4/1* 4/2
Cirurxía vascular 2
HADO 1
* Mañá/tarde
Centro de especialidades Mollabao:
Servicios S. mínimos
Cirurxía 1
Psiquiatría 1
Uroloxía 1
Dermatoloxía 1
Oftalmoloxía 1
Ambulatorio San Roque de Vilagarcía:
Servicios S. mínimos
Análises clínicas 1
Radioloxía 1
Ambulatorio Virxe Peregrina, Pontevedra:
Servicios S. mínimos
COF 1
Radiodiagnóstico 1
Ambulatorio San Paio da Estrada:
Servicios S. mínimos
Análises clínicas 1
Oftalmoloxía 1
Hospital Xeral-Cíes
Persoal facultativo:
-Facultativos de urxencias o 100%.
-Facultativos de garda o 100%.
Xornada ordinaria de 8 a 15 horas.
Servicios S. mínimos
Admisión 1
Alergoloxía 1
Análises clínicas 4
Anatomía patolóxica 1
Anestesia e reanimación 5
Ansioloxía cardiovascular 2
Cardioloxía 2
Cirurxía xeral 5
Cirurxía maxilofacial 1
Cirurxía torácica 2
Dermatoloxía 1
Dixestivo 2
Endocrinoloxía 2
Farmacia hospitalaria 1
Hematoloxía 3
HADO 1
Medicina intensiva 3
Medicina interna 4
Medicina preventiva 1
Nefroloxía 1
Pneumoloxía 2
Neurocirurxía 3
Neurofisioloxía clínica 1
Neuroloxía 2
Obstetricia e xinecoloxía 6
Oftalmoloxía 2
Oncoloxía 1
ORL 2
Pediatría 6
Psiquiatría 6
Radiodiagnóstico 5
Rehabilitación 1
Reumatoloxía 1
Traumatoloxía 3
Uroloxía 2
Urxencias H. Xeral 4
Urxencias H. Cíes 1
Atención continuada: desde as 15 horas ás 8 horas do día seguinte.
Facultativos especialistas:
Urxencias Hospital Xeral:
-2 efectivos desde as 15 horas ata as 22 horas (quenda).
-1 efectivo desde as 22 horas ás 8 horas do día seguinte (quenda).
-1 efectivo de 15 horas ás 8 horas do día seguinte.
Urxencias Cíes: 1 efectivo (quenda).
HADO: 1 localizado de 15 a 21 horas (A. continuada).
Resto das áreas asistenciais: os equipos completos de facultativos especialistas xa previstos na programación previa do cadro de gardas médicas e na forma establecida.
Internos residentes:
Tódalas áreas asistenciais: os equipos completos de internos-residentes xa previstos na programación previa do cadro de gardas médicas e na forma establecida.
Hospital Nicolás Peña
Persoal facultativo:
Servicios S. mínimos
Gardas noite 1
Gardas mañá 2
Especialista M.I. 1
Laboratorio 1
Farmacia 1
Radioloxía 1
Total 7
