De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan a incoación do expediente sancionador por infracción á Lei 7/1992, do 24 de xullo, de pesca fluvial de Galicia.

Que, así mesmo, designo instructora do expediente a Pilar Pita Ponte e secretaria a Mercedes Valdés Rodríguez.

O que se notifica para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalos en calquera momento do expediente por algunha das causas previstas no artigo 28 da dita lei.

Para os efectos previstos na Lei de réxime xurídico das administracións públicas e do procedemento administrativo común, os denunciados disporán dun prazo de quince días hábiles, contador a partir do seguinte ó da publicación desta notificación, para formula-las alegacións, achegar documentos ou as probas que conveñan ó seu dereito, advertíndolles que de non efectuar alegación ningunha no prazo fixado, este acordo de incoación poderá ser considerado proposta de resolución, de darse os supostos previstos no artigo 13 do Real decreto 1398/1993, do 4 de agosto (BOE do 9).

Pontevedra, 21 de xaneiro de 2000.

José Luis Díez Yáñez

Delegado provincial de Pontevedra

ANEXO

Expediente: 173/1999.

Denunciado: Soares Fernand, domicilio 27 Avenue de Rosny-93250 Villemomble-Francia.

Feitos denunciados: pescar carecendo de licencia de pesca, cun número de canas (2) superior ó permitido e empregando cebo non autorizado en ríos non salmoneiros (miñoca). Feitos denunciados ás 20 horas do día 31 de agosto de 1999 no río Ulla, lugar de Arnois, do concello da Estrada.

Data do acordo da incoación: 29-10-1999.

Precepto infrinxido: 34.1º e 33.9º da Lei 7/1992, de pesca fluvial de Galicia.

Precepto sancionador: 34 e 33 da Lei 7/1992, de pesca fluvial de Galicia.

Sanción: 69.000 ptas.

Inhabilitación: para obte-la licencia de pesca, e para o exercicio desta actividade durante 1 ano, debendo entregar, se é o caso, a licencia de pesca no Servicio Provincial de Medio Ambiente Natural no prazo dun mes contado desde o momento no que a sanción sexa firme.