De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan a resolución dos ditos expedientes, por infracción á Lei 7/1992, do 24 de xullo, sobre pesca fluvial en Galicia.

1. Contra a dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, e no prazo dun mes contado a partir do día seguinte ó desta publicación, poderá interpoñer recurso ordinario ante o conselleiro de Medio Ambiente. Transcorrido o prazo de interposición do recurso sen que este fose presentado, esta resolución será firme para tódolos efectos.

2. O importe da sanción, así como o da indemnización, farase efectivo dentro do prazo de quince días contados desde o momento en que a resolución sexa firme, na conta 90/3110001181, de Caixa Galicia (2091) oficina (0388). De non facelo dentro do prazo sinalado, procederase ó seu cobramento pola vía de constrinximento.

3. O rescate do comisado, no caso de que se trate de utensilios de uso lícito, poderá obterse logo do pagamento da contía total da sanción e indemnización dentro do prazo establecido no parágrafo anterior.

Pontevedra, 21 de xaneiro de 2000.

José Luis Díez Yáñez

Delegado provincial de Pontevedra

ANEXO

Expediente: 46/1999.

Denunciado: Luis Manuel Falcón Otero.

Domicilio: r/ Casal, 4, Barrantes, Ribadumia.

DNI: 76.859.434

Feitos denunciados: pescar 12 troitas de tamaño inferior ó mínimo permitido (entre 11 e 17 cm) e non devolvelas ás augas. Feitos acontecidos ás 9 horas do día 2 de abril de 1999, no río Areal, ó seu paso por Perdecanai, do concello de Barro.

Data do acordo da incoación: 18-5-1999.

Data do acordo da proposta: 16-9-1999.

Proposta: sancionar a Luis Manuel Falcón Otero con multa de 5.000 ptas. e unha indemnización de 12.000 ptas.

Alegacións á proposta: non presenta escrito no seu descargo.

Feitos probados: pescar 12 troitas.

Precepto infrinxido: 33.9º da Lei 7/1992, de pesca fluvial de Galicia.

Precepto sancionador: 33 da Lei 7/1992, de pesca fluvial de Galicia.

Circunstancias concorrentes: non se aprecian.

Sanción: 5.000 ptas.

Indemnización: 12.000 ptas.