De conformidade co disposto no artigo 59 da Lei 4/1999, do 6 de xaneiro, de modificación da Lei 30/1992, de 26 de novembro, de réxime xurídico das administracións públicas e do procedemento administrativo común, ó ser devolta polo servicio de correos a resolución enviada no seu día, notifícaselle a Olga Santiago Santos, que ten como último domicilio coñecido Rivero de Aguilar, 1-4ºG, de Vilagarcía de Arousa (Pontevedra), a resolución da Consellería de Pesca, Marisqueo e Acuicultura do 31 de novembro de 1999, pola que se declara desistida da súa petición de axuda para nova construcción do barco Galia e que se reproduce no anexo.
Santiago de Compostela, 31 de xaneiro de 2000.
Amancio Landín Jaráiz
Conselleiro de Pesca, Marisqueo e Acuicultura
ANEXO
Resolución do conselleiro de Pesca, Marisqueo e Acuicultura, pola que se denega a concesión de axuda para a creación, modernización, ampliación e innovación
tecnolóxica de instalacións de acuicultura
Visto o expediente nº PE205A98/180-8 presentado por Olga Santiago Santos, en representación de si mesma, sobre nova construcción do barco Galia, ó
abeiro do disposto na Orde do 12 de febreiro de 1998.
Antecedentes.
Unha vez examinada a documentación presentada no expediente, requírese a Olga Santiago Santos para que achegue diversa documentación complementaria co obxecto de completa-lo expediente, sendo devoltos en dúas ocasións os escritos de requirimento.
Finalizado o prazo, Olga Santiago Santos non presentou a documentación que lle foi requirida.
Fundamentos xurídicos.
Lei 6/1993, do 11 de maio, de pesca de Galicia (DOG nº 101, de 1993).
Decreto 278/1994, do 8 de setembro, modificado polo Decreto 123/1996, do 14 de marzo, polo que se establece o programa de axudas con finalidade estructural no sector da pesca, a acuicultura e a transformación e a comercialización dos seus productos (DOG nº 181, de 1994).
Orde do 12 de febreiro de 1998 pola que se establecen as normas para a concesión das axudas a investimentos no ámbito da acuicultura (DOG nº 145, de 1998).
Vistas as disposicións citadas, a proposta de resolución da Delegación Territorial desta consellería en Vigo, o artigo 42 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación,
RESOLVO:
Declarar a Olga Santiago Santos desistida da súa petición de axuda para nova construcción do barco Galia, por non ter achegado á solicitude de iniciación do expediente a documentación requirida no prazo previsto, de acordo co disposto no artigo 71.1º da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común.
Contra esta resolución, que pon fin á vía administrativa, poderá interpoñerse recurso de reposición perante este mesmo órgano, no prazo dun mes contado a partir do día seguinte ó da súa notificación, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da súa notificación. En todo caso, non se poderá interpoñer recurso contencioso-administrativo ata que sexa resolto expresamente ou se producise a desestimación presunto do recurso de reposición.
Notificación.
Mediante este documento notifícolle esta resolución segundo o esixido no artigo 58 da Lei 30/1992, do 26 de novembro, citada.
