Visto o expediente do convenio colectivo para a empresa Plásticos de Galicia, S.A., con nº de código 3602502, que tivo entrada nesta delegación provincial o día 21-12-1999, subscrito en representación da parte económica pola representación da empresa, e da parte social, polo comité de empresa, con data do 19-10-1999. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 23 de decembro de 1999.
Antonio Coello Bufill
Delegado provincial de Pontevedra
Reunidos a dirección e o comité de empresa de Plásticos de Galicia, S.A., acordan a aplicación do seguinte pacto de extensión ó XII convenio xeral da industria química, e sucesivos, aplicable en Plásticos de Galicia, S.A., sito en 1ª Travesía Alcalde Portanet, nº 8, Vigo (Pontevedra).
Artigo 1º.-Ámbito persoal.
Este pacto afectará a totalidade do cadro de persoal de Plásticos de Galicia, S.A., tanto actual como futuro e a tódolos seus centros de traballo.
Artigo 2º.-Ámbito temporal.
Terá vixencia para os anos 1999, 2000, 2001, 2002, 2003 e 2004; prorrogarase automaticamente mentres non sexa denunciado por calquera das partes asinantes. A denuncia deste pacto poderá facerse por escrito, entregándollo para o efecto á outra parte dentro do cuarto trimestre do ano 2004. Calquera pacto posterior que anule ou modifique este deberá ser notificado e rexistrado na mesma delegación provincial de Xustiza, Interior e Relacións Laborais ca este, para a súa constancia oficial.
Os efectos económicos retrotraeranse ó 1 de xaneiro de 1999 para o primeiro ano de vixencia, ó 1 de xaneiro de 2000 para o segundo ano de vixencia, ó 1 de xaneiro de 2001 para o terceiro ano de vixencia, ó 1 de xaneiro do 2002 para o cuarto ano de vixencia, ó 1 de xaneiro do 2003 para o quinto ano de vixencia e ó 1 de xaneiro de 2004 para o sexto ano de vixencia.
Artigo 3º.-Garantías persoais.
Con independencia de que este documento recolla as melloras que colectivamente desfrutarán tódolos traballadores de Plásticos de Galicia, S.A., como extensión ó convenio xeral da industria química, ademais respectaranse as mellores condicións que cada traballador viñera desfrutando a título individual.
Artigo 4º.-Pagamento de salarios.
O pagamento de salarios farase efectivo, dentro da xornada laboral, por meses de 30 días ou ben mediante cheque ou transferencia bancaria. Cando o traballador optase pola transferencia bancaria, a empresa deberá asegurarse de que o aboamento na conta corrente ou cartilla de aforro do traballador se faga dentro do último día laborable do mes na empresa. Se o pagamento se fai por cheque, este seralle entregado ó traballador o día anterior ó último día laborable do mes na empresa.
1. Distribución do salario.
A distribución do salario farase en doce mensualidades ordinarias de 30 días de salario total e catro pagas extraordinarias da contía e nas datas que a seguir se indican: dúas pagas extras de 30 días de salario total cada unha, que serán aboadas como data límite o 15 de xullo a primeira, e o 15 de decembro a segunda. As outras dúas pagas extras serán 15 días de salario total cada unha, que serán aboadas a primeira conxuntamente coa paga ordinaria de marzo, e a segundo conxuntamente coa paga ordinaria de novembro de cada ano.
2. Salarios mínimos garantidos.
Quedan establecidos os seguintes salarios mínimos garantidos para cada categoría profesional de acordo coa táboa que se xunta como anexo I. (Tódolos traballadores de novo ingreso incluiranse nos grupos profesionais que correspondan en concordancia co convenio xeral da industria química; os seus salarios serán así mesmo os actualizados da táboa salarial
do anexo I). Estes salarios mínimos garantidos serán incrementados coas porcentaxes resultantes da aplicación dos incrementos e revisións salariais que cada ano fixe o convenio xeral da industria química.
Artigo 5º.-Incapacidade laboral transitoria ILT.
Ós traballadores en situación de ILT, a empresa complementarálle-las prestacións ata o 90% do salario total (así como se vén facendo ata a data), desde o primeiro día da baixa. Nos casos de hospitalización, accidente de traballo, enfermidade profesional ou maternidade, a empresa complementará as prestacións ata o 100% do salario total desde o primeiro día da baixa, así como a súa convalecencia posterior.
Artigo 6º.-Xornada de traballo.
Os días durante os que se traballará en Plásticos de Galicia, S.A., serán 225 días laborables/ano, de luns a venres, e 1.743 horas con 45 minutos de xornada laboral anual efectiva, a cal non se reducirá ata que se iguale coa do convenio xeral da industria química.
Establécese unha xornada partida nas seguintes seccións: administración e comercial, materiais e coloreado, manipulados e montaxe, expedicións e almacén cos horarios seguintes:
1. De 8.30 h a 13.30 h e de 15 h a 17.45 h en administración e comercial.
2. De 9 h a 14 h e de 16 h a 19 h en exportación.
3. De 8 h a 13.15 e de 15 h a 17.30 h en materiais e coloreado, manipulados e montaxe, expedicións e almacén, oficina de producción.
Dúas quendas de traballo en matricería e xornada partida segundo as seccións, tales como banco e axustes e oficina técnica cos horarios seguintes:
1. De 7 h a 15 h o primeiro e de 15 h a 23 h o segundo en matricería.
2. De 8 h a 13.15 h e de 15 h a 17.30 h en banco e axuste.
Tres quendas na sección de máquinas inxectoras cos horarios seguintes:
1. De 6 h a 14 h o primeiro, de 14 h a 22 h a segunda e de 22 h a 6 h a terceira.
O bocadillo no traballo a quendas non se tomará fóra da empresa, senón no propio posto de traballo, compensando a empresa os 15 minutos de cada xornada traballada, pagando ese período a razón do prezo da hora ordinaria de traballo ou co correspondente descanso, segundo o criterio da propia empresa, asegurando así que non diminúan a cantidade e a calidade da producción.
A empresa comprométese ó acondicionamento da cantina.
Acordo sobre o establecemento da 4ª quenda en inxección, que completará as tres actualmente existentes, cando se adquiran novas máquinas inxectoras, acordándose no seu momento as condicións da súa organización e retribución económica.
Artigo 7º.-Vacacións.
As vacacións de verán empezarán o primeiro sábado de agosto, rematarán en domingo e a súa duración
será de 30 días (excepto as situacións excepcionais previstas na lexislación vixente ou o previsto no artigo 8º. Así mesmo, estableceranse quendas organizadas para garanti-lo servicio de pedidos durante o mes de agosto de forma voluntaria. Se o número de persoas voluntarias fose inferior a quince, as que falten serán fixadas de forma obrigatoria por sorteo. O cadro de distribución das vacacións será exposto nos taboleiros de anuncios para xeral coñecemento como data límite o día 30 de abril de cada ano.
As vacacións serán retribuídas conforme a media obtida por cada traballador, por tódolos conceptos salariais en xornada normal nos tres meses anteriores á data de inicio destas.
Aqueles traballadores que estean de baixa por ILT ou accidente de traballo ó inicio das vacacións, comezarán a desfrutalas en canto sexan dados de alta, se o proceso productivo o permite. (En calquera caso dentro do ano en curso).
Tódolos traballadores de Plásticos de Galicia, S.A., independentemente do tempo que estean de baixa por maternidade, ILT ou accidente de traballo, desfrutarán de 30 días de vacacións.
Artigo 8º.-Días inhábiles e días sobrantes.
1. Inhábiles.
Os días 5 de xaneiro, 24 e 31 de decembro serán considerados días inhábiles (no caso de non chega-lo número de días que se van traballar para alcanza-los 225 días, calquera destes poderán ser considerados días de vacacións e, polo tanto, serían reducidos os días laborais que correspondesen das vacacións de verán).
2. Días sobrantes.
Unha vez completados os festivos, fixadas as vacacións e computados os inhábiles (parágrafo anterior), de existiren días laborables que excedan os 225, estes serán considerados inhábiles e desfrutados en pontes ata un máximo de tres, o resto, de habelos, serán fixados de común acordo pola dirección e o comité de empresa, e de non haber acordo para fixar estas datas, estes serán fixados no período de Nadal ou de peche de inventario.
Para o ano 2000 ámbalas partes comprométense a te-lo calendario laboral aprobado antes do 31 de xaneiro do mesmo ano.
Artigo 9º.-Licencias e permisos.
Cadro de licencias retribuídas para o persoal desta empresa.
(Aprobado pola empresa o 20-10-1982).
1. Quince días naturais nos casos de casamento.
2. Dous días por nacemento de fillos/as, que poderán ser prorrogados por dous máis en caso de xustificación de enfermidade ou cando o traballador teña necesidade de realizar un desprazamento para o efecto.
3. Tres días naturais en caso de grave enfermidade ou morte dos pais, pais políticos, avós, avós políticos, fillos, fillos políticos, netos, esposa ou esposo, irmáns e irmáns políticos, que poderán ampliarse a cinco cando medie necesidade de desprazamento para o efecto.
4. Un día natural en caso de morte de tíos e tíos políticos.
5. Un día natural en caso de casamento de fillos, pais ou irmáns, na data de celebración da cerimonia.
6. Un día por traslado do domicilio habitual.
7. Polo tempo indispensable para o cumprimento dun deber inescusable de carácter público ou persoal. Cando conste nunha norma legal ou convencional un período determinado, aplicarase o que esta dispoña en canto á duración da ausencia e compensación económica.
8. Polo tempo establecido para desfrutar dos dereitos educativos xerais e da formación profesional, nos supostos e na forma regulados pola lexislación vixente.
9. As traballadoras, por lactación dun fillo menor de nove meses, terán dereito a unha hora de ausencia do traballo, que poderán dividir en dúas fraccións.
En canto ó sinalado dos números 1 ó 3, nos casos extraordinarios debidamente acreditados, tales licencias serán outorgadas polo tempo que sexa preciso segundo as circunstancias, convíndose as condicións da concesión e podendo acordarse a non-percepción de haberes.
Nota aclaratoria:
O aviso das ausencias debe ser previo, razoablemente previo, segundo as circunstancias; a xustificación pode ser posterior, e normalmente serao, porque esta consiste na proba de que efectivamente a ausencia se empregou no motivo legal avisado previamente.
Artigo 10º.-Axuda escolar.
Creouse este fondo de axuda escolar como parte da masa salarial para os traballadores e os seus fillos. Para optar á súa concesión deberán xuntarse coa solicitude, os comprobantes de estar matriculado nos estudios ou cursos oficiais para os cales se solicita. Será aboada pola empresa antes do 30 de setembro de cada ano para os traballadores que teñan entregada a documentación o 25 de setembro; ós restantes seralles aboada unha vez entregada a documentación para o efecto. Serán beneficiarios desta, tanto os traballadores coma os seus fillos na contía que se indica no anexo IV, que deberá ser incrementada cada ano na mesma porcentaxe có incremento salarial e revisións salariais do ano en cuestión.
Artigo 11º.-Complementos obrigatorios.
Os complementos de nocturnidade, toxicidade e penosidade calcularanse a razón do 25% sobre a táboa de salarios base indicada no anexo II, aumentándoa cada ano na porcentaxe de incremento e revisións salariais fixadas no convenio colectivo.
Artigo 12º.-Antigüidade.
As bases para o cálculo da retribución por antigüidade quedaron conxeladas nas súas bases de cálculo vixentes o 31 de decembro de 1991 para cada categoría e grupos profesionais que se xunta como anexo III. A retribución por antigüidade consistirá en dous trienios e cinco quinquenios que se cal
cularán sobre estas bases da seguinte maneira: 5% ós 3 anos de antigüidade; 10% ós 6 anos: 20% ós 11 anos; 30% ós 16 anos; 40% ós 21 anos; 50% ós 26 anos; 60% (tope máximo) ós 31 anos. As novas antigüidades comezarán a devengarse no mesmo mes en que estas se cumpran, cando a data de ingreso do traballador na empresa sexa do 1 ó 5 de cada mes, ámbolos dous incluídos. Se a data de ingreso do traballador fose do día 6 á fin de mes, a nova antigüidade empezará a devengarse, e polo tanto a cobrala, a partir do mes seguinte.
Artigo 13º.-Complemento de convenio.
Os conceptos salariais vixentes ata o ano 1991 da prima de asistencia, prima de puntualidade e gratificación voluntaria, refundíronse nun único concepto de carácter persoal e individual para cada traballador, que pasa a denominarse complemento de convenio. Este complemento percibirao cada traballador en proporción ó tempo de traballo nas mesmas condicións có salario base.
Artigo 14º.-Incrementos salariais.
O criterio de aplicación para Plásticos de Galicia, S.A. do incremento salarial para o ano 1999 será do 2,2% da masa salarial bruta, tal e como se indica no artigo 32 do XII convenio xeral da industria química, excepto para os traballadores que se rexen polas categorías da antiga ordenanza laboral da industria química o incremento salarial das cales será cero.
1. Grupo 0.
Para os efectos de cuantifica-la masa salarial de Plásticos de Galicia, S.A., sen grupo 0, tal como indica o epígrafe Notas C do artigo 32 do convenio xeral, excluirase a masa salarial correspondente ós membros da dirección que, para o ano 1998, esta fixada en 57.747.185 pesetas que corresponden a 9 persoas, quedando a masa salarial do ano 1998 depurada e homoxeneizada fixada na cantidade de 443.430.160 pesetas.
2. Incrementos.
O incremento propiamente dito aplicarase con suxeición literal e estricta á letra do convenio xeral, sendo este o 2,2% da masa salarial bruta depurada e homoxeneizada, que o convenio indica no número II A do artigo 32, que se utilizará para incrementar de maneira directamente proporcional o salario total, exceptuando a antigüidade de forma que os dous conceptos salariais sobre os que se aplicará o 2,30% resultante, serán: salario base (segundo a categoría de cada traballador) e o complemento de convenio (persoal de cada traballador), aumentando ámbolos dous na mesma proporción cós seus valores vixentes o 31 do 12 de 1998, excepto para os traballadores que se rexen polas categorías da antiga ordenanza laboral da industria química o incremento salarial das cales será cero.
3. Incremento dos complementos obrigatorios.
Tal como se vén aplicando nos anos anteriores, as bases para o cálculo dos complementos de nocturnidade, toxicidade e penosidade, son as corres
pondentes ó ano 1998 incrementadas co 2,2% indicado no XII convenio xeral da industria química para o ano 1999 sen detraccións, excepto para os traballadores que se rexen polas categorías da antiga ordenanza laboral para a industria química o incremento das cales será cero.
Así mesmo para o ano 2000 o incremento das bases para o cálculo dos ditos complementos será o que se fixe no punto II B do artigo 32 do XII convenio xeral da industria química sen detraccións, excepto para os traballadores que se rexen polas categorías da antiga ordenanza laboral da industria química o incremento das cales será cero.
Para o ano 2001 o incremento das bases para o cálculo dos ditos complementos será o que se fixe no capítulo salarial do convenio xeral da industria química sen detraccións, excepto para os traballadores que se rexen polas categorías da antiga ordenanza laboral da industria química o incremento das cales será cero.
Igualmente para os anos 2002 e 2003 o incremento das bases para o cálculo destes complementos será o que se fixe no capítulo salarial do convenio xeral da industria química sen detraccións, excepto para os traballadores que se rexen polas categorías da antiga ordenanza laboral da industria química o incremento das cales será o 50 e 75% respectivamente.
Para o ano 2004 o incremento das bases para o cálculo destes complementos será o 100% do incremento que se fixe no capítulo salarial do convenio xeral da industria química sen detracción, para tódalas categorías e grupos profesionais que figuran no anexo II.
4. Débedas salariais.
As débedas salariais existentes na data de hoxe serán regularizadas da seguinte forma:
-A débeda anterior a setembro de 1999 será aboada ó longo do ano 2000 o máis rapidamente que se poida.
-A débeda xerada en setembro de 1999 será aboada antes do 30 de novembro de 1999.
Artigo 15º.-Incremento ano 2000.
O incremento salarial para 2000, será tal como indica o punto II B artigo 32 do convenio xeral da industria química, excepto para os traballadores que se rexen polas categorías da antiga ordenanza laboral da industria química o incremento das cales será cero.
Artigo 16º.-Incremento ano 2001.
O incremento salarial para o ano 2001 será o que se fixe no capítulo salarial do convenio xeral da industria química, excepto para os traballadores que se rexen polas categorías da antiga ordenanza laboral da industria química o incremento das cales será cero, entendéndose que o criterio de aplicación deste incremento será o mesmo que se aplicou nos anos 1999 e 2000.
Artigo 17º.-Incremento ano 2002.
O incremento salarial para o ano 2002 será o que se fixe no capítulo salarial do convenio xeral da
industria química, excepto para os traballadores que se rexen polas categorías da antiga ordenanza laboral da industria química o incremento salarial das cales será o 50% do incremento pactado no convenio xeral da industria química, entendéndose que o criterio de aplicación deste incremento será o mesmo que se aplicou nos anos 1999, 2000 e 2001.
Artigo 18º.-Incremento ano 2003.
O incremento salarial para o ano 2003 será o que se fixe no capítulo salarial do convenio xeral da industria química, excepto para os traballadores que se rexen polas categorías da antiga ordenanza laboral da industria química o incremento salarial das cales será o 75% do incremento pactado no convenio xeral da industria química, entendéndose que o criterio de aplicación deste incremento será o mesmo que se aplicou nos anos 1999, 2000, 2001 e 2002.
Artigo 19º.-Incremento ano 2004.
O incremento salarial para o ano 2004 será o 100% do incremento que se fixe no capítulo salarial do convenio xeral da industria química, para tódolos traballadores, entendéndose que o criterio de aplicación deste incremento será o mesmo que se aplicou nos anos 1999, 2000, 2001, 2002 e 2003.
Artigo 20º.-Cláusula de revisión salarial.
A revisión salarial para os anos 1999 e 2000 será tal e como indica o artigo 36 (cláusula de revisión salarial, 36 A para 1999 e 36 B para 2000) do convenio xeral da industria química, excepto para os traballadores que se rexen polas categorías da antiga ordenanza laboral da industria química a revisión das cales será cero.
Para o ano 2001 a cláusula de revisión salarial será a que se fixe no artigo correspondente a ela no convenio xeral da industria química vixente para o dito ano, excepto para os traballadores que se rexen polas categorías da antiga ordenanza laboral da industria química a revisión das cales será cero.
Así mesmo, para os anos 2002, 2003 e 2004 a cláusula de revisión salarial será a que se fixe no artigo correspondente a ela no convenio xeral da industria química vixente para os ditos anos, excepto para os traballadores que se rexen polas categorías da antiga ordenanza laboral da industria química a revisión das cales será do 50% e 75% para os anos 2002 e 2003 respectivamente e do 100% para o 2004.
Artigo 21º.-Horas extraordinarias.
O importe das horas extraordinarias para tódolos traballadores da empresa será a razón do 120% sobre o salario base máis a antigüidade en cómputo anual, tendendo a realiza-las mínimas posibles.
Artigo 22º.-Retribución variable.
Fixación de acordo co comité de empresa das bases e importes dunha retribución variable que compense o maior e menor traballo, establecéndose previamente o rendemento ou saturación cen por cento (sistema Bedaux) do operario, que equivale ó salario que actualmente percibe, fixándose para o rende
mento superior, a correspondente compensación económica.
Artigo 23º.-Contratacións.
Nas futuras contratacións que realice a empresa terán preferencia os actuais traballadores con contrato temporal ós que non se lles renove o seu contrato, sempre que sexan adecuados para o posto de traballo que se pretende cubrir, a criterio dos responsables da empresa.
Artigo 24º.-Aprendizaxe.
Respectarase a conversión dos contratos de aprendizaxe en vigor en contratos fixos, sempre e cando a valoración do traballo desenvolvido ata a data polo aprendiz, fose positiva en opinión dos responsables da empresa.
Artigo 25º.-Mobilidade funcional.
Poderá levarse a cabo unha mobilidade funcional de tódolos traballadores, respectando a súa categoría e retribución económica, con explicación ó comité de empresa das causas que a motiven, sen que isto implique o seu consentimento previo. Esta mobilidade, en ningún caso, poderá contravi-lo indicado no artigo correspondente do convenio xeral da industria química.
Artigo 26º.-Traslado.
Sendo conscientes ámbalas partes da necesidade futura do traslado da fábrica, acordan que se darán tódalas facilidades posibles ó traslado ós polígonos industriais máis convenientes e próximos ás actuais instalacións, producíndose o traslado dentro do ordenamento legal vixente.
Artigo 27º.-Comisión paritaria.
Establécese a comisión paritaria do pacto de extensión ó XII convenio xeral da industria química como órgano de interpretación, conciliación e vixilancia do pacto de extensión antes citado.
Para todas aquelas cuestións que se deriven da interpretación do XII convenio xeral da industria química observarase o disposto no capítulo XV do citado convenio.
A comisión paritaria estará integrada por tres representantes dos traballadores e por tres representantes da empresa.
Disposición adicional
Garantías colectivas.
Os acordos contidos neste pacto de empresa son considerados condicións máis beneficiosas para os traballadores de Plásticos Galicia, S.A., con relación ó convenio xeral da industria química.
Vigo, 19 de outubro de 1999.
Pola empresa:
Miguel Edo Salvador.
DNI: 73.372.989.
Polo comité de empresa:
Antonio Vidal Herbello.
DNI: 36.011.857.
Antonio Ferreiro Iglesias.
DNI: 35.988.797.
Ventura Lago Paz.
DNI: 35.972.284.
Pelayo Martínez Alonso.
DNI: 36.015.853.
Jorge Muñiz Rodríguez.
DNI: 36.013.727.
Manuel Costa Soage.
DNI: 35.931.490.
Ángel Barreiro Solla.
DNI: 35.989.366.
Bernardo Costas Fernández.
DNI: 36.000.723.
J. Ramón Comesaña Vila.
DNI: 36.076.757.
ANEXO I
Táboa salarial base 1999
Incremento do 2,30%
Orde Categoría Ptas./mes Ptas./ano
1 Director técnico Admvo. ou financeiro 282.848 4.242.720
2 Xerente 282.848 4.242.720
3 Médico 282.848 4.242.720
4 Técnico medio 237.725 3.565.875
5 Axudante técnico 206.012 3.090.180
6 Encargado 179.179 2.687.685
7 Capataz 168.013 2.520.195
8 Debuxante artístico 237.725 3.565.875
9 Debuxante de primeira 186.169 2.792.535
10 Delineante proxectista 196.206 2.943.090
11 Programador de ordenadores 179.364 2.690.460
12 Operador de ordenadores 172.432 2.586.480
13 Xefe de sección 191.223 2.868.345
14 Técnico de organización 165.772 2.486.580
15 Auxiliar de organización 157.731 2.365.965
16 Xefe Administr. de primeira 237.726 3.565.890
17 Xefe Administr. de segunda 209.070 3.136.050
18 Oficial Administr. de primeira 182.074 2.731.110
19 Oficial Administr. de segunda 172.311 2.584.665
20 Auxiliar administrativo 153.399 2.300.985
21 Telefonista 153.399 2.300.985
22 Oficial de 1ª A - oficios auxiliares 176.909 2.653.635
23 Oficial de 1ª B - oficios auxiliares 166.710 2.500.650
24 Oficial de 1ª C - oficios auxiliares 160.086 2.401.290
25 Oficial de 2ª A - oficios auxiliares 156.970 2.354.550
26 Oficial de 2ª B - oficios auxiliares 151.873 2.278.095
27 Oficial de 3ª - oficios auxiliares 150.625 2.259.375
28 Profesional de 1ª 151.873 2.278.095
29 Profesional de 2ª 150.625 2.259.375
30 Axudante especialista 148.076 2.221.140
31 Garda 147.140 2.207.100
32 Peón 148.076 2.221.140
33 Limpadora 147.053 2.205.795
Orde Categoría Ptas./mes Ptas./ano
41 Grupo profesional 1 110.615 1.659.224
42 Grupo profesional 2 118.202 1.773.023
43 Grupo profesional 3 127.960 1.919.399
44 Grupo profesional 4 142.055 2.130.822
45 Grupo profesional 5 161.565 2.423.482
46 Grupo profesional 6 188.675 2.830.124
47 Grupo profesional 7 228.788 3.431.817
48 Grupo profesional 8 289.503 4.342.543
ANEXO II
Táboa salarial base 1999: complemento de
penosidade, toxicidade e nocturnidade
Incremento do 2,2%
Orde Categoría Ptas./mes Ptas./ano
1 Director técnico Admvo. ou financeiro 265.887 3.988.305
2 Xerente 265.887 3.988.305
3 Médico 265.887 3.988.305
4 Técnico medio 223.144 3.347.160
5 Axudante técnico 193.106 2.896.590
6 Encargado 167.690 2.515.350
7 Capataz 157.111 2.356.665
8 Debuxante artístico 223.144 3.347.160
9 Debuxante de primeira 174.308 2.614.620
10 Delineante proxectista 183.816 2.757.240
11 Programador de ordenadores 167.863 2.517.945
12 Operador de ordenadores 161.297 2.419.455
13 Xefe de sección 179.096 2.686.440
14 Técnico de organización 154.989 2.324.835
15 Auxiliar de organización 147.373 2.210.595
16 Xefe Administr. de primeira 223.146 3.347.190
17 Xefe Administr. de segunda 196.001 2.940.015
18 Oficial Administr. de primeira 170.422 2.556.495
19 Oficial Administr. de segunda 161.184 2.417.760
20 Auxiliar administrativo 143.268 2.149.020
21 Telefonista 143.268 2.149.020
22 Oficial de 1ª A - oficios auxiliares 165.540 2.483.100
23 Oficial de 1ª B - oficios auxiliares 155.878 2.338.170
24 Oficial de 1ª C - oficios auxiliares 149.603 2.244.045
25 Oficial de 2ª A - oficios auxiliares 146.650 2.199.750
26 Oficial de 2ª B - oficios auxiliares 141.822 2.127.330
27 Oficial de 3ª - oficios auxiliares 140.641 2.109.615
28 Profesional de 1ª 141.822 2.127.330
29 Profesional de 2ª 140.641 2.109.615
30 Axudante especialista 138.228 2.073.420
31 Garda 137.340 2.060.100
32 Peón 138.228 2.073.420
33 Limpadora 137.258 2.058.870
41 Grupo profesional 1 102.596 1.538.933
42 Grupo profesional 2 109.778 1.646.672
43 Grupo profesional 3 119.010 1.785.148
44 Grupo profesional 4 132.347 1.985.199
Orde Categoría Ptas./mes Ptas./ano
45 Grupo profesional 5 150.810 2.262.156
46 Grupo profesional 6 176.464 2.646.954
47 Grupo profesional 7 214.424 3.216.357
48 Grupo profesional 8 271.877 4.078.148
ANEXO III
Táboa salarial base antigüidade
Orde Categoría Ptas./mes Ptas./ano
1 Director técnico Admvo. ou financeiro 196.845 2.952.675
2 Xerente 196.845 2.952.675
3 Médico 196.845 2.952.675
4 Técnico medio 165.202 2.478.030
5 Axudante técnico 142.963 2.144.445
6 Encargado 124.146 1.862.190
7 Capataz 116.315 1.744.725
8 Debuxante artístico 185.202 2.478.030
9 Debuxante de primeira 129.048 1.935.720
10 Delineante proxectista 136.086 2.041.290
11 Programador de ordenadores 124.275 1.864.125
12 Operador de ordenadores 119.414 1.791.210
13 Xefe de sección 132.592 1.988.880
14 Técnico de organización 114.744 1.721.160
15 Auxiliar de organización 109.105 1.636.575
16 Xefe Administr. de primeira 165.203 2.478.045
17 Xefe Administr. de segunda 145.107 2.176.605
18 Oficial Administr. de primeira 126.177 1.892.655
19 Oficial Administr. de segunda 119.329 1.789.935
20 Auxiliar administrativo 106.067 1.591.005
21 Telefonista 106.067 1.591.005
22 Oficial de 1ª A - oficios auxiliares 122.554 1.838.310
23 Oficial de 1ª B - oficios auxiliares 115.402 1.731.030
24 Oficial de 1ª C - oficios auxiliares 110.757 1.661.355
25 Oficial de 2ª A - oficios auxiliares 108.570 1.628.550
26 Oficial de 2ª B - oficios auxiliares 104.996 1.574.940
27 Oficial de 3ª - oficios auxiliares 104.122 1.561.830
28 Profesional de 1ª 104.996 1.574.940
29 Profesional de 2ª 104.122 1.561.830
30 Axudante especialista 102.335 1.525.025
31 Garda 101.678 1.525.170
32 Peón 102.335 1.535.025
33 Limpadora 101.617 1.525.255
41 Grupo profesional 1 74.320 1.114.800
42 Grupo profesional 2 79.522 1.192.330
43 Grupo profesional 3 86.211 1.293.165
44 Grupo profesional 4 95.873 1.438.095
45 Grupo profesional 5 109.247 1.638.705
46 Grupo profesional 6 127.830 1.917.450
47 Grupo profesional 7 155.328 2.329.920
48 Grupo profesional 8 196.947 2.954.205
ANEXO IV
Axuda escolar: curso 1999-2000
Importe por curso:
C. 1999/2000Pesetas
Preescolar 7.500
Ensino xeral básico: 1º e 2º 8.500
Ensino xeral básico: 3º e 4º 12.100
Ensino xeral básico: 5º e 6º 14.100
Ensino xeral básico: 7º e 8º 17.000
Bacharelato unificado polivalente (BUP) 19.100
Formación profesional 19.100
Curso de orientación universitaria (COU) 21.600
Escolas técnicas e maxisterio 35.400
Universidade 35.400
Escola Of. idiomas universidade. P/ cada idioma 10.400