Por Orde do 20 de xullo de 1999 (DOG do 23 de agosto e 19 de outubro de modificación) aprobáronse os concertos educativos cos centros docentes privados da Comunidade Autónoma de Galicia.

Tendo en conta a comunicación da inspección educativa de que os centros privados concertados Santiago Apóstol de Narón (A Coruña), Santo Cristo de Ourense, Montecastelo de Vigo (Pontevedra) e Victoria de Vigo (Pontevedra) non teñen en funcionamento diversos ciclos formativos de grao medio e programas de garantía social por falta de alumnado.

Esta consellería, por proposta da Dirección Xeral de Centros e Inspección Eucativa,

DISPÓN:

Primeiro.-Aproba-la diminución, para o curso 1999-2000, do concerto educativo dos ciclos formativos de grao medio e programas de garantía social cos centros que se relacionan:

-Santiago Apóstol de Narón (A Coruña), 1 ciclo medio de comercio.

-Santo Cristo de Ourense, 1 ciclo medio de comercio.

-Montecastelo de Vigo (Pontevedra), 1 ciclo medio de 1º curso de equipos e instalacións electrotécnicas, 1 ciclo medio de 1º curso de equipos electrónicos de consumo e 1 programa de garantía social de auxiliar de electrónica.

-Victoria de Vigo (Pontevedra), 1 ciclo medio de xestión administrativa.

Segundo.-O documento administrativo no que se formalizará a dita modificación do concerto educativo cos referidos centros será asinado polo conselleiro de Educación e Ordenación Universitaria e polo titular do centro privado ou persoa con representación debidamente acreditada.

Se o titular do centro privado non subscribise o documento de formalización na data que se lle notifique, entenderase decaído no seu dereito.

Terceiro.-As modificacións que por esta orde se aproban terán efectos do 1 de setembro de 1999.

Cuarto.-Contra este disposición, que esgota a vía administrativa, o interesado poderá interpoñer recurso potestativo de reposición perante o conselleiro de Educación e Ordenación Universitaria, no prazo

dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, do 26 de novembro, do réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 14 de decembro de 1999.

Celso Currás Fernández

Conselleiro de Educación e Ordenación

Universitaria