Visto o texto da acta asinada o día 20 de setembro de 1999 pola comisión negociadora do convenio colectivo do persoal laboral do Concello de Mugardos, integrada polos representantes do concello e do delegado de persoal e aprobado polo Pleno do Concello realizado o día 24 de setembro de 1999, mediante o que se acorda a modificación do convenio colectivo (código convenio 1503262) e a posterior rectificación da táboa salarial para a corrección de erros acordada pola acta da comisión negociadora do día 25 de outubro de 1999 e aprobada polo Pleno do día 29 de outubro de 1999, e de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de
Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente
nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 11 de novembro de 1999.
Mª Reyes Carabel Pedreira
Delegada provincial da Coruña
Acta da sesión realizada pola comisión negociadora do convenio colectivo do persoal laboral do Concello de Mugardos (A Coruña) para o ano 1999, o día 20 de setembro de 1999, ás 16.30 horas
Reunidos no salón de sesións da casa do Concello de Mugardos, ás 16.30 horas do día 20 de setembro de 1999, dunha parte, os representantes do concello: Xosé Fernández Barcia, Manuel Fariña Doval, Juan Toimil Iglesias, Encarna Sánchez Roel e Pilar Díaz Otero.
Doutra parte, os delegados do persoal: Juan A. Fernández Coira e Mª Carmen Fariña Saavedra.
Acordan modifica-lo convenio colectivo actualmente vixente, publicado no BOP nº 31, do 7 de febreiro de 1997, nos termos seguintes:
Dar nova redacción ós artigos 1.1º, 6.1.1º e 7.2.4º e disposición xeral terceira, que quedarán redactados do modo seguinte:
Artigo 1.1º.-Ámbito de aplicación persoal.
Este convenio será de aplicación a todo o persoal laboral, fixo ou interino, que ocupe praza no cadro de persoal do Concello de Mugardos.
Quedan excluídos do ámbito de aplicación deste convenio:
a) O persoal que sexa contratado para execución de plans de fomento do emprego, formación de parados/as, programas de servicios sociais ou similares,
en desenvolvemento de convenio ou con cargo a subvencións nas que interveña outra entidade, xa sexa da Administración central, autonómica, local ou institucional.
b) O persoal que realice traballos de colaboración social.
Artigo 6.1.1º.-Condicións xerais.
O concello consignará, para o ano 1999, 500.000 ptas. para sufraga-los gastos dos seus traballadores, e beneficiarios destes, destinados a axudas de carácter social.
Artigo 7.2.4º.-Provisión de postos de traballo.
Crearanse dúas prazas de peón de servicios múltiples e cubriranse as vacacións do persoal mediante substitucións.
Disposición xeral
Terceira.-No caso de despedimento improcedente, o traballador poderá optar entre incorporarse ó seu posto de traballo ou ser indemnizado polo concello.
Esta disposición só lles será aplicable a traballadores que, trala superación do correspondente proceso selectivo, ocupen posto de traballo de carácter fixo.
Modifícase a táboa salarial segundo figura no anexo I.
E sendo as 17.15 horas do día sinalado ó principio, levántase a sesión, estendéndose esta acta, que asinan os membros da comisión negociadora do convenio colectivo.
Mugardos, 25 de outubro de 1999.
Polo concello:
Xosé Fernández Barcia
Juan Toimil Iglesias
Pilar Díaz Otero
Manuel Fariña Doval
Encarna Sánchez Roel
Polos traballadores:
Juan Fernández Coira
Mª del Carmen Fariña Saavedra
ANEXO I
Táboa salarial do persoal laboral do Concello de Mugardos para o ano 1999
Categoría S. base Nivel C. destino C. específico C. Product. Salario mes Extra vacacións Total ano Nº postos
Limpador a tempo parcial 4 horas 40.100 23.471 19.178 1.676 84.425 82.749 1.176.922 2
Limpador a tempo parcial 6 horas 60.150 35.206 28.765 2.513 126.634 124.121 1.765.337 3
Limpador a tempo completo 74.630 14 43.682 35.691 3.118 157.121 154.003 2.190.340 1
Conserxe escolas municipais 74.630 14 43.682 35.691 3.118 157.121 154.003 2.190.340 2
Conserxe-limpador pavillón 74.630 14 43.682 35.691 23.906 177.909 154.003 2.419.008 1
Peón de reparacións 74.630 14 43.682 35.691 3.118 157.121 154.003 2.190.340 1
Peón servicio recollida lixo 74.630 14 43.682 35.691 44.693 198.696 154.003 2.647.665 2
Oficial de 2ª de limpeza e reparacións 81.749 16 50.115 39.285 3.118 174.267 171.149 2.430.384 2
Categoría S. base Nivel C. destino C. específico C. Product. Salario mes Extra vacacións Total ano Nº postos
Oficial de 2ª recollida lixo 81.749 16 50.115 39.285 44.693 215.842 171.149 2.887.709 1
Oficial de 2ª encargado de augas 81.749 16 50.115 39.285 23.906 195.055 171.149 2.659.052 1
Oficial de 1ª servicios múltiples 81.749 18 56.545 37.946 3.118 179.358 176.240 2.501.658 1
Auxiliar biblioteca e O.I.X. 81.749 18 56.545 37.946 13.512 189.752 176.240 2.615.992 1
Aparelladora 134.120 20 62.980 83.345 3.118 283.563 280.445 3.960.528 1
Asistente social 134.120 20 62.980 54.054 17.671 268.825 251.154 3.710.537 1