Visto o expediente da revisión salarial para o ano 1999 do convenio colecivo da empresa Galigrain, S.A. (código 1503352) que tivo entrada nesta delegación provincial o día 8-11-1999, subscrito en representación da parte económica pola empresa, e da parte social polo delegado de persoal, o día 18-10-1999, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 10 de novembro de 1999.

Mª Reyes Carabel Pedreira

Delegada provincial da Coruña

Acta da reunión que tivo lugar o 18 de outubro de 1999

Pola empresa:

Carlos González Fernández.

Polos traballadores:

Jesús M. Pampín Cea.

Na Coruña, ás 17 horas do día 18 de outubro, reúnense as persoas arriba relacionadas, para continuaren coa negociación do incremento salarial para 1999 do convenio colectivo da empresa Galigrain, S.A.

Aberta a sesión e tras analiza-las propostas expostas na reunión do 19 de xuño, adóptanse os acordos seguintes:

1. Acórdase un incremento salarial para o ano 1999 dun 2,2% con efecto retroactivo ó 1 de xaneiro de 1999 sobre os seguintes conceptos, dos que a seguir se expresan os importes resultantes:

-Táboa salarial e antigüidade: segundo anexo que se xunta.

-Horas extras normais: 1.381 pesetas/hora.

-Horas extras nocturnas: 1.533 pesetas/hora.

-Horas extras sábado mañá: 2.248 pesetas/hora.

-Complemento de adega: 307 pesetas/hora.

-Complemento de transporte: 7.154 pesetas/mes.

-Complemento dispoñibilidade: 408.800 pesetas/ano.

2. Créase unha nova hora extra, que comprende as realizadas desde as 14 horas dos sábados ata as 8 horas dos luns, ó prezo de 3.000 pesetas/hora, incluídos festivos.

3. Incremento para o ano 2000 e cláusula de revisión salarial.

Para o ano 2000 establécese un incremento do 2% sobre a táboa salarial vixente o 31 de decembro de 1999. No caso de que o IPC do ano 1999, que se publica no mes de febreiro do ano 2000, sexa superior ó 2%, efectuarase unha revisión salarial pola diferencia entre o IPC e a dita porcentaxe.

Ademais, en canto ás queixas formuladas na reunión do 19 de xuño, coméntase que a roupa de traballo está toda entregada, as revisións médicas anuais foron pasadas no mes de agosto, e coméntase tamén a proposta do igualatorio médico, a cal, por instancia da parte social, se decide non tomar en conta.

E, sendo as 18.30 horas da data, levántase a sesión, asinando esta acta os arriba sinalados.

Táboa salarial ano 1999