O Concello Pleno, en sesión extraordinaria e urxente, celebrada o día 9 de xuño de 1999, acordou prestar aprobación definitiva por maioría absoluta do número legal dos seus membros ó Plan Xeral Municipal de Ordenación.
O que se fai público para a súa executividade, cumprindo así co disposto no artigo 48.2º da Lei 1/1997, do solo de Galicia, sinalando que, contra este acto administrativo, que é definitivo na vía administrativa, de acordo co disposto no artigo 6 da Lei 7/1995, do 29 de xuño, de delegación e distribución de competencias en materia de urbanismo, poderá interpoñerse o recurso potestativo de reposición ante o mesmo órgano que o dictou, no prazo dun mes contado desde o día seguinte ó da súa notificación, de acordo co disposto no artigo 116.1º da Lei 30/1992, do 26 de novembro, de réxime xurídico das administracións públicas, na súa redacción da Lei 4/1999, do 13 de xaneiro; ou ben directamente recurso contencioso-administrativo ante a sala competente do Tribunal Superior de Xustiza de Galicia no prazo de dous meses, contados a partir do día seguinte ó da súa notificación, de acordo co disposto nos artigos 10.1º a) e 46.1º da Lei 29/1998, do 13 de xullo, reguladora da dita xurisdicción.
Se se opta pola interposición do recurso potestativo de reposición, este deberá ser resolto e notificado no prazo dun mes, segundo establece o artigo 117.2º da referida Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º da Lei
30/1992; a partir dese momento poderá interpoñerse recurso contencioso-administrativo dentro do prazo de seis meses contados a partir do día seguinte a aquel no que se deba entender presuntamente desestimado o recurso de reposición interposto, conforme preceptúan os artigos 46.1º e 4º da Lei 29/1998.
Malia o anterior, poderán os interesados interpoñer calquera outro recurso que coiden por conveniente.
Cabana de Bergantiños, 10 de novembro de 1999.
Xosé Ramón Lema Mira
Alcalde-presidente en funcións