De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan a resolución dos expedientes sancionadores por infraccións da Lei 7/1992, do 24 de xullo, de pesca fluvial (DOG nº 151 do 5 de agosto) e ó seu regulamento, aprobado polo Decreto 130/1997, do 14 de maio (DOG nº 106 do 4 de xuño).

O importe da sanción farase efectivo en calquera entidade bancaria, na conta de recadación de multas e sancións da Xunta de Galicia número 2091-0388-90-3110001181, da Caixa de Aforros de Galicia, no prazo de quince días hábiles contados a partir do día seguinte ó da firmeza da presente resolución. Para efectualo deberán emprega-los impresos normalizados, que lles serán facilitados nesta Delegación Provincial, sita na rúa Paseo, nº 18-5º andar, en Ourense. Transcorrido o citado prazo procederase á cobranza pola vía administrativa de constrinximento.

Non obstante o anterior, e de conformidade co previsto no artigo 114.1º e concordantes da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada perante o conselleiro de Medio Ambiente, no prazo dun mes, contado igualmente, a partir do seguinte ó de publicación desta notificación.

Transcorrido o prazo de interposición do recurso sen que este se presente, esta resolución será firme para tódolos efectos regulamentarios.

Ourense, 13 de outubro de 1999.

Agustín Prado Verdeal

Delegado provincial de Ourense

ANEXO I

Expediente: OU 24/99-P.

Denunciado: José Ignacio Pereira Pidal.

DNI: 00.405.608-A.

Último enderezo coñecido: rúa Lepanto, 24-1º. Xinzo de Limia (Ourense).

Feito probado: pescar ás 6.24 horas da mañá, comezando o horario de pesca ás 6.40 horas.

Precepto infrinxido e sancionador: Art. 33.9º da Lei de pesca fluvial.

Cualificación: leve.

Sanción: 10.000 pesetas.

ANEXO II

Expediente: OU 96/99-P.

Denunciado: Francisco Oliveira da Silva.

DNI: 76.727.899.

Último enderezo coñecido: Queizás. Verín (Ourense).

Feito probado: pescar sen licencia en vigor.

Precepto infrinxido e sancionador: Art. 34.1º da Lei de pesca fluvial.

Cualificación: menos grave.

Sanción: 50.001 pesetas, retirada da licencia de pesca e inhabilitación para obtela durante un ano.