A Comisión de Goberno, en sesión do día once de outubro de mil novecentos noventa e nove, acordou prestar aprobación definitiva ó proxecto de urbanización da parcela situada nas rúas Amado Carballo, José Malvar Figueroa e rúa de nova apertura sobre a que se aprobou un estudio de detalle entre a rúa Amadao Carballo e a unidade de actuación nº 9, aprobado por acordo plenario de 29-1-1998, sendo formulado este proxecto de urbanización, mediante iniciativa particular, por Os Regos Promociones, S.L., coa denominación de proxecto refundido de obra ordinaria e redactado polos arquitectos Ignacio e José A. Hermo Túñez con visado da delegación en Pontevedra do COAG do 1-7-1999, documento de carácter integrador daquel incialmente aprobado na sesión do 31-5-1999, e composto do documento con visado do 10-3-1999 e 12-4-1999, e informe da compañía adxudicataria do servicio municipal de augas Aquagest, do día 8-4-1999, desestimándose, por conseguinte e por ese acto, as reclamacións formuladas
durante o período de información pública do expediente, subseguinte á súa aprobación inicial por esta Comisión de Goberno, por Adolfina Nantes Gil e Luis Ruibal Solla, en función das motivacións e antecedentes de feito expostos, que se incorporan a ese acto, nos termos do artigo 89.5º da Lei 30/1992, do 26 de novembro.
O que se fai público para a súa executividade, subliñándose que contra este acto administativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Con
tencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñeren recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso os interesados coiden procedentes consonte a dereito.
Pontevedra, 20 de outubro de 1999.
P.D.
Xosé Cesario Mosquera Lorenzo
Tte. alcalde delegado da Área de Urbanismo
e Medio Ambiente
Adolfo Castro Pérez
Secretario accidental