Os ensaios clínicos e os comités éticos de investigación clínica regúlanse na Comunidade Autónoma polo Decreto 32/1996, do 25 de xaneiro, dictado en desenvolvemento do Real decreto 561/1993, do 16 de abril, polo que se establecen os requisitos para a realización de ensaios clínicos con medicamentos, e o Real decreto 634/1993, do 3 de maio, sobre condicións dos productos sanitarios implantables activos.
A renovación da acreditación dos comités éticos de investigación clínica, ós que lles corresponde informar todo ensaio clínico que se realice dentro do seu ámbito territorial, debe ser resolta polo conselleiro de Sanidade e Servicios Sociais, conforme o artigo 12.2º do citado Decreto 32/1996, do 25 de xaneiro, por proposta da División de Farmacia e Productos Sanitarios, posto que na actualidade o dito comité ético se encontra adscrito a ela, en virtude do disposto no artigo 23.3º do Decreto 49/1998, do 5 de febreiro, polo que se establece a estructura orgánica dos servicios centrais do Servicio Galego de Saúde.
Ó abeiro do disposto nos artigos 10 e 11 do Decreto 32/1996, na data do 7 de abril de 1999, o secretario do comité ético presentou solicitude de renovación da acreditación, xuntando a documentación necesaria.
En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, e o artigo 12.2º do Decreto 32/1996, do 25 de xaneiro, polo que se regula a realización de ensaios clínicos na Comunidade Autónoma de Galicia, por proposta
da División de Farmacia e Productos Sanitarios, e coa conformidade da Secretaría Xeral
RESOLVO:
Renova-la acreditación do Comité Ético de Investigación Clínica de Galicia por un período de tres anos.
O comité queda integrado polos membros que se relacionan no anexo.
Santiago de Compostela, 26 de agosto de 1999.
José Mª Hernández Cochón
Conselleiro de Sanidade e Servicios Sociais
ANEXO
Relación de membros do Comité Ético de Investigación Clínica de Galicia:
Alonso Hernández, Ángel Médico do Servicio de Nefroloxía do C.H. Juan Canalejo
Amor Otero, Miguel Ángel Secretario do Comité Ético de Investigación Clínica
Calvo Gómez, Carlos Médico do Servicio de Medicina Interna do CHUS
Casariego Rosón, Juan Médico do Servicio de Cardioloxía do Hospital Montecelo
Chuclá Cuevas, María Teresa Subdirectora xeral de Farmacia e Productos Sanitarios
Freire Fojo, Ángeles Xefa do Servicio de Farmacia do C.H. Arquitecto Marcide
García González, Jesús Director asistencial da Xerencia de Atención Primaria de Lugo
García Porrúa, Carlos Médico do Servicio de Reumatoloxía do C.H. Xeral Calde
García Rodríguez, José Luis Xefe do Servicio de Pediatría do C.H. Cristal Piñor
García Mayor, Ricardo V. Xefe de Sección de Endocrinoloxía do C.H. Xeral Cíes
López Rodríguez, María Teresa Supervisora de Docencia e Investigación do Hospital Montecelo
López Vale, Carmen Enfermeira do Hospital Montecelo
Martínez Otero, Francisco Servicio Técnico Xurídico. Secretaría Xeral
Sobral Gómez, Paz Avogada da División de Farmacia e Productos Sanitarios
Mel Lorenzo, José Xefe do Servicio de Oncoloxía Médica do C.H. Xeral Calde
Pita Fernández, Salvador Médico de Atención Primaria do Centro de Saúde de Cambre Rodríguez López, Manuel Rubén Xefe do Servicio de Oncoloxía Médica do C.H. Santa María Nai-Dr. Cabaleiro Lagoas
Sevillano Castaño, Joaquina Xefa do Servicio de Microbioloxía de Povisa
Suso Alea, Francisco Javier Médico do Servicio de Cirurxía Xeral e Aparello Dixestivo do Hospital Meixoeiro
Tato Herrero, Fernando Presidente do Comité Ético de Investigación Clínica de Galicia
