Con data do 26 de abril de l999, publicouse unha Resolución do 2 de marzo, da Dirección Xeral de Patrimonio Cultural, pola que se incoaba expediente para a declaración de ben de interese cultural, con
categoría de sitio histórico a favor das illas de San Simón e Santo Antón, sitas no concello de Redondela, provincia de Pontevedra.
A tramitación do expediente levouse a cabo de acordo coa Lei 8/1995, do 30 de outubro, do patrimonio cultural de Galicia (DOG do 8 de novembro), e demais desposicións concordantes.
Por proposta do conselleiro de Cultura, Comunicación Social e Turismo e logo de deliberación do Consello da Xunta de Galicia na súa reunión do día vintenove de xullo de mil novecentos noventa e nove,
DISPOÑO:
Primeiro.-Declarar ben de interese cultural, con categoría de sitio histórico a favor das illas de San Simón e Santo Antón, sitas no concello de Redondela, provincia de Pontevedra.
Segundo.-A zona da delimitación é a comprendida no anexo I e no plano do anexo II.
Terceiro.-O presente decreto será notificado ó Rexistro Xeral de Bens de Interese Cultural do Estado, ó Rexistro de Bens de Interese Cultural de Galicia, ó concello e os interesados.
Disposición derradeira
O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vintenove de xullo de mil novecentos noventa e nove.
Manuel Fraga Iribarne
Presidente
Jesús Pérez Varela
Conselleiro de Cultura, Comunicación Social e Turismo
ANEXO I
O contorno de protección das illas de San Simón e Santo Antón, de Redondela queda definido pola liña que une os puntos A-B-C-D, sendo:
A-B: tramo da envolvente equidistante 500 m do contorno das illas, desde o punto norte ata o punto suroeste.
B-C: liña que une este punto coa Punta Cantoira.
C-D: liña coincidente coa liña de preamar máxima viva equinoccial, unindo a Punta Cantoira e a Punta Sobreira.
D-A: liña cara ó leste que une a Punta Sobreira co punto A e pecha a delimitación.