O Pleno da Corporación Municipal do Concello de Fisterra, reunido en sesión celebrada o día 14 de outubro de 1998, acordou cederlle á Comunidade Autónoma de Galicia un terreo dunha superficie de 3.662 m situado na zona da Charca, no termo municipal de Fisterra (A Coruña), para a construcción dun centro de educación secundaria.

Conforme os artigos 17.1º da Lei 3/1985, do 12 de abril, do patrimonio da Comunidade Autónoma de galega, e 34 do seu Regulamento aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta do conselleiro de Economía e Facenda. Así mesmo, os artigos 23.1º da mesma lei e 38.1º do regulamento establecen que non se poderán adquirir bens ou dereitos a título lucrativo cando o valor dos gravames, cargas ou afeccións impostos sobre eles supere o seu valor intrínseco; se ben non se considera carga, gravame ou afección os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente ou doador.

Na súa virtude, por proposta do conselleiro de Economía e Facenda, feita nos termos nos que o Concello de Fisterra acordou a cesión e logo de deliberación do Consello da Xunta de Galicia na súa reunión do día vintetrés de xullo de mil novecentos noventa e nove,

DISPOÑO:

Artigo 1º

Acéptase a cesión gratuíta dun terreo, situado no termo municipal de Fisterra (A Coruña), que a seguir se describe:

-Terreo de 3.662 m de superficie, situado na zona da Charca, no termo numicipal de Fisterra (A Coruña). Linda: norte, terreos de Laura Canosa e en parte terreos do campo de fútbol; sur, camiño público; leste, terreos do recinto do pavillón polideportivo municipal e outros; oeste, terreos de herdeiros de José Suárez Tuñas e Cándido Suárez Sixto.

O predio situado na zona da Charca, é o resultado da agrupación dos seguintes terreos, que segundo certificación do Rexistro da Propiedade de Corcubión de data 7 de maio de 1999, aparecen inscritos da seguinte forma:

a) Inscrito no tomo 704, libro 77, folio 174, predio número 8.697, inscrición 2ª.

b) Inscrito no tomo 792, libro 86, folio 223, predio número 9.601, inscrición 1ª.

c) Inscrito no tomo 792, libro 86, folio 224, predio número 9.603, inscrición 1ª.

d) Inscrito no tomo 792, libro 86, folio 225, predio número 9.605, inscrición 1ª.

e) Inscrito no tomo 809, libro 88, folio 1, predio número 9.607, inscrición 1ª.

f) Inscrito no tomo 909, libro 88, folio 2, predio número 9.609, inscrición 1ª.

Artigo 2º

O terreo cedido destinarase a centro público de educación secundaria.

Artigo 3º

A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e á inscrición do ben no Rexistro da Propiedade a nome da Comunidade Autónoma.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.

Santiago de Compostela, vintetrés de xullo de mil novecentos noventa e nove.

Manuel Fraga Iribarne

Presidente

José Antonio Orza Fernández

Conselleiro de Economía e Facenda