Visto o expediente do convenio colectivo da empresa Tryp, S.A. para o centro de traballo Hotel María Pita que tivo entrada nesta delegación provincial o día 19-5-1999, subscrito en representación da parte económica pola empresa, e da parte social polos delegados de persoal o día 11-5-1999 de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, de 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 28 de maio de 1999.
María Reyes Carabel Pedreira
Delegada provincial da Coruña
Convenio colectivo entre a empresa Tryp, S.A. e o seu establecemento Hotel María Pita
Capítulo I
Disposicións xerais
Artigo 1º.-Ámbito funcional e de aplicación.
O presente convenio afecta e obriga a empresa Tryp, S.A. e os traballadores que presten os seus servicios no Hotel María Pita ou a aqueles que durante a vixencia deste convenio se incorporen a el.
Artigo 2º.-Partes asinantes.
En representación da empresa:
Enrique López López.
Tomás Baztarrica Azagra.
-En representación dos traballadores:
María Salgado Porto.
Juan Ramón Uña Acedo.
Carlos Trigo Guillemette.
Artigo 3º.-Vixencia e duración.
O convenio terá unha duración de tres anos, desde o un de xaneiro de 1999 ata o 31 de decembro de 2001.
Con independencia da data en que apareza publicado este convenio no Diario Oficial de Galicia, terá efectos retroactivos ó día 1 de xaneiro de 1999.
Salvo denuncia expresa e válida, o convenio prorrogarase automaticamente por prazos iguais ó da súa duración inicial. Enténdese por denuncia válida a efectuada por escrito certificado dirixido á outra parte cunha antelación mínima de dous meses á data de expiración do convenio ou prórroga, se é o caso.
Artigo 4º.-Absorcións e compensacións.
As condicións establecidas neste convenio consideradas en cómputo anual e globalmente poderán ser compensadas coas xa existentes no momento de entrada en vigor, calquera que sexa a orixe, procedencia, causa ou natureza delas.
Igualmente, as condicións establecidas neste convenio poderán ser absorbidas por outras condicións superiores fixadas por disposición legal, contrato individual, concesións voluntarias, etc. que puidesen aplicarse no sucesivo, calquera que sexa a orixe, procedencia, causa ou natureza delas.
Artigo 5º.-Vinculación á totalidade.
As condicións pactadas neste convenio forman un todo orgánico e indivisible e, en consecuencia, a nulidade ou invalidez dalgunha das suas cláusulas ou condicións levará consigo a nulidade da totalidade do convenio, que deberá ser negociado de novo.
Artigo 6º.-Comisión paritaria.
As partes asinantes acordan establecer unha comisión paritaria, como órgano de interpretación, conciliación e vixilancia do cumprimento do convenio e do desenvolvemento e regulación das relacións laborais.
Esta comisión estará formada por dúas persoas designadas pola empresa e por dous membros da representación dos traballadores, e deberá constituírse no prazo de trinta días a partir do asinamento do presente convenio.
Capítulo II
Contratación. Cesamentos. Mobilidade. Ascensos
Artigo 7º.-Organización do traballo.
A organización do traballo, de conformidade coa lexislación vixente, correspóndelle á dirección da empresa.
As relacións laborais enténdense en todo momento na mutua confianza e respecto entre empresa e traballadores.
Artigo 8º.-Normas comúns de contratación.
A empresa poderá contratar traballadores de acordo coas modalidades previstas na lexislación vixente ou coas que en calquera momento poidan existir.
Os contratos de traballo que se subscriban por escrito serán rexistrados na oficina de emprego do Inem no prazo máximo de 10 días desde o inicio da relación laboral.
De acordo co previsto na lexislación vixente, a empresa entregará unha copia básica do contrato á representación legal dos traballadores, excepto dos contratos de dirección.
Contratos de formación:
No que respecta a este contrato, as partes acordan remitirse ó convenio provincial de hostalería da Coruña en canto ó seu salario e duración.
Contrato eventual:
No que respecta a este contrato, as partes acordan remitirse ó convenio provincial de hostalería da Coruña en canto á súa duración.
Artigo 9º.-Período de proba.
Poderá concertarse por escrito un período de proba que non excederá de 90 días laborables para os xefes ou 2º xefes de departamento, nin de 30 días laborables para o resto de categorías-profesionais, calquera que sexa a modalidade da contratación utilizada
Durante este período calquera das partes poderán resolve-lo contrato de traballo sen aviso previo e sen dereito a ningunha indemnización.
Artigo 10º.-Cesamento voluntario. Prazo de aviso previo.
Cando un traballador cese na empresa voluntariamente, deberá comunicarllo por escrito, de acordo cos seguintes prazos de aviso previo:
a) Trinta días para xefe e segundo xefe de departamento.
b) Quince días para o resto do persoal.
O incumprimento por parte do traballador da obriga de avisar previamente coa obrigada antelación dará dereito á empresa a descontar na liquidación desta o importe do salario dun día por cada atraso no aviso.
Recibido o aviso coa antelación referida a empresa estará obrigada a liquidar, ó finaliza-lo prazo, os conceptos fixos que poidan ser calculados ata ese momento. O resto deles seranlles aboados no momento habitual do pagamento.
O incumprimento desta obriga imputable á empresa levará aparellado o dereito do traballador a ser indemnizado co importe dun día de salario por cada un de atraso ata o límite máximo dos días de aviso previo.
Artigo 11º.-Ascensos.
Os ascensos de categoría produciranse tendo en conta a formación e capacidade, dentro das facultades organizativas da empresa. A categoría de xefe ou 2º xefe de departamento será de libre designación da empresa. Para o resto de categorías solicitarase informe previo da representación dos traballadores.
Artigo 12º.-Polivalencia funcional.
0 traballador poderá ser contratado coa condición de polivalente, dentro ou fóra do mesmo grupo profesional, respectando a súa dignidade e capacidade técnica para desempeñalo.
Páctase a polivalencia de funcións que se describen a continuación. A precitada polivalencia funcional non xerará o dereito a reclama-la categoría profesional superior nin a diferencia retributiva.
En todo caso, ademais das funcións que lle son propias de cada categoría ou departamento, asumiranse as seguintes funcións:
-Recepción, teléfonos e conserxería: ademais das funcións propias, asumirán a reclamación de créditos, apoio á comercial, mozo de equipaxes, etc.
-Mozo de equipaxes, mozo de cuarto, porteiro, axudante de camareiro: ademais das propias, asumirán as funcións de atende-lo teléfono e a conserxería, realizar xestións fóra do hotel, vixilancia de noite, pequenos traballos de mantemento, axudarán ó departamento correspondente á montaxe de salóns, etc.
-Camareira de pisos, limpadora, lenceira, fregadora: ademais das propias, realizarán as de cada unha das respectivas categorías, retirar e leva-las bandexas ó office da planta, subir e baixa-la roupa, saca-lo lixo, etc.
-Restaurante e bar: realizarán, ademais das propias, as de montaxe de salóns, retirar pedidos do almacén, servicio de cuartos, montaxe do bufet de almorzos, atende-la cafetería, preparación de postres, etc.
-Cafetería: realizarán, ademais das súas propias, as de axudar na cociña, saca-lo lixo, retira-los pedidos do almacén, axudar a monta-lo bufet de almorzos, etc.
-Cociña: páctase a polivalencia dentro dela, cubrindo ademais o office e a pratería.
-Servicio técnico: realizarán tódalas funcións inherentes á fontanería, electricidade, calefacción, pintura, carpintería etc., mesmo as de mozos de equipaxes cando sexa necesario.
Capítulo III
Xornada. Descanso semanal. Vacacións. Excedencias
Horas extraordinarias
Artigo 13º.-Xornada.
Durante a vixencia deste convenio, a xornada máxima anual será de 1.808 horas de traballo efectivo,
equivalente a aplicar en cómputo anual a xornada de 40 horas semanais de media; polo tanto, o seu cómputo, distribución e control será anual.
Por traballo efectivo, entenderase que o traballador deberá encontrarse, tanto ó comezo como ó final da xornada laboral, no seu posto de traballo en condicións de realiza-las súas funcións profesionais
Nas xornadas continuadas que excedan de 5 horas de duración haberá un descanso de 20 minutos que se considera tempo de traballo efectivo. Se este tempo de descanso se destinase para a toma dalgunha comida, poderá ampliarse en 10 minutos, entendéndose que cando supere os 20 minutos irá por conta do traballador, e deberase recuperar dentro da mesma xornada
En caso de necesidades de servicio por grupos, banquetes, vacacións, incapacidade temporal, contratacións non previstas, etc. por petición da empresa, prolongarase a xornada.
As prolongacións estarán compensadas con reduccións de xomada ou a súa equivalencia en períodos de descanso.
Polas necesidades a que fai referencia o apartado anterior, a empresa poderá cambia-las quendas e días de libranza. Igualmente, e polas citadas necesidades, a empresa poderá parti-las referidas quendas de traballo.
Artigo 14º.-Descanso semanal.
Polas precitadas necesidades do servicio poderanse acumula-las dúas festas de descanso semanal en períodos de dúas semanas.
Artigo 15º.-Calendario laboral.
A elaboración e fixación do calendario laboral anual é facultade da dirección da empresa, en función das súas situacións económicas, técnicas, organizativas e de producción, que o elaborará nos trinta primeiros días hábiles de cada ano. Establecerase co comité de empresa.
No caso de desacordo, a empresa e os representantes dos traballadores someterano á arbitraxe da autoridade laboral.
Artigo 16º.-Vacacións.
O persoal afectado polo presente convenio desfrutará de 30 días naturais de vacacións ó ano, dentro do ano natural, que se poderán desfrutar en bloque ou fraccionados en dous períodos segundo necesidades de traballo. Aqueles que non leven un ano de traballo efectivo terán dereito a desfruta-la parte proporcional, computando para estes efectos o ano natural.
Poderanse excluí-los meses de maio, xullo, agosto, setembro e outubro, por se-los de maior ocupación do hotel.
A situación de incapacidade laboral transitoria ou accidente de traballo non interromperá o desfrute do período vacacional, unha vez que estea preestablecido o calendario.
Con independencia das vacacións, os traballadores desfrutarán dos días non laborables legalmente establecidos. Ademais, terán dereito ó desfrute do día 29 de xullo, festividade de Santa Marta (patrona da hostalería)
Artigo 17º.-Permisos retribuídos.
O traballador, logo do aviso e xustificación, poderá ausentarse con dereito a remuneración por algún dos motivos e polo tempo seguinte:
a) Quince días naturais en caso de matrimonio.
b) Catro días nos casos de nacemento de fillo ou enfermidade grave ou falecemento do cónxuxe, fillos, fillos políticos; irmáns, irmáns políticos, pais, pais políticos e avós. Cando por tal motivo o traballador necesitase facer un desprazamento fóra da provincia, o permiso será de cinco.días.
c) Un día para vodas de fillos, irmáns, bautizos e primeiras comuñóns.
d) Un día por cambio de domicilio habitual.
e) O tempo indispensable para a asistencia a exames; o traballador quedará obrigado a xustifica-la súa asistencia ás probas.
f) As traballadoras, por lactación dun fillo menor de nove meses, terán dereito a unha hora de ausencia ó traballo, que poderán dividir en dúas fraccións.
Artigo 18º.-Excedencias.
Os traballadores con polo menos dous anos de antigüidade na empresa terán dereito a solicitar excedencia voluntaria non inferior a seis meses nin superior a cinco anos, causando baixa definitiva o excedente que non solicite o seu reingreso cunha antelación mínima de trinta días á data de vencemento.
Perderá o dereito á incorporación ó seu posto de traballo todo aquel excedente que en tal período de tempo preste os seus servicios por conta allea, en calquera posto de traballo, dentro do territorio nacional, en empresas comprendidas no sector da hostalería.
Os traballadores afectados polo presente convenio, que sexan fixas do cadro de persoal poderán solicitar excedencia voluntaria no caso de enfermidade grave de pais, cónxuxe ou fillos ó seu cargo, sempre que o xustifiquen debidamente e polo prazo indispensable.
Para acollerse a outro período de excedencia voluntaria, o traballador deberá cubrir un novo período de catro anos ó servicio da empresa.
Aqueles traballadores que resulten elixidos para cargos de representación sindical, de nivel comarcal, provincial ou nacional, poderán solicitar excedencia polo tempo que dure o período de elección para o dito cargo.
Artigo 19º.-Horas extraordinarias.
Terán esta consideración todas aquelas horas de traballo que se realicen sobre a duración máxima da xornada irregular pactada no artigo 13º e que non sexan compensadas segundo o establecido nel.
Tódalas horas extraordinarias que se realicen, tanto as voluntarias como as obrigatorias ou as estructurais, compensaranse con períodos equivalentes de descanso.
En caso de non ser posible a compensación en tempo de descanso, as horas extraordinarias aboaranse ó mesmo prezo cá hora ordinaria.
Capítulo IV
Condicións económicas
Artigo 20º.-Condicións salariais.
O réxime salarial aplicable a tódolos traballadores afectados polo presente convenio estará formado unicamente e na súa totalidade polos seguintes conceptos retribuídos (salario base, diferencia convenio, gratificacións extraordinarias e complemento salarial de manutención), recollidos expresamente neste artigo:
1. Salario base.
É o reflectido no anexo I do presente convenio na columna encabezada baixo o título salario base.
2. Diferencia de convenio.
É o reflectido no anexo I do presente convenio na columna encabezada baixo o título diferencia de convenio.
3. Gratificacións extraordinarias.
A empresa aboaralles ós traballadores dúas pagas extraordinarias, que se farán efectivas os días 20 de xullo e 20 de decembro e estarán formadas polo salario base da táboa salarial anexa.
No mes de setembro aboarase unha paga extraordinaria consistente en 15 días do citado salario base. No segundo ano de vixencia do convenio, a referida paga de setembro será de 25 días de salario base. Para o terceiro ano de vixencia do convenio, a paga extra de setembro estará composta por 30 días do citado salario base.
Aqueles que ingresen ou cesen no transcurso do ano percibirán estas gratificacións en contía proporcional ó tempo traballado.
4. Complemento salarial de manutención.
O complemento salarial de manutención en especie fixase en 5.232 ptas. (cinco mil duascentas trinta e dúas pesetas) mensuais. A súa compensación será en metálico para todo aquel traballador que non o perciba en especie.
5. Revisión salarial.
Para o período comprendido do 1 de xaneiro ó 31 de decembro do ano 2000, a revisión salarial consistirá en aplica-lo IPC real do ano 1999, e para
o período do 1 de xaneiro ó 31 de decembro do ano 2001, a revisión salarial consistirá en aplica-lo IPC real do ano 2000.
Capítulo V
Condicións salariais
Artigo 21º.-Roupa de traballo.
Cando a empresa esixa para o traballo determinada modalidade de roupa, terá a obriga de facilitala ó seu cargo. Non obstante, a empresa poderá substituír esta obriga pola entrega anual en metálico do seu valor equitativo.
En todo caso, a non esixencia pola dirección de determinada modalidade de roupa non escusa a obriga do traballador de realiza-las súas funcións de acordo coas normas usuais de hixiene.
Artigo 22º.-Xubilación.
A idade obrigatoria de xubilación establécese nos ó5 anos, sempre e cando o traballador reúna os requisitos legalmente establecidos para acceder á prestación por este concepto.
Ó producirse a xubilación do traballador que leve como mínimo 10 anos ó servicio da empresa ou sufra unha incapacidade total ou absoluta, percibirá desta o importe de tres mensualidades, que estarán integradas polo salario base da táboa salarial anexa. Cada cinco anos máis que exceda dos dez, terá dereito a unha mensualidade máis.
Artigo 23º.-Xubilación especial ós 64 anos.
As partes acordan a posibilidade de xubilación ós ó4 nos na forma articulada polo Real decreto 1194/1985, do 17 de xullo.
Artigo 24º.-Enfermidade e accidente.
Durante o período de incapacidade temporal por enfermidade común ou accidente non laboral o traballador non percibirá ningún salario os tres primeiros días desta situación. A partir do 4º día e ata un máximo de seis meses, a empresa aboará o 100% do salario establecido neste convenio para cada categoría:
A empresa aboará o 100% desde o primeiro día en caso de accidente laboral ata un máximo de doce meses de traballo.
Se a empresa substitúe o traballador de baixa, tanto por enfermidade coma por accidente por outro traballador con contrato de interinidade, o traballador substituído percibirá exclusivamente o subsidio que corresponda desde o mesmo momento en que fose substituído.
Artigo 25º.-Auxilio de defunción.
En caso de falecemento do traballador ou traballadora, concederáselle á viúva, viúvo ou fillos un auxilio de defunción na seguinte contía e forma:
1. Por cinco anos de servicio: 1 mensualidade.
2. Por dez anos de servicio: 2 mensualidades.
3. Por vinte anos de servicio: 3 mensualidades.
4. Por vintecinco anos de servicio: 4 mensualidades.
Ó persoal que non leve os cinco anos de servicio na empresa pagaráselle a parte proporcional ó tempo traballado na contía de seis días por ano de servicio.
Artigo 26º.-Pó1iza de seguro de accidentes.
A empresa contratará para todo o persoal afectado por este convenio un seguro de accidentes durante a prestación de traballo ou in itinere, de morte ou invalidez permanente nos graos de total, absoluta ou gran invalidez, pola cantidade de 2.500.000 pesetas (dous millóns e medio de pesetas) para cada un dos dous casos mencionados anteriormente.
Capítulo VI
Servicios extraordinarios
Artigo 27º.-Servicios extraordinarios.
A contía que se vai aboar por este concepto para tódolos traballadores pactarase de mutuo acordo en función do tipo de servicio extraordinario e do número de horas deste.
Capítulo VII
Dereitos sindicais
Artigo 28º.-Dereitos sindicais e de representación dos traballadores na empresa.
Nesta materia haberá que aterse ó disposto na Lei orgánica de liberdade sindical, Estatuto dos traballadores e demais normas.
-Os representantes dos traballadores terán un crédito de horas sindicais para o exercicio da súa representación de 15 horas mensuais, e para o seu uso deberán avisar previamente por escrito cunha antelación mínima de 24 horas. Posteriormente teranse que xustificar.
Cláusulas derradeiras
Primeira-Acordo laboral do sector de hostalería.
As partes acordan o sometemento expreso ó previsto no acordo laboral de ámbito estatal para o sector de hostalería do trece de xuño de mil novecentos noventa e seis, nas materias que traten, e na resolución de equiparación de categorías do vinteoito de novembro de mil novecentos noventa e seis.
Segunda.-Dereito supletorio.
No non previsto neste convenio haberá que aterse ó establecido na lexislación vixente.
Terceira.-Resolución de conflictos.
As partes asinantes do presente convenio acordan, en caso de conflictos xurdidos como consecuencia da aplicación e interpretación deste convenio colectivo, someterse ós procedementos extraxudiciais de solución de conflictos de traballo establecidos no Acordo Interprofesional Galego (AGA).
A Coruna, 11 de maio de 1999.
Táboa salarial anexa I
Salarios brutos 1999
Hotel Tryp María Pita
S/Manut. 98 S/Manut. 99Categorías Salario base 98 Salario base 99 Dif. Convi.
Dif. Conv.
Salario 99
Xefe de recepción 109.500 111.033 76.109 77.174 188.207 2 xefe recepción 107.819 109.328 55.347 56.121 165.449 Xefe administrativo 109.500 111.033 96.546 97.898 208.931 Oficial contabilidade 104.634 106.099 24.863 25.211 131.310 Recepcionista 104.634 106.099 36.087 36.593 142.692 Axte. recepción 102.932 104.373 20.955 21.249 125.622 Telefonista 102.932 104.373 20.955 21.249 125.622 Auxiliar de Rec. e Cons. 99.768 102.761 7.290 7.509 110.270 Xefe de cociña 109.500 111.033 165.878 168.200 279.233 2º xefe cociña 107.819 109.328 111.452 113.013 222.341 Xefe partida 104.634 106.099 58.531 59.350 165.449 Cociñeiro 102.958 104.399 32.829 33.289 137.688 Axte. cociña 99.768 102.761 7.290 7.509 110.270 Reposteiro 104.634 106.099 58.531 59.350 165.449 Encargado economato 102.958 104.399 71.426 72.426 176.825 Xefe Restaur. ou sala 109.500 111.033 109.772 111.309 222.342 2º Xefe Restaur. ou sala 107.819 109.328 66.565 67.497 176.825 Xefe de sector 106.142 107.628 40.189 40.751 148.380 Camareiro 105.907 107.390 12.371 12.544 119.934 Axte. camareiro 99.768 101.165 7.290 7.392 108.557 Encargado xeral 107.819 109.328 66.565 67.497 176.825 Encargado sección 104.634 106.099 14.890 15.099 121.198 Camareira pisos 99.768 102.761 7.290 7.509 110.270 Aux. pisos e limpeza 96.411 97.761 10.647 10.796 108.557 Encarg. Manten. e Serv. 109.500 111.033 81.718 82.862 193.895 Espec. Manten. e Serv. 99.768 101.165 29.729 30.145 131.310 Comercial 104.634 106.099 36.087 36.593 142.692 RR.PP. 104.634 106.099 36.087 36.593 142.692 Secretaria dirección 104.634 106.099 36.087 36.593 142.692 Reservas 104.634 106.099 36.087 36.593 142.692 Auxiliar Admivo. 102.932 104.373 16.853 17.089 121.462
