O Pleno da Corporación, en sesión do 27-5-1999, acordou aprobar definitivamente o proxecto de estatutos e o de bases de actuación da futura xunta de compensación da unidade de execución nº 29 do Plan Xeral de Ordenación Urbana-Ponte Bolera, formulado por José García Blanco, Carlos Romero García e Valentín González Dacal con data do 30-10-1998 e reformado o 23-12-1998, os que, coas súas respectivas donas, conforman a totalidade dos propietarios da unidade, coa finalidade de proceceder á súa xestión e execución designándose, como representante desta administración, no órgano rector da xunta ó concelleiro Juan Enrique Magdalena Chan, e requiríndose os propietarios afectados a constitución, mediante escritura pública, da xunta

de compensación da unidade, no prazo de tres meses desde a firmeza en vía administrativa do acto de aprobación de estatutos e bases, do cal o texto definitivo é o publicado no BOP nº 54 do 22-3-1999, ó adecuarse ás dispsosicións da Lei 6/1998, do 13 de abril.

O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, poderase entón interpoñer recurso contencioso-administrativo dentro do prazo de seis meses contados desde o día seguinte ó daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte a dereito.

Pontevedra, 3 de xuño do 1999.

Juan Luis Pedrosa Fernández

Alcalde

Julio Dapena Outomuro

Secretario xeral