DOG 113 do 15/06/1999 - ORDE do 7 de xuño de 1999 pola que se fixa o prezo de venda ó público das publicacións: Macromagnitudes Agrarias 1996, Directorio de Agroindustrias Galegas, Centro de Investigacións Agrarias de Mabegondo. Memoria 1994-1996 e Planificación Agraria na Galicia da Autarquía (1939-1955).

III. OUTRAS DISPOSICIÓNS

CONSELLERÍA DE AGRICULTURA, GANDERÍA E POLÍTICA AGROALIMENTARIA

ORDE do 7 de xuño de 1999 pola que se fixa o prezo de venda ó público das publicacións: Macromagnitudes Agrarias 1996, Directorio de Agroindustrias Galegas, Centro de Investigacións Agrarias de Mabegondo. Memoria 1994-1996 e Planificación Agraria na Galicia da Autarquía (1939-1955).

A Lei 13/1991, do 9 de decembro, de taxas, prezos e exaccións reguladoras da Comunidade Autónoma

de Galicia, no seu artigo 6º sinala a obriga de que os prezos privados sexan fixados polas consellerías correspondentes, logo do informe favorable da Consellería de Economía e Facenda e publicados no Diario Oficial de Galicia.

Para cumprir este mandato e despois de emitido informe favorable da Consellería de Economía e Facenda, esta consellería

DISPÓN:

Artigo único:

1.-Queda aprobado o prezo de venda ó público das publicacións editadas por esta consellería que se relacionan no anexo.

2.-Este prezo entenderase con IVE incluído.

Santiago de Compostela, 7 de xuño de 1999.

Cástor Gago Álvarez

Conselleiro de Agricultura, Gandería e Política

Agroalimentaria

ANEXO I

-Macromagnitudes Agrarias 1996: 3.400 pesetas.-Directorio de Agroindustrias Galegas: 2.600 pesetas.-Centro de Investigacións Agrarias de Mabegondo. Memoria 1994-1996: 1.900 pesetas.-Planificación Agraria na Galicia da Autorquía (1939-1955): 1.200 pesetas.