Tramitándose o expediente 6/1998, contra Cesáreo Paz Monroy, por ser sorprendido coa escopeta cargada e preparada para disparar nunha zona de seguridade (pista forestal), perfectamente habilitada para o tránsito de vehículos e persoas, non adoptando as medidas de seguridade oportunas, o día 6-1-1998, no lugar de Monte de Faro-Picoña, concello de Salceda de Caselas; feitos tipificados como infracción leve no artigo 57.35º, da Lei de caza de Galicia.

Por procede-lo denunciado ó pagamento voluntario da sanción (10.000 ptas.), de conformidade co artigo 8 do R.D. 1398/1993, dáse por terminado o expediente.

Non obstante o anterior, e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, contra esta resolución e no prazo dun mes contado a partir da recepción desta notificación, poderá interpoñer recurso ordinario ante o conselleiro de Medio Ambiente.

Pontevedra, 13 de abril de 1999.

José Luis Díez Yáñez

Delegado provincial de Pontevedra