De conformidade co disposto nos artigos 59.4 e 61 da Lei de réxime xurídico das administracións públicas e do procedemento administrativo común, do 26 de novembro de 1992 (BOE do 27 de novembro), faise público o acordo de iniciación recaído no expediente sancionador que se indica e que se

segue nesta delegación provincial de Sanidade e Servicios Sociais ó presunto infractor que no anexo se sinala, xa que, intentándose a súa notificación no derradeiro domicilio coñecido, esta non se puido practicar.

O correspondente expediente figura á disposición do interesado para coñecemento íntegro e constancia do mencionado acto nas dependencias da Delegación Provincial de Sanidade e Servicios Sociais de Lugo, sita na Ronda da Muralla, nº 70.

Contra o dito acordo de iniciación poderá formular alegacións e achega-las probas que considere pertinentes en defensa dos seus dereitos, no prazo de 15 días, contados desde o día seguinte ó desta publicación.

Ó mesmo tempo advírteselle que transcorrido o dito prazo seguirá o expediente o trámite ordinario, podendo ser considerado o acordo de iniciación como proposta de resolución, no caso de que non se fagan alegacións (artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, BOE do 9 de agosto).

ANEXO

Expediente: S-10/99.

1. Interesado e domicilio coñecido: Amadeo Rodríguez Castro. DNI 35.224.429. r/ García Sánchez, nº 12. Lalín. Pontevedra.

2. Feitos imputados: ás 12.30 horas do día 26 de febreiro do ano que corre, cando unha patrulla da policía autonómica da Xefatura Provincial de Lugo se atopaba prestando servicio de control das condicións sanitarias de producción e comercialización de productos pesqueiros e da acuicultura en Taboada (Lugo), procederon a identifica-lo automóbil turismo con matrícula PO-3244-AJ, conducido por Amadeo Rodríguez Castro, o cal levaba no automóbil diversos tipos de peixes, e que non levaba guía-factura nin o carné de manipulador de alimentos.

3. Preceptos infrinxidos: artigo 35.A).3ª da Lei 14/1986, do 25 de abril, xeral de sanidade; artigo 2.1º.1 do R.D. 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; artigo 1.1 d) do D. 157/1985, do 11 de xullo, da Xunta de Galicia, polo que se regulan as infraccións en materia sanitaria; artigo 3.1º.7 do R.D. 1437/1992, do 27 de novembro, polo que se fixan as normas sanitarias aplicables á producción e comercialización dos productos pesqueiros e da acuicultura (modificado polo R.D. 1840/1997, do 5 de decembro); artigos 17.2º e 23.2º do R.D. 419/1993, do 17 de decembro, da Xunta de Galicia, polo que se refunden a normativa vixente

sobre descarga e primeira venda e comercialización dos recursos mariños en fresco; artigo 4.1º do R.D 239/1986, do 24 de xullo, polo que se aproba o Regulamento de manipuladores de alimentos.

De acordo co artigo 35.A).3ª da Lei 14/1986, do 25 de abril, Lei xeral de sanidade, o dito feito constitúe unha infracción sanitaria que pode ser cualificada como leve e, polo tanto, de acordo co artigo 36.1.a) da citada lei, sancionarse con multa de ata cincocentas mil pesetas (500.000 ptas.).

Lugo, 6 de abril de 1999.

Luis Abades Álvarez

Delegado provincial de Lugo