O artigo 28.2º da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1998, do 9 de xuño (DOG nº 116, do 20 de xuño), entre os que se atopa a sanidade.
O exercicio público da prestación da asistencia sanitaria non pode verse afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afectados, para que, mediante orde e diante de cada situación de folga, decidan o mínimo de actividade necesaria para asegura-lo mantemento de tales servicios, así como para determina-lo persoal necesario para a súa prestación.
Convocada folga que afecta o persoal facultativo do ámbito hospitalario da provincia de Ourense e Fundación Hospital Verín convocada para os días 5, 6, 11, 12, 13, 18, 19, 20, 25, 26 e 27 de maio de 1999, logo de acordo co comité de folga, esta consellería
DISPÓN:
Artigo 1º
A folga convocada para os días 5, 6, 11, 12, 13, 18, 19, 20, 25, 26 e 27 de maio de 1999 que afecta o persoal facultativo do ámbito hospitalario da provincia de Ourense e Fundación Hospital Verín enténdese condicionada ó mantemento dos servicios mínimos que se establecen no anexo I desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios dos centros sanitarios e evitar que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo
ningún concepto, poden quedar desasistidos polas características do servicio dispensado.
E por iso mantéñense os servicios mínimos necesarios para garanti-la asistencia imprescindible ós doentes hospitalizados, así como a atención urxente ós usuarios, que non pode aprazarse sen consecuencias negativas para a saúde.
Entrando na análise pormenorizada dos servicios mínimos que prestará o persoal facultativo, pódense sinala-los seguintes criterios rectores na determinación destes:
I. Cobertura do 100% da actividade urxente nun triple ámbito:
-Servicios de urxencia e gardas médicas.
-Quirófanos urxentes (xerais e de tocoloxía) para a atención dos usuarios que, ó ingresar, requiran intervención cirúrxica inaprazable.
-Atención ós paritorios.
II. Cobertura da actividade cirúrxica dos doentes hospitalizados, respecto ás patoloxías que poñan en perigo a vida destes ou agraven o seu estado de saúde.
III. Na área de hospitalización establecerase o número necesario para garanti-las visitas médicas, a atención indefectible dos doentes hospitalizados e as altas clínicas.
IV. Consultas preferentes, así como as interconsultas dos doentes hospitalizados que o requiran, a criterio do facultativo.
V. Garantirase, así mesmo, a realización das probas complementarias urxentes e as que se refiran ós doentes hospitalizados que, a criterio do facultativo, sexan necesarias.
Artigo 2º
A designación nominal, con carácter rotatorio, do persoal que deberá cubri-los distintos servicios será determinada polo director-xerente do centro de que dependan, procedéndose á súa publicación nos taboleiros de anuncios dos centros de traballo.
Artigo 3º
Os prazos e alteracións no traballo por parte do persoal necesario para o mantemento dos servicios mínimos determinados no anexo I desta orde serán considerados ilegais para os efectos do establecido no artigo 16.1º do Real decreto ley 17/1977, do 4 de marzo (BOE nº 58, do 9 de marzo).
Artigo 4º
O disposto nos artigos anteriores non significará ningún tipo de limitación dos dereitos que a normativa reguladora da folga lle recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
Esta presente orde entrará en vigor o mesmo día da súa publicación no Diario Oficial de Galicia.
Santiago de Compostela, 28 de abril de 1999.
José Mª Hernández Cochón
Conselleiro de Sanidade e Servicios Sociais
ANEXO I
CRISTAL PIÑOR
SERVICIOS Nº DE EFECTIVOS
SERVICIOS MÍNIMOS
FARMACIA 1
ANÁLISES CLÍNICAS 2
ANATOMÍA PATOLÓXICA 1
MICROBIOLOXÍA 1
NEUROFISIOLOXÍA 1
MEDICINA PREVENTIVA 1
HADO 1
REHABILITACIÓN 1
RADIOLOXÍA 4
DIXESTIVO 2
NEUROLOXÍA 1
PNEUMOLOXÍA 1
NEFROLOXÍA 1
HEMATOLOXÍA 2
CARDIOLOXÍA 2
UCI 2
MEDICINA INTERNA 6
PEDIATRÍA 4
ENDOCRINOLOXÍA 1
REUMATOLOXÍA 1
PALIATIVOS 1
ANESTESIA 6
CIRURXÍA XERAL 4
CIRURXÍA PEDIÁTRICA 1
CIRURXÍA VASCULAR 1
XINECOLOXÍA 4
NEUROCIRURXÍA 1
OFTALMOLOXÍA 2
OTORRINOLARINGOLOXÍA 2
TRAUMATOLOXÍA 4
UROLOXÍA 2
URXENCIAS 6
TOTAL 70
SANTA MARÍA MADRE-CABALEIRO GOÁS
SERVICIOS Nº DE EFECTIVOS
SERVICIOS MÍNIMOS
MEDICINA INTERNA 2
DIXESTIVO 2
CARDIOLOXÍA 1
SERVICIOS Nº DE EFECTIVOS
SERVICIOS MÍNIMOS
ENFERMIDADES INFECCIOSAS 1
PNEUMOLOXÍA 1
ALERGOLOXÍA 1
ONCOLOXÍA MÉDICA 1
ONCOLOXÍA RADIOT. 1
UCI/CORONARIAS 2
URXENCIAS 3
SAÚDE MENTAL 0
UNIDADE AGUDOS 1
UNIDADE CRÓNICOS TOÉN 1
USM I 1
USM II 1
UNIDADE DE VERÍN 1
UNIDADE INFANTO XUVENIL 1
CIRURXÍA 3
XINECOLOXÍA 1
OFTALMOLOXÍA 1
TRAUMATOLOXÍA 3
ANESTESIA 2
ANATOMÍA PATOLÓXICA 1
RADIODIAGNÓSTICO 2
FARMACIA 1
ANÁLISES CLÍNICAS 1
MICROBIOLOXÍA 1
ADMISIÓN 1
TOTAL 38
HOSPITAL COMARCAL DE VALDEORRAS
SERVICIOS Nº DE EFECTIVOS
SERVICIOS MÍNIMOS
ANÁLISES CLÍNICAS 1
ANATOMÍA PATOLÓXICA 1
ANESTESIA E REA. 1
CIRURXÍA 1
FARMACIA 1
HEMATOLOXÍA 1
MEDICINA INTERNA 1
OBSTETRICIA XINECOLÓXICA 1
OFTALMOLOXÍA 1
PEDIATRÍA 1
PSIQUIATRÍA 1
RADIOLOXÍA 1
REHABILITACIÓN 1
TRAUMATOLOXÍA 1
UROLOXÍA 1
URXENCIAS ADMISIÓN 2
TOTAL 17
Os facultativos que prestarán os servicios mínimos coincidirán cos médicos que deban realizar garda ese día.
FUNDACIÓN HOSPITAL VERÍN
SERVICIOS Nº DE EFECTIVOS
SERVICIOS MÍNIMOS
ANESTESIA 1
CIRURXÍA 1
DERMATOLOXÍA 1
OTORRINO 1
SERVICIOS Nº DE EFECTIVOS
SERVICIOS MÍNIMOS
FARMACIA 1
XINECOLOXÍA 1
MEDICINA INTERNA 1
URXENCIAS 1
OFTALMOLOXÍA 1
RADIOLOXÍA 1
REHABILITACIÓN 1
UROLOXÍA 1
TOTAL 12