No uso das competencias sobre pensións non contributivas da Seguridade Social, reguladas polo Real decreto lexislativo 1/1994, do 20 de xuño, e en virtude do disposto no artigo 59 da Lei 30/1992, de réxime xurídico das administracións públicas e do procedemento administrativo común, ó teren sido devoltas polo servicio de correos as resolucións enviadas no seu día, notifícaselles ós citados no anexo a resolución dictada en relación co seu expediente de pensión non contributiva pola delegación da Consellería de Sanidade e Servicios Sociais desta provincia.

Contra esta resolución poderá interpoñerse reclamación previa á vía da xurisdicción laboral ante esta delegación provincial dentro dos trinta días seguintes ó da data na que se publique este edicto, conforme o disposto no artigo 71 do texto refundido da Lei de procedemento laboral, aprobado por Real decreto lexislativo 2/1995, do 7 de abril.

Vigo, 25 de marzo de 1999.

María Dolores Pan Vázquez

Delegada provincial de Pontevedra

ANEXO

Pensionista: Manuel Vázquez Rodríguez.

DNI: 35.386.118.

Resolución: petición de documentación:

-Certificado do padrón municipal.

-Fotocopia da libreta bancaria onde conste o solicitante como titular.

-Fotocopia compulsada do DNI do solicitante ou copia da partida de nacemento.

Causa: non presenta a documentación requirida.

Fundamento de dereito: de non presentar esta documentación no prazo de tres meses, producirase a caducidade do expediente, con arquivo das actuacións practicadas, de conformidade co establecido no artigo 92 da Lei 30/1992, do 26 de novembro, de réxime xurídico das administracións públicas e do procedemento administrativo común.