Visto o expediente da revisión salarial para o ano 1999 do convenio colectivo para as industrias do sector de carpintería e ebanistería da provincia da Coruña, que tivo entrada nesta delegación provincial o día 8-3-1999 subscrito en representación da parte económica pola Asociación Provincial de Empresarios de Carpintería y Ebanistería e da parte social por CC.OO e UGT o día 25-1-1999, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, de 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 15 de marzo de 1999.
P.S. (Decreto 227/1998, do 10 de xullo)
María Silva Costoya
Delegada provincial da Coruña
Acta
Asistentes.
Empresarios da asociación provincial de carpintería e ebanistería:
Cándido Hermida Campos.
Ramón Caramés Seoane.
Jesús Rey Barral.
Parte social:
Jesús María Calvo Romero (UGT).
Celestino Pérez Vázquez (UGT).
José Luis Paz Pena (CC.OO.).
Santiago Huertas Pazurama (CC.OO.).
Na Coruña, ás trece horas do día 25 de xaneiro de 1999, nos locais da asociación de empresarios sitos na praza de Mina nº 1, 3º esquerda da Coruña, están presentes as dúas representacións das partes empresarial e social da comisión negociadora do convenio colectivo provincial de carpintería e ebanistería da provincia da Coruña.
O motivo é dar cumprimento ó artigo 4º do convenio colectivo provincial e á disposición adicional primeria do convenio colectivo estatal no referente á revisión salarial para os anos 1999 e 2000.
Acordan:
Incrementar tódolos conceptos económicos, agás o de antigüidade, no ano 1999 nun 2,4% e no ano 2000, o IPC previsto mailo 0,6%.
En caso de que o IPC publicado polo INE rexistrase o 31 de decembro de 1999 un incremento superior ó 2%, a diferencia que se produza adicionaríaselle ó incremento que se efectuaría no ano 2000. Este mesmo criterio aplicarase no ano 2000 partindo do IPC publicado polo INE o 31 de decembro do dito ano 2000, no que superase o IPC previsto máis 0,2%, que se adicionaría ó incremento que se pactase para o ano 2001.
A xornada laboral para estes anos, segundo convenio, é de 1.784 horas para 1999 e 1.780 horas para o ano 2000.
Nestes termos queda aprobado, por unanimidade, o incremento do convenio colectivo referido ó sector de carpintería e ebanistería da Coruña, que presentará calquera das partes coas sinaturas dos compoñentes desta comisión para a súa entrega e posterior rexistro na Delegación Provincial de Xustiza, Interior e Relacións Laborais.
Convenio colectivo provincial para as industrias de carpintería e ebanistería
Táboas salariais 1999
Categorías Día Mes
Persoal obreiro Encargado 4.082 124.162 Oficial primeira 4.006 121.857 Oficial segunda 3.927 119.459 Axudante 3.846 116.998 Especialista 3.769 114.631 Peón 3.697 112.452
Técnicos I. proxectista 126.582 Perito 123.842 ATS 123.842 Delineante 119.144 Auxiliar analista 116.641
Persoal subalterno Ordenanza 111.314 Garda e vixilante 111.314
Persoal administrativo Xefe de primeira 126.582 Xefe de segunda 123.842 Oficial de primeira 123.842 Oficial de segunda 119.144 Auxiliar 116.641
Plus de asistencia 199
Plus de transporte 461