Examinado o expediente instruído a pedimento de Eurovento, S.L. (unipersoal), con enderezo social na rúa Galeras nº 17, 3º, 15705 Santiago de Compostela, sobre autorización das instalacións do parque eólico denominado Paxareiras IIf, resultan os seguintes

Antecedentes de feito.

Primero.-Con data do 5 de decembro de 1996, Cristina Guillén Blecua, en nome e representación de Eurovento, S.L. (unipersoal), solicitou a autorización administrativa das instalacións, declaración de utilidade pública, aprobación do proxecto de execución e recoñecemento da condición de instalación acollida ó réxime especial do parque eólico denominado Paxareiras IIf de 24,6 MW, achegando a documentación establecida para o efecto polo Decreto 2617/1966, do 20 de outubro, sobre autorización de instalacións eléctricas, o Real decreto 2366/1994, do 9 de decembro, sobre instalacións hidraúlicas, de coxeración e outras abastecidas por recursos ou fontes de enerxía renovable, e Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia.

Segundo.-O proxecto someteuse a información pública por resolución da Delegación Provincial da Consellería de Industria e Comercio da Coruña, con data do 9 de decembro de 1996, para os efectos previstos nos decretos 2617/1966, 2619/1966, 2366/1994 y 205/1995, antes mencionados. A citada resolución foi publicada no Diario Oficial de Galicia do 23 de decembro de 1996, no Boletín Oficial del Estado do 17 de xaneiro de 1997, no BOP da Coruña do 20 de xaneiro de 1997 e no diario El Ideal Gallego do 20 de decembro de 1996.

Durante o prazo de información pública recibiuse escrito de Telefónica Móviles con data do 22 de abril de 1997 no que analizan o posible efecto de apantallamento nas direccións de propagación producido polas instalacións do parque, que poderían causar unha diminución de cobertura nas devanditas direccións, estimando que o efecto non vai ser moi importante, polo que non presentan ningún inconveniente á instalación.

Terceiro.-Con data do 25 de novembro de 1997, a Dirección Xeral de Industria resolveu recoñece-la condición de instalación acollida ó réxime especial de producción eléctrica a determinados parques eólicos que e van implantar como consecuencia do desenvolvemento do Plan Eólico Estratéxico denominado Pee Seawest, entre os que figura o parque eólico de Paxareiras IIf.

Cuarto.-Con data do 13 de novembro de 1998, a Dirección Xeral de Calidade e Avaliación Ambiental acordou aproba-la declaración de efectos ambientais do citado parque eólico.

Quinto.-Con data do 19 de xaneiro de 1999, a Delegación Provincial da Consellería de Industria e Comercio da Coruña, emitiu informe favorable sobre o citado proxecto, coas seguintes características básicas:

Situación e coordenadas poligonais:

NomeMunicipiosVértices

Paxareiras IIfMazaricos e DumbríaX Y

492.000 4.756.000

492.000 4.750.000

498.500 4.750.000

498.330 4.751.700

497.500 4.751.700

495.672 4.756.000

Nº de aeroxeradores: 41.

Potencia unitaria por aeroxerador: 600 kW.

Potencia total instalada: 24,6 MW.

Altura das torres: 40 m.

Diámetro das pas: 44 m.

Producción estimada: 80.441 MWh/ano.

Investimento material previsto: 3.012.193.671 ptas.

Fundamentos de dereito.

Primeiro.-A Dirección Xeral de Industria é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, en relación co Decreto 2617/1966, do 20 de outubro, sobre autorización de instalaciones eléctricas e o Decreto 205/1995, polo que se regula o aproveitamento da enerxía eólica na Comunidade Autónoma de Galicia.

Segundo.-No expediente instruído para o efecto cumpríronse os trámites regulamentarios.

Esta dirección xeral, de acordo co que antecede e no exercicio das competencias que ten atribuídas

RESOLVE:

-Autorizarlle administrativamente a Eurovento, S.L. (unipersoal) a instalación dos equipos electromecánicos do parque eólico denominado Paxareiras IIf que se situarán nos termos municipais de Mazaricos e Dumbría.

-Aproba-lo proxecto de execución da dita instalación.

A presente autorización axustarase ás condicións seguintes:

Primeira.-Eurovento, S.L. (unipersoal), para os efectos de garanti-lo cumprimento das súas obrigas, deberá constituir, no prazo dun mes contado desde o outorgamento da presente autorización, unha fianza por importe 60.243.873 pesetas, consonte o disposto no artigo 14 do citado Decreto 205/1995, do 6 de xullo.

A devandita fianza constituirase na Caixa Xeral de Depósitos da Consellería de Economía e Facenda da Xunta de Galicia, en calquera das formas sinaladas no artigo 11, alínea 3ª do Decreto 1775/1967, do 22 de xullo, e será devolta unha vez se formalice a acta de posta en marcha das instalacións.

Segunda.-As instalacións que se autorizan deberán realizarse de acordo coas especificacións e planos que figuran no proxecto presentado pola empresa, cun orzamento de 3.012.193.671 ptas.

Terceira.-Para introducir modificacións nas instalacións que afecten a datos básicos do proxecto, será necesaria a previa autorización desta Dirección Xeral de Industria. Así mesmo, a Delegación Provincial da Consellería de Industria e Comercio da Coruña poderá autoriza-las modificacións de detalle do proxecto que resulten procedentes, debendo comunicar a esta Dirección Xeral de Industria tódalas resolucións que dicte en aplicación da dita facultade.

Cuarta.-O prazo para a posta en marcha das instalacións que se autorizan será dun ano a partir da data de ocupación dos terreos.

Unha vez construídas as instalacións autorizadas, a Delegación Provincial da Consellería de Industria e Comercio da Coruña inspeccionará a totalidade das obras e montaxes efectuadas e verificará o cumprimento dos compromisos contraídos por Eurovento, S.L. no seu plan eólico.

Quinta.-Como requisito necesario para a aplicación ás instalacións que se autorizan do réxime especial creado polo Real decreto 2366/1994, do 9 de decembro, segundo o establecido na disposición transitoria primeira do Real decreto 2818/1998, do 23 de decembro, sobre producción de enerxía eléctrica por instalacións abastecidas por recursos ou fontes de enerxía renovables, residuos e coxeración, a empresa titular deberá inscribir aquela no Rexistro de Instalacións de Producción de Enerxía Eléctrica en Réxime Especial da Comunidade Autónoma de Galicia, creado pola orde da Consellería de Industria e Comercio do 5 de xullo de 1995 (DOG do 14 de xullo), no prazo de dous meses, contados a partir da data da acta de posta en marcha da instalación. O parque interconectarase co sistema centralizado que para o réxime especial estableza, se é o caso, a Dirección Xeral de Industria.

Sexta.-Esta autorización outórgase sen prexuízo de terceiros e independentemente das autorizacións, licencia ou permisos de competencia municipal, provincial ou outros necesarios para a realización das obras das instalacións autorizadas.

Sétima.-Con carácter previo á posta en marcha das instalacións, o órgano competente verificará o cumprimento do condicionado imposto nesta resolución, así como aquelas que no seu día se emitan consonte o disposto no punto 4 do Decreto 442/1990, do 13 de setembro, de avaliación do impacto ambiental para Galicia.

Oitava.-A Administración resérvase o dereito de deixar sen efecto a presente autorización por calquera das causas establecidas no artigo 34 do Decreto 1175/1967, do 22 de xullo, por incumprimento das condicións impostas ou por calquera outra causa excepcional que o xustifique.

Contra a presente resolución, que non pon fin á vía administrativa, poderá interpoñerse, se é o caso, recurso ordinario perante o conselleiro de Industria e Comercio no prazo dun mes contado desde a publicación dela, de acordo co establecido no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 12 de febreiro de 1999.

Joaquín del Moral Crespo

Director xeral de Industria