O artigo 28.2º da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1998 do 9 de xuño (DOG nº 116, do 20 de xuño), entre os que se atopa a sanidade.
O exercicio público da prestación da asistencia sanitaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación a este.
O artigo 3 do citado decreto faculta os conselleiros competentes, por razón dos servicios esenciais afectados, para que, mediante orde e diante de cada situación de folga, decidan o mínimo de actividade necesaria para asegura-lo mantemento de tales servicios, así como para determina-lo persoal necesario para a súa prestación.
Convocada folga que afecta o persoal do Hospital do Meixoeiro que se levará a a efecto desde as 10 ás 11 horas do día 10 de marzo de 1999 oído o comité de folga, esta consellería
DISPÓN:
Artigo 1º
A folga convocada desde as 10 ás 11 horas do día 10 de marzo de 1999 que afecta o persoal do Hospital do Meixoeiro enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, para evitar que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo ningún concepto, poden quedar desasistidos polas características do servicio dispensado.
É por iso, que se manteñen os servicios mínimos necesarios para garanti-la asistencia imprescindible ós pacientes hospitalizados, así como a atención urxente ós usuarios, que non pode aprazarse sen consecuencias negativas para a saúde.
Entrando na análise pormenorizada dos servicios mínimos, establécense os criterios rectores para determina-los que se corresponden cos asinados coas centrais sindicais con motivo das folgas anteriores. Loxicamente, os citados criterios e a conseguiente determinación de efectivos para a presente folga adáptanse, en adecuada ponderación, á brevidade do tempo de duración dos paros da folga que nos ocupa.
Estes criterios rectores aplícanse do seguinte xeito:
* Persoal facultativo:
I. Cobertura do 100% da actividade urxente nun dobre ámbito.
-Servicios de urxencias e gardas médicas.
-Quirófanos urxentes para a atención dos usuarios que, ó ingresaren, requiran intervención cirúrxica inaprazable.
II. Cobertura da actividade cirúrxica dos pacientes hospitalizados, respecto ás patoloxías que poñan en perigo a vida destes ou agraven o seu estado de saúde.
III. Na área de hospitalización establecerase o número necesario para garanti-la atención indefectible dos pacientes hospitalizados.
IV. Garantirase, así mesmo, a realización das probas complementarias urxentes e as que se refiran ós pacientes hospitalizados que, ó criterio do facultativo, sexan necesarias.
V. Atenderanse tamén as consultas urxentes ou preferentes.
* Persoal sanitario non facultativo:
I. Cobertura do 100% da actividade urxente nun dobre ámbito:
-Servicios de urxencias.
-Quirófanos urxentes e programados para a atención dos usuarios que, ó ingresaren, requiran intervención cirúrxica inaprazable.
II. Na área de hospitalización, establecerase o número necesario para garanti-los coidados dos pacientes hospitalizados, en correspondencia cos efectivos dun domingo ou festivo.
III. No ámbito dos servicios centrais, garantirase a realización das probas complementarias urxentes e as que se refiran ós doentes hospitalizados que, ó criterio do facultativo, sexan necesarias.
IV. Unidades especiais.
Coidados críticos: o mesmo que para un domingo ou festivo.
Dialise: o número necesario para garanti-los coidados dos doentes afectados.
V. Atenderanse tamén as consultas urxentes ou preferentes.
* Persoal non sanitario:
I. Áreas de hospitalización: número de efectivos equivalente ó dos domingos ou festivos.
II. Servicio de admisión: número equivalente ó dos domingos ou festivos.
III. Cita previa: número de efectivos que garanta a atención ó doente que o requira 30%.
IV. Atención ó doente: número de efectivos que garanta a atención ó doente que o requira 30%.
V. Servicio de mantemento: número equivalente ós domingos e festivos.
VI. Servicios de lavandería: número equivalente ós domingos e festivos.
VII. Hostalería: número equivalente ós domingos e festivos.
VIII. Conductores: un efectivo.
IX. Servicios administrativos:
Dirección-Información e Control de Xestión: un efectivo por cada servicio.
De persoal: 40% dos efectivos.
De subministracións: 25% dos efectivos.
Almacéns: 25% dos efectivos.
Contabilidade: 25% dos efectivos.
Celadores: número equivalente ós domingos e festivos, quirófano 100%.
Con tales premisas determínase no anexo desta resolución, por grupos profesionais, o número de servicios mínimos do persoal afectado.
Artigo 2º
A designación nominal, con carácter rotatorio, do persoal que deberá cubri-los distintos servicios será determinada polo director-xerente do centro, e publicada nos taboleiros de anuncios do centro de traballo.
Artigo 3º
Os prazos e alteracións no traballo por parte do persoal necesario para o mantemento dos servicios mínimos determinados no anexo serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo de 1977).
Artigo 4º
O disposto nos artigos anteriores non significará ningún tipo de limitación dos dereitos que a normativa reguladora da folga recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 5 de marzo de 1999.
José Mª. Hernández Cochón
Conselleiro de Sanidade e Servicios Sociais
ANEXO
Persoal facultativo
*Facultativos de urxencias o 100%.
*Facultativos de garda o 100%.
*Facultativo de quirófano programado o 100%.
Servicios Nº efectivos
S. mínimos
Análises clínicas 1 Anatomía patolóxica 1 Anestesia 1 Aparello dixestivo 1 Cardioloxía 1 Cirurxía xeral 1 Cirurxía plástica 1 Endocrinoloxía 1 Farmacia 1 Xeriatría 1 Xinecoloxía 1 Hematoloxía 2 Inmunoloxía 1 Medicina interna 1 Medicina nuclear 1 Medicina preventiva 1 Microbioloxía 1 Nefroloxía 1 Neumoloxía 1 Neurofisioloxía 1 Neuroloxía 1 O.R.L. 1 Oftalmoloxía 1 Oncoloxía 1 Psiquiatría 1 Radioloxía 3 Rehabilitación 1 Reumatoloxía 1 Traumatoloxía 1 U.C.I. 2 Uroloxía 1
Total 36
Persoal sanitario non facultativo
Categoría Nº de efectivos
ATS/DUE 67 Técnicos especialistas 21 Fisioterapeutas 4 Aux. de enfermería 57
Total 149
Persoal non sanitario
Servicio Nº de efectivos
6 lavandeiras
15 pranchadoras
1 gobernante
1 celador
1 telefonista
1 conductorAdmisión 9 Aux. Adtivos.
P. subalterno 25 celadores
Hostalería 1 Aux. Adtivo.
Servicios xerais 1 Aux. Adtivo.
Servicio Nº de efectivos
1 Aux. Adm. almacén
2 celadores almacén
2 azafatas
1 superv.-Att. paciente
1 Aux. Adm.-C. Xestión
Mantemento 1 Pers. de oficio
Subministracións/Almacén 2 Aux. Adtivos. Sum.
Persoal 2 Aux. Adtivos.
Contabilidade 1 Aux. Adtivos.
Xerencia 1 Aux. Adm. dirección
Total 75