Os polígonos de bateas denominados A, B, C, D, E, F, H e I, situados no distrito marítimo de Cambados foron creados por orde do Ministerio de Comercio do 14 de febreiro de 1974 (BOE do 28 de marzo).
O Real decreto 3318/1982, do 24 de xullo, transfírelle á Xunta de Galicia as competencias en materia de marisqueo e acuicultura con carácter de exclusivas, de acordo co artigo 27.15º do Estatuto de autonomía e o 148.11º 11 da Constitución. No exercicio destas competencias e no cumprimento do disposto no artigo 1 do Decreto 197/1986, do 12 de xuño, e o 3 do Regulamento para explotación de bateas situadas en zona marítima, aprobado polo Decreto 2559/1961, do 30 de novembro, a Consellería de Pesca, Marisqueo e Acuicultura, en virtude da Orde do 4-5-1987 (DOG nº 96 e 100), declara de interese marisqueiro e urxente execución a revisión e reordenación dos polígonos A, B, C, D, E, F, H e I do distrito marítimo de Cambados.
En consecuencia, unha vez redactado o proxecto e o acordo de reordenación, tramitados conforme o procedemento establecido no Decreto 423/1993, do 17 de decembro (DOG nº 13, do 20 de xaneiro de 1994), e declarado firme o acordo de reordenación por resolución da Dirección Xeral de Recursos Mari
ños, do 29 de xaneiro de 1999, por proposta da Dirección Xeral de Recursos Mariños, esta consellería
DISPÓN:
Primeiro.-Quedan constituídos e delimitados os novos polígonos A, B, C e E do distrito marítimo de Cambados, que substitúen os antigos A, B, C, D, E, F, H e I coa capacidade, situación e circunstancias que se indican no anexo desta orde.
Segundo.-As concesións administrativas de bateas existentes nos polígonos obxecto de reordenación e pertencentes ós concesionarios recoñecidos nas bases de revisión, mantéñense nas mesmas condicións das respectivas ordes de outorgamento, excepto no que se refire á cuadrícula ou punto de fondeo, que quedan anuladas pola presente orde e substituídas polas cuadrículas asignadas no acordo de reordenación.
Quedarán igualmente rectificadas as concesións no referente ás dimensións do artefacto, número de cordas e cultivo autorizado, que terán que axustarse ás determinacións do Decreto 406/1996, do 7 de novembro (DOG nº 228), e o prazo da concesión, que se limita a 30 anos, conforme coa Lei 6/1993, do 11 de maio.
Terceiro.-Os concesionarios de bateas deberán traslada-los artefactos no prazo máximo de 3 meses, facendo efectiva a toma de posesión das novas cuadrículas. Transcorrido este prazo, a consellería incoaralle-lo correspondente expediente de caducidade por aplicación do Decreto 423/1993, do 17 de decembro, ás concesións das bateas que non estean no punto asignado no acordo de reordenación.
Cuarto.-Os artefactos fondeados nos polígonos pertencentes a propietarios que non fosen recoñecidos como concesionarios nas bases de revisión e os de propietario descoñecido, serán considerados clandestinos, procedendo a súa retirada, en aplicación dos artigos 42 e 44 do Decreto 423/1993, do 17 de decembro.
Quinto.-As peticións de concesión administrativa de bateas referentes a cuadrículas antes existentes nos polígonos obxecto de reordenación e que estean en tramitación no momento de entrar en vigor esta orde, quedan desestimadas en aplicación do artigo 51 do Decreto 406/1996, do 7 de novembro.
Disposición derrogatoria
Quedan derrogadas tódalas disposicións de igual ou inferior categoría que se opoñan ó disposto na presente orde, no ámbito da Comunidade Autónoma de Galicia, especialmente a Orde do 14 de febreiro de 1974, no relativo ós polígonos A, B, C, D, E, F, H e I do distrito marítimo de Cambados.
Disposición final
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 12 de febreiro de 1999.
Amancio Landín Jaráiz
Conselleiro de Pesca, Marisqueo e Acuicultura
ANEXO
Polígono vértice Latitude Lonxitude
A A 42º 34' 50'' 08º 52' 00'' B 42º 35' 04'' 08º 50' 58'' C 42º 33' 24'' 08º 50' 55'' D 42º 33' 22'' 08º 51' 12'' E 42º 34' 05'' 08º 51' 14'' F 42º 34' 19'' 08º 51' 29'' G 42º 34' 00'' 08º 52' 00'' H 42º 34' 00'' 08º 52' 10''
Consta de 209 puntos de fondeo ou cuadrículas das que se ocupan 183 con viveiros procedentes dos antigos A (89), B (34), C (9), D (12), E (36) e I (3).
Polígono vértice Latitude Lonxitude
B A 42º 34' 24'' 08º 53' 54'' B 42º 34' 45'' 08º 52' 20'' C 42º 34' 28'' 08º 52' 24'' D 42º 34' 33'' 08º 52' 29'' E 42º 34' 24'' 08º 53' 06'' F 42º 34' 13'' 08º 53' 07'' G 42º 34' 09'' 08º 53' 19''
Consta de 67 puntos de fondeo ou cuadrículas das que se ocupan 42 con viveiros procedentes dos antigos polígonos D (6), E (11) e H (25).
Polígono vértice Latitude Lonxitude
C A 42º 32' 58'' 08º 55' 08'' A-1 42º 33' 07'' 08º 55' 00'' B 42º 34' 23'' 08º 53' 55'' B-1 42º 33' 18'' 08º 54' 51'' C 42º 33' 38'' 08º 53' 15'' C-1 42º 33' 28'' 08º 52' 57'' D 42º 33' 13'' 08º 52' 33'' D-1 42º 33' 20'' 08º 52' 43'' E 42º 32' 57'' 08º 52' 39'' F 42º 32' 57'' 08º 53' 06'' G 42º 32' 31'' 08º 53' 34'' H 42º 33' 48'' 08º 54' 29'' I 42º 32' 45'' 08º 54' 44''
Consta de 395 puntos de fondeo ou cuadrículas das que se ocupan 230 con viveiros procedentes dos antigos polígonos F.
Polígono vértice Latitude Lonxitude
E A 42º 33' 48'' 08º 50' 45'' B 42º 33' 46'' 08º 50' 29'' C 42º 33' 29'' 08º 50' 35'' D 42º 33' 36'' 08º 50' 45''
Consta de 19 puntos de fondeo ou cuadrículas das que se ocupan 18 con viveiros procedentes do antigo polígono I.
