Visto o expediente do convenio colectivo para o sector do transporte público de mercadorías por estrada, que tivo entrada nesta delegación provincial o día 2-2-1999, subscrito en representación da parte económica pola Asociación de Transportes Discrecionales de Mercancías, Asociación de Agencias de Transportes, Asociación de Transporte Frigorífico, Asociación de Transporte de Pescado, e, da parte social, polas centrais sindicais CC.OO., UGT e CIG, con data 21-1-1999. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre tras
paso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, obrante nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 4 de febreiro de 1999.
Antonio Coello Bufill
Delegado provincial de Pontevedra
Convenio colectivo de traballo para o transporte público de mercadorías por estrada da provincia
de Pontevedra
Artigo 1º.-Ámbito de aplicación.
O presente convenio afecta a tódalas empresas dedicadas ás actividades de transporte regular e discrecional de mercadorías e axencias de transporte, que estean na provincia de Pontevedra e que, aínda estando fóra dela, teñan establecemento dentro desta no que respecta ó seu persoal.
Artigo 2º.-Duración e vixencia.
O presente convenio terá unha duración de dous anos, contados desde o 1 de abril de 1998 ata o 31 de marzo do 2000. Entrará en vigor ós dez días da sinatura, aínda que os efectos económicos dos salarios pactados para o primeiro ano de vixencia do convenio se retrotraerán ó 1 de abril de 1998.
Entenderase prorrogado de ano en ano, salvo denuncia de calquera das partes, con tres meses de antelación, polo menos, á data do seu remate. A dita denuncia deberá facerse por escrito, dirixida á outra parte afectada polo convenio.
Artigo 3º.-Ámbito persoal.
As presentes normas obrigan a totalidade do persoal contratado pola empresa, tanto se realizan función técnica como manual, exceptuando unicamente aquelas persoas ás que alude o artigo 2 do Estatuto dos traballadores.
Artigo 4º.-Compensación de melloras.
As condicións pactadas son compatibles na súa totalidade coas que xa viñesen rexendo por mellora voluntaria concedida pola empresa.
Artigo 5º.-Absorción.
As melloras que por disposición legal ou regulamentariamente poidan establecerse no futuro, serán absorbibles polos aumentos acordados no presente convenio, sempre e cando superen os beneficios que se concedan no seu conxunto.
Artigo 6º.-Situacións persoais.
Respectaranse as situacións persoais que con carácter de cómputo anual excedan destas normas estrictamente ad personam.
Como as melloras económicas que se implantan en virtude deste convenio teñen o carácter de mínimas no seu conxunto, subsistirán os pactos, cláusulas e situacións de feito establecidas por costume xeral ou do lugar, implantadas polas empresas que significasen condicións máis beneficiosas para os traballadores.
Artigo 7º.-Soldos e salarios.
O persoal afectado por este convenio, segundo as categorías, terá que rexerse para cada un dos anos de vixencia do convenio, polas táboas salariais anexas; a táboa anexa I para o período 1-4-1998 ó 31-3-1999, e a táboa salarial anexa II para o período 1-4-1999 ó 31-3-2000.
Artigo 8º.-Antigüidade.
A promoción económica en función do traballo desenvolvido, que se devengará desde o día 1 do mes natural seguinte ó seu vencemento, queda fixada nun 5% do salario base ós cinco anos, un 10% ós dez anos, un 15% ós quince anos e un 20% ós vinte ou máis anos de servicios computables.
Ós traballadores que viñesen percibindo importes polo concepto de antigüidade, calquera que fose a súa denominación, en contía superior á que resulte do novo sistema establecido no parágrafo anterior, respectaráselles a título persoal, mentres lles resulte máis favorable, o dereito a cobra-la cantidade que viñesen percibindo por tal concepto o 31 de decembro de 1997; ós que nesa data estean en curso de adquisición dun novo trámite temporal recoñeceráselles no seu momento, agás que ámbalas partes acorden outra forma de compensación, o dereito a cobrar, a título persoal, a cantidade que terían devengada ó consolidalo, calculada conforme os salarios vixentes en tal momento.
Artigo 9º.-Conductor de guindastre.
O conductor de vehículos con guindastre que realice ó propio tempo funcións de operador de guindastre, terá dereito a un complemento salarial consistente no importe de 4.000 ptas. mensuais para o 1º ano de vixencia e 5.000 ptas. mensuais para o 2º ano de vixencia, agás aqueles conductores operadores de guindastre que veñan percibindo cantidades superiores á establecida nesta cláusula.
Artigo 10º.-Gratificacións extraordinarias.
As gratificacións extraordinarias do ano aboaranse na contía de trinta días e serán calculadas sobre a táboa salarial que corresponda máis antigüidade, se é o caso. Denominaranse 25 de xullo, Nadal e beneficios, e faranse efectivas antes do 22 de xullo, 22 de decembro e 15 de marzo, respectivamente.
Artigo 11º.-Vacacións.
O período anual de vacacións será de trinta días naturais, que se desfrutarán nun ou dous períodos.
En caso de fraccionamento, un dos períodos nunca será inferior a catorce días, e os traballadores terán dereito a desfrutar un día máis nun deles.
Un deles desfrutarase preferentemente nos meses de verán.
As datas de desfrute acordaranse entre empresario e traballadores, e non poderán iniciarse nin en domingo nin en festivo.
Artigo 12º.-Traballos nocturnos.
As horas traballadas durante o período abranguido entre as dez da noite e as seis da mañá, terán unha retribución específica incrementada nun 25% sobre o salario base.
Exclúense do cobro do expresado complemento os traballadores que, coa categoría de serenos, gardas e vixilantes así como a de lavacoches e mecánico de taller (co límite nos dous últimos casos de un cada dez vehículos por empresa) fosen contratados especificamente para traballar no período nocturno.
Tamén se exclúen do cobro deste complemento os demais traballadores que realicen traballos nocturnos cos que pactasen condicións salariais máis favorables e/ou de reducción de xornada laboral, na proporción antes indicada.
Artigo 13º.-Axudas de custo.
O persoal que saia da súa residencia por causas do servicio, terá dereito á percepción dunha indemnización polos gastos que se lle orixinen, que recibirá o nome de axudas de custo.
No caso de que non se traslade en vehículo da empresa, terá dereito a que se lle aboe o importe do billete en segunda clase, con dereito a liteira se a viaxe fose nocturna.
O importe das axudas de custo para o primeiro ano de vixencia de convenio será o que a seguir se reflicte:
1. Galicia: 4.439 pesetas a axuda de custo completa, repartidas en 1.210 pesetas a comida, 1.210 pesetas a cea e 2.019 pesetas a noite.
2. Territorio nacional e Portugal: 5.322 pesetas a axuda de custo completa, repartidas en 1.452 pese
tas a comida, 1.452 pesetas a cea, e 2.419 pesetas a noite.
3. Restantes países europeos: 9.761 pesetas a axuda de custo completa, repartidas en 2.660 pesetas a comida, 2.660 pesetas a cea e 4.441 pesetas a noite.
A empresa terá a facultade de asumi-lo pagamento do aloxamento e a comida do traballador en substitución de axudas de custo.
Nos casos de destacamento, as axudas de custo establecidas no presente artigo sufrirán unha reducción do 33%, sen prexuízo da facultade do precedente parágrafo que recoñece a empresa.
Devengarán axudas de custo enteiras os que saian da súa residencia antes das doce horas e regresen despois das cero horas.
Percibirase a parte da axuda de custo correspondente á comida do mediodía sempre que o traballador saia da súa residencia antes das doce horas e regrese despois das catorce horas.
Cobraranse axudas de custo para a cea cando a saída se efectúe antes das vinte horas e a chegada despois das vintedúas horas.
A de pasa-la noite correspóndelle ós que cheguen á residencia despois das cero horas.
Para o segundo ano de vixencia do convenio, o importe polo concepto de axudas de custo será o seguinte:
1. Galicia: 4.550 pesetas a axuda de custo completa, repartidas en 1.240 pesetas a comida, 1.240 pesetas a cea e 2.070 pesetas a noite.
2. Territorio nacional e Portugal: 5.455 pesetas a axuda de custo completa, repartidas en 1.488 pesetas a comida, 1.488 pesetas a cea e 2.479 pesetas a noite.
3. Restantes países europeos: 10.005 pesetas a axuda de custo completa, repartidas en 2.727 pesetas a comida, 2.727 pesetas a cea e 4.551 pesetas a noite.
Artigo 14º.-Xornada de traballo.
A xornada semanal ordinaria de traballo será de 40 horas efectivas para todo o persoal, de acordo co Estatuto dos traballadores.
A xornada anual ordinaria será de 1.826 horas e 27 minutos de traballo efectivo.
Cando a súa distribución a nivel de empresa supoña a superación das 40 horas semanais, o control e cómputo da xornada verificarase bimestralmente en termos de media.
Cando por razóns obxectivas sexa necesario, as partes negociarán outros sistemas de cómputo e control, e respectarase, en todo caso, o tempo máximo
de xornada ordinaria anual mencionada anteriormente.
Para efectos de xornada, será de aplicación o disposto no Real decreto 1561/1995, do 8 de novembro, e demais disposicións específicas para o sector de transportes.
Artigo 15º.-Traballos en domingos e festivos.
Os domingos e festivos se, por excepcional necesidade da empresa, o traballador non puidese desfrutar do seu descanso neses días, farao dentro da semana seguinte, sinalándose o día con anterioridade ou cobrarao co incremento establecido na lexislación vixente.
Artigo 16º.-Horas extraordinarias estructurais.
Para os efectos do previsto no Real decreto 92/1983 e a Orde do 1 de marzo de 1983 do Ministerio de Traballo e Seguridade Social, sobre cotización adicional de horas extraordinarias estructurais, consideraranse como tales as que se realicen con ocasión de accidentes ou para solucionar necesidades urxentes e apremantes que veñan esixidas de inmediato polo servicio, as que obedecen a períodos punta de producción, ausencias imprevistas, cambios de quenda e outras circunstancias de carácter estructural derivadas da propia natureza da actividade de transportes.
Artigo 17º.-Cadernos de control.
Todo o persoal, traballe ou non horas extraordinarias, será provisto dun caderno individual ou de ficha de control, no cal se irán anotando aquelas, así como as sucesivas liquidacións que se fagan.
Artigo 18º.-Licencias e permisos.
O traballador, logo de aviso e xustificación, poderá ausentarse do traballo, con dereito a remuneración, por algún dos motivos e polo tempo seguinte:
a) Quince días naturais en caso de matrimonio.
b) Dous días nos casos de nacemento de fillo ou enfermidade grave ou falecemento de parentes ata segundo grao de consanguinidade ou afinidade. Cando, con tal motivo, o traballador necesite facer un desprazamento para o efecto, o prazo será de catro días.
c) Un día por traslado do domicilio habitual.
d) Polo tempo indispensable para o cumprimento dun deber inescusable de carácter público e persoal. Cando conste nunha norma legal ou convencional un período determinado, haberá que aterse ó que esta dispón en canto á duración da ausencia e á súa compensación económica.
Cando o cumprimento do deber antes referido supoña a imposibilidade da prestación do traballo debido en máis do vinte por cento das horas laborables nun período de tres meses, poderá a empresa
pasa-lo traballador afectado á situación de excedencia regulada no punto un do artigo 46 do Estatuto dos traballadores.
No suposto de que o traballador, por cumprimento do deber ou desempeño do cargo, perciba unha indemnización, descontarase o importe desta do salario ó que tivese dereito na empresa.
e) Para realizar funcións sindicais ou de representación do persoal nos termos establecidos legal ou convencionalmente.
Artigo 19º.-Cesamentos.
Todo empregado terá dereito a rescindi-lo seu contrato de traballo, sen estar obrigado a alega-las causas da súa determinación.
Para iso, o persoal comunicaralle á dirección da empresa a data do seu cesamento cunha antelación mínima de 15 días, agás para o persoal non cualificado para o cal o aviso será de oito días.
Cando un traballador pretenda a rescisión do contrato, deberá seguir prestando os seus servicios mentres non transcorran os prazos sinalados no presente artigo.
O abandono do posto de traballo sen que transcorresen os prazos sinalados, será penalizado cunha sanción económica equivalente ó salario base dos días que falten desde o abandono do servicio ata a data en que, cumprido o trámite de aviso, lle correspondense o cesamento.
Artigo 20º.-Excedencias.
A excedencia poderá ser voluntaria ou forzosa. A forzosa, que dará dereito á conservación do posto de traballo e ó cómputo da antigüidade da súa vixencia, concederase pola designación ou elección para un cargo público que imposibilite a asistencia ó traballo. O reingreso deberá ser solicitado dentro do mes seguinte ó cesamento no cargo público.
Así mesmo, poderán solicita-lo seu paso á situación de excedencia na empresa os traballadores que exerzan funcións sindicais de ámbito provincial ou superior, mentres dure o exercicio do seu cargo representativo.
O traballador excedente conserva só o seu dereito preferente ó reingreso nas vacantes de igual ou similar categoría á súa que houbese ou se producisen na empresa.
Artigo 21º.-Uniformes.
Cumprirán a empresa e o traballador canto se refire á uniformidade, consonte o que se determine no vixente acordo xeral para as empresas de transporte de mercadorías por estrada.
Artigo 22º.-Roupa de traballo.
As empresas que dispoñan de taller facilitaranlle ó seu persoal calzado axeitado, tendo en conta para iso o traballo específico que o dito persoal efectúe no taller.
Artigo 23º.-Seguro de accidente laboral.
A empresa contratará, totalmente pola súa conta, un seguro colectivo a favor dos seus traballadores de 2.600.000 pesetas por cada un, de xeito que en caso de falecemento por accidente laboral ó servicio da empresa, a cantidade citada sexa cobrada polos seus herdeiros legais.
O capital asegurado pasará a 2.700.000 pesetas con efectos do 1 de agosto de 1999 e a 2.800.000 pesetas con efectos do 1 der agosto do ano 2000.
Este seguro non constitúe unha substitución das obrigas da empresa en materia de Seguridade Social, senón un complemento desta.
Artigo 24º.-Accidente de traballo e enfermidade.
Durante a situación de incapacidade laboral transitoria derivada de accidente de traballo, as empresas completarán ata o importe íntegro o salario do convenio e por un máximo de tres meses, contados desde a data da baixa, a prestación económica aboada pola Seguridade Social.
Se, ocorrido o accidente de traballo, se hospitalizase o traballador, as empresas deberán completar, durante a hospitalización e por un máximo de seis meses, incluído o período de tres meses citado no parágrafo anterior, a prestación económica da Seguridade Social ata o importe íntegro do salario do convenio.
Por outra parte, nas situacións de incapacidade laboral transitoria derivadas de enfermidade común que motive hospitalización, as empresas completarán durante a hospitalización e ata un máximo de seis meses, a prestación económica da Seguridade Social ata o importe íntegro do salario do convenio.
Artigo 25º.-Retirada do carné de conducir.
En caso de que por resolución administrativa se produza a retirada do carné de conducir a un conductor por un período non superior a seis meses, durante a vixencia do convenio e conducindo un vehículo da empresa para a que preste os seus servicios, esta comprométese a facilitarlle ó conductor afectado o posto de traballo máis idóneo, de acordo coa súa categoría profesional.
Se a retirada do carné de conducir é por resolución xudicial firme, o período non será superior a 90 días.
Artigo 26º.-Xubilación anticipada.
As empresas e traballadores poderán pactar, logo de común acordo entre ámbalas partes, xubilacións anticipadas ós 64 anos, de conformidade co disposto
no Real decreto 1194/1985, do 17 de xullo. As empresas deberán substituílos ó mesmo tempo do seu cesamento por xubilación por outros traballadores nas condicións previstas no citado real decreto.
Por outra parte, o traballador que con dez anos ó servicio da empresa decida xubilarse anticipadamente, percibirá unha gratificación nas contías seguintes:
-Ós 61 anos de idade: catro mensualidades.
-Ós 62 anos de idade: tres mensualidades.
-Ós 63 anos de idade: dúas mensualidades.
Artigo 27º.-Pagamento de multas.
As multas por infraccións de tráfico imputables a culpa ou imprudencia do traballador, serán aboadas por este. En caso de que a infracción non se deba a culpa ou imprudencia do traballador, as multas serán aboadas pola empresa.
Artigo 28º.-Comisión paritaria.
Para a interpretación e cumprimento das cláusulas deste convenio, e, en xeral, para entender en cantas cuestións se deriven da aplicación deste, establécese unha comisión paritaria, integrada por un número igual de representantes económicos e das centrais sindicais signatarias do convenio.
A citada comisión elixirá o presidente desta, que non poderá ser membro do citado órgano.
Artigo 29º.-Indivisibilidade.
As condicións pactadas neste convenio forman un todo orgánico e indivisible e, para efectos da súa aplicación práctica, considerado na súa totalidade.
Artigo 30º.-Lexislación subsidiaria.
En todo o non expresamente previsto neste convenio haberá que aterse ó disposto no acordo estatal para o transporte de mercadorías por estrada e demais disposicións legais vixentes, así como regulamentos da CEE e convenio número 153 da OIT, mentres sexan de aplicación en España.
Disposicións adicionais
Primeira.-Recoñecemento médico.
Dadas as características da actividade de transportes por estrada, recoméndaselles ás empresas que, voluntariamente e logo de acordo cos traballadores, leven a cabo anualmente recoñecementos médicos a través dos servicios correspondentes das mutuas patronais de accidentes de traballo, ou na forma que consideren más idónea.
Segunda.-Atrasos salariais.
As diferencias debidas polas empresas como consecuencia da entrada en vigor deste convenio con posterioridade ós seus efectos económicos do 1 de
abril, serán aboadas no prazo máximo de 60 días, contados desde a súa entrada en vigor.
Terceira.-Partes asinantes.
As partes que asinan o presente convenio son as seguintes:
En representación dos traballadores, a central sindical UGT.
En representación dos empresarios, as asociacións de empresarios de transporte discrecional de mercadorías, transporte frigorífico, axencias de transporte de peixe fresco.
Vigo, 21 de xaneiro de 1999.
ANEXO I
Táboa de salarios
(Vixencia 1-4-1998 ó 31-3-1999)
Pesetas
segundo a súa idade
Grupo I. Persoal superior e técnicos Subgrupo A) I. Xefe de servicio 143.722 mes II. Inspector principal 125.755 mes
Subgrupo B) I. Enxeñeiros e licenciados 131.934 mes II. Enxeñeiros técnicos e Aux. titulados 101.055 mes III. Axudantes técnicos sanitarios 92.077 mes
Grupo II. Persoal administrativo I. Xefe de sección 104.797 mes II. Xefe de negociado 97.313 mes III. Oficial de primeira 90.663 mes IV. Oficial de segunda 83.102 mes V. Auxiliar administrativo 78.823 mes VI. Aspirantes de 16 e 17 anos Salario mínimo
Sección 2ª. Persoal de axencias de transporte I. Encargado xeral 108.546 mes II. Encargado de almacén 103.549 mes III. Capataz 98.561 mes IV. Auxiliar de almacén e basculeiro 83.293 mes V. Mozo especializado 2.893 día VI. Mozo carga, descarga e reparto 2.802 día
Subgrupo B). Transporte de mercadorías I. Xefe de tráfico de primeira 108.546 mes II. Xefe de tráfico de segunda 103.549 mes III. Xefe de tráfico de terceira 98.561 mes IV. Conductor-mecánico 3.172 día V. Conductor 3.062 día VI. Conductor de motos e furgonetas 2.983 día VII. Axudante 2.903 día VIII. Mozo especializado 2.893 día IX. Mozo de carga, descarga e reparto 2.802 día
Grupo H). Transporte de mobles, mudanzas e gardamobles I. Xefe de tráfico 108.546 mes II. Inspector-visitador 103.549 mes III. Encargado almacén e gardamobles 98.561 mes IV. Capataz 98.561 mes V. Capitonista 2.956 día VI. Mozo especializado 2.956 día VII. Mozo 2.802 día VIII. Carpinteiro 3.172 día
Pesetas
segundo a súa idade
de 16 e 17 anos segundo a súa idade
IX. Conductor-mecánico 3.172 día X. Conductor 3.062 día XI. Conductor furgonetas ou motocicletas 2.983 día
Grupo IV. Persoal de talleres I. Xefe de taller 114.488 mes II. Encargado ou contramestre 98.049 mes III. Encargado xeral 95.785 mes IV. Encargado de almacén 92.092 mes V. Xefe de equipo 3.275 día VI. Oficial de primeira 3.133 día VII. Oficial de segunda 2.997 día VIII. Oficial de terceira 2.882 día IX. Mozo de taller 2.584 día X. Traballadores en formación Salario mínimo
Grupo V. Persoal subalterno I. Cobrador de facturas 78.823 mes II. Telefonista 78.823 mes III. Porteiro 78.823 mes IV. Vixilante 78.823 mes V. Limpadora (por horas) 313 hora VI. Mozo de recados
Salario mínimo
Vigo, 21 de xaneiro de 1999.
ANEXO II
Táboa de salarios
(Vixencia 1-4-1999 ó 31-3-2000)
Pesetas
segundo a súa idade
Grupo I. Persoal superior e técnicos Subgrupo A) I. Xefe de servicio 147.315 mes II. Inspector principal 128.899 mes
Subgrupo B) I. Enxeñeiros e licenciados 135.232 mes II. Enxeñeiros técnicos e Aux. titulados 103.581 mes III. Axudantes técnicos sanitarios 94.379 mes
Grupo II. Persoal administrativo I. Xefe de sección 107.417 mes II. Xefe de negociado 99.746 mes III. Oficial de primeira 92.930 mes IV. Oficial de segunda 85.180 mes V. Auxiliar administrativo 80.823 mes VI. Aspirantes de 16 e 17 anos Salario mínimo
Sección 2ª. Persoal de axencias de transporte I. Encargado xeral 111.260 mes II. Encargado de almacén 106.138 mes III. Capataz 101.025 mes IV. Auxiliar de almacén e basculeiro 85.375 mes V. Mozo especializado 2.965 día VI. Mozo carga, descarga e reparto 2.872 día
Subgrupo B). Transporte de mercadorías I. Xefe de tráfico de primeira 111.260 mes II. Xefe de tráfico de segunda 106.138 mes III. Xefe de tráfico de terceira 101.033 mes IV. Conductor-mecánico 3.251 día V. Conductor 3.139 día VI. Conductor de motos e furgonetas 3.061 día VII. Axudante 2.976 día VIII. Mozo especializado 2.965 día IX. Mozo de carga, descarga e reparto 2.872 día
Pesetas
segundo a súa idade
de 16 e 17 anos segundo a súa idade
Grupo H). Transporte de mobles, mudanzas e gardamobles I. Xefe de tráfico 111.260 mes II. Inspector-visitador 106.138 mes III. Encargado almacén e gardamobles 101.025 mes IV. Capataz 101.025 mes V. Capitonista 3.030 día VI. Mozo especializado 3.030 día VII. Mozo 2.872 día VIII. Carpinteiro 3.251 día IX. Conductor-mecánico 3.251 día X. Conductor 3.139 día XI. Conductor furgonetas ou motocicletas 3.058 día
Grupo IV. Persoal de talleres I. Xefe de taller 116.801 mes II. Encargado ou contramestre 100.031 mes III. Encargado xeral 97.720 mes IV. Encargado de almacén 93.953 mes V. Xefe de equipo 3.343 día VI. Oficial de primeira 3.211 día VII. Oficial de segunda 3.072 día VIII. Oficial de terceira 2.954 día IX. Mozo de taller 2.636 día X. Traballadores en formación Salario mínimo
Grupo V. Persoal subalterno I. Cobrador de facturas 80.794 mes II. Telefonista 80.794 mes III. Porteiro 80.794 mes IV. Vixilante 80.794 mes V. Limpadora (por horas) 321 hora VI. Mozo de recados
Salario mínimo
Vigo, 21 de xaneiro de 1999.
