Visto o expediente do convenio colectivo para as empresas auxiliares de Astano, S.A., que tivo entrada nesta delegación provincial o día 23-12-1998, subscrito en representación da parte económica por Montajes Cabral, S.L., Dacrio, S.A. e Intasa e, da parte social polos delegados de persoal e comités de empresa o día 23-12-1998, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no Diario Oficial de Galicia.
A Coruña, 5 de xaneiro de 1999.
P.S. (Decreto 227/1998, do 10 de xullo)
María Silva Costoya
Delegada provincial da Coruña
Convenio colectivo empresas auxiliares
de Astano, S.A.
Anos 1998 e 1999
Capítulo I
Disposicións xerais
Artigo 1º.-Obxecto do convenio.
O presente convenio colectivo ten por obxecto regula-las relacións económicas e sociais entre as empresas Indasa, Montajes Cabral, S.L. e Dacrio, S.A., e os seus traballadores.
Artigo 2º.-Carácter do convenio.
Declárase expresamente que as condicións pactadas son máis beneficiosas que as mínimas legais que ó traballador lle corresponden.
Artigo 3º.-Ámbito territorial.
O presente convenio colectivo será de aplicación ás empresas Indasa, Montajes Cabral, S.L. e Dacrio, S.A., a actividade principal das cales se realiza no recinto da factoría de Astano, S.A. de Perlío-Fene.
Artigo 4º.-Ámbito persoal.
Este convenio será de aplicación á totalidade dos traballadores das empresas relacionadas no ámbito territorial.
Artigo 5º.-Vixencia. Denuncia e prórroga.
O presente convenio colectivo entrará en vigor o día da súa publicación no BOP e manteraa ata o 31 de decembro de 1999.
Non obstante, os seus aspectos salariais retrotraerán os seus efectos ó 1 de xaneiro de 1998.
Con dous meses de antelación ó remate da súa vixencia, calquera das partes poderá denuncia-lo convenio colectivo notificándollo á outra parte e á delegación provincial da Consellería de Xustiza, Interior e Relacións Laborais; as partes comprometeranse a constituí-la comisión negociadora no prazo máximo dun mes.
No suposto de non mediar denuncia dentro do prazo indicvado, este convenio colectivo prorrogarase de ano en ano tacitamente.
Artigo 6º.-Compensación e absorción-garantía ad personam.
As melloras económicas que no futuro calquera disposición obrigatoria puidese establecer absorberanse ou compensaranse globalmente.
Así mesmo, respectaranse, a título individual, as percepcións de calquera clase que sexan máis beneficiosas cás establecidas no presente convenio.
Así, para aqueles traballadores que ata o ano 1998 tiñan reguladas as súas relacións laborais polo convenio colectivo de empresas auxiliares de Astano, S.A., respectaranse na súa totalidade os dereitos adquiridos derivados da reconversión naval, entre eles o plus adicional establecido no convenio colectivo de 1996, que está suxeito ós incrementos salariais do actual e futuros convenios, que compensa o prexuízo económico que supón para estes traballadores a adopción do sistema de complementos salariais, no convenio colectivo do 96 xa mencionado.
Capítulo II
Xornada de traballo
Artigo 7º.-Xornada de traballo.
A xornada de traballo será en cómputo anual do mesmo número de horas cás que se pactan no convenio colectivo de Astano.
A distribución horaria e semanal da xornada de traballo será a mesma que realice a empresa Astano.
Durante a xornada haberá un descanso de 15 minutos de duración bocadillo, que será computado como tempo efectivo de traballo.
Para aqueles traballos en que se necesite a continuidade destes a base de xornada de quenda, esta será de 37,5 horas semanais, quedando a expensas do cómputo de horas do convenio colectivo de Astano.
A dita xornada de quenda terá un descanso de 15 minutos de duración, sendo considerado o dito descanso como tempo efectivo de traballo.
Esta xornada de traballo será de aplicación sempre que os traballos se realicen dentro do recinto de Astano. Cando os traballos se realicen noutras empresas
poderá ser de aplicación a xornada de traballo que estas empresas teñan regularizada, manténdose sempre a garantía de cómputo de horas anuais.
Artigo 8º.-Vacacións e pontes.
Segundo o artigo de xornada, os días pontes serán os mesmos que desfruten os traballadores de Astano.
No cómputo de haberes dos días ponte entrarán os seguintes conceptos: salario base, plus de asistencia, plus de carencia de incentivo, plus de condicións ambientais en media semanal e antigüidade.
Os días de vacacións serán retribuídos conforme a media obtida polo traballador, salarios, primas, antigüidade, plus de condicións ambientais, nos tres últimos meses traballados con anterioridade á data do seu inicio.
As vacacións terán que ser sempre desfrutadas e nunca compensadas en metálico.
-Restablecemento da xornada regulamentaria.
Deberá terse en conta que todo o anterior se base en que a producción durante a xornada haberá de ser equivalente á de mañá e tarde anterior.
Ben entendido que as empresas reservan para sí o dereito a restablece-la xornada regulamentaria non continuada, en calquera momento en caso de que Astano a modificase.
Artigo 9º.-Licencias retribuídas.
O traballador, avisando coa suficiente antelación, poderá faltar ó traballo con dereito a percibi-lo seu salario base, antigüidade e plus de carencia de incentivos, polas seguintes causas:
a) 15 días naturais en caso de matrimonio do traballador, non sendo a dita licencia computable dentro do período de vacacións.
b) 3 días en caso de nacemento de fillos, enfermidade grave ou falecemento de pais, cónxuxe, fillos e irmáns.
c) 2 días naturais en caso de enfermidade grave ou falecemento de parentes ata o 2º grao de consanguinidade ou afinidade.
Cando, por tales motivos, o traballador necesite facer un desprazamento para o efecto, o prazo será de 2 días máis.
d) Polo tempo indispensable para o cumprimento dun deber inescusable de carácter público e persoal.
e) 1 día por traslado de domicilio habitual.
Cando conste unha xornada legal ou convencional un período determinado, observarase o que esta determine en canto á duración da ausencia e a súa compensación.
Cando o cumprimento do deber antes referido supoña a imposibilidade da prestación do traballo debido, en máis do 20% das horas laborables nun período de tres meses, poderá a empresa pasa-lo traballador afectado á situación de excedencia regulada no número 1º do artigo 46 do Estatuto dos traballadores.
Capítulo III
Ordenación económica
Artigo 10º.-Estructura salarial.
A remuneración do persoal afectado polo presente convenio colectivo estará constituída polos seguintes conceptos:
a) Salario base.
b) Complementos do salario.
Artigo 11º.-Incremento e revisión salarial.
Os incrementos sobre salarios e demais conceptos retributivos correspondentes ós anos 1998 e 1999 serán dun 3% para cada un dos anos de vixencia do convenio.
Os atrasos resultantes da aplicación do convenio colectivo aboaranse nos dous meses seguintes ó seu asinamento.
Artigo 12º.-Salario base.
Os salarios base establecidos por cada categoría profesional son os que se recollen na táboa salarial.
Artigo 13º.-Complemento do salario.
-Plus de antigüidade.
-Plus de carencia de incentivos.
-Plus de asistencia.
-Plus de condicións ambientais.
-Plus de xefe de equipo.
-Plus de quenda.
-Horas extraordinarias.
-Pagas extras.
Artigo 14º.-Antigüidade.
Aboarase un plus de antigüidade ó 4% do salario base por trienio.
Mantéñense os quinquenios (5%) e bienios que ata o convenio de 1978 se viñan percibindo e a partir do ano 1979 aplícanse trienios.
Artigo 15º.-Plus de carencia de incentivos.
Aboarase por este concepto o establecido na táboa do presente convenio.
Artigo 16º.-Plus de asistencia.
Aboarase por este concepto o establecido na táboa do presente convenio, que consistirá no aboamento dun plus por día efectivo de traballo.
Perderase o dereito a este plus mensual cando, no transcurso do dito mes, se falte tres días sen xustificar. Por un día de falta sen xustificar descontaranse dous días do dito plus.
Non se considerará falta de puntualidade, para efectos de perda do dito plus, cando a suma dos minutos de atraso no traballo, entre a hora de entrada e/ou saída non exceda de cinco minutos.
Artigo 17º.-Plus de condicións ambientais.
Establécese un plus fixo de condicións ambientais por día de asistencia ó traballo, co valor que se establece nas táboas salariais.
Artigo 18º.-Plus de xefe de equipo.
A compensación que percibirán os traballadores que desempeñen esta función, consistirá no aboamento dos valores establecidos na táboa adxunta durante o exercicio real de tal función. A todos aqueles traballadores, que na data do asinamento do convenio de 1981, viñesen percibíndoo quedaralles consolidado na cantidade de 4.500 pesetas mensuais.
Artigo 19º.-Plus de quenda.
Aboarase por este concepto o establecido nas táboas salariais.
Artigo 20º.-Horas extras.
Ante a grave situación de paro existente e co obxecto de fomentar unha política solidaria que favoreza a creación de emprego, acórdase a supresión das horas extraordinarias habituais, mantendo así o criterio xa establecido en convenios anteriores.
É intención das partes asinantes a posibilidade de realizar novas contratacións, dentro das modalidades de contratación vixentes, en substitución das horas extraordinarias suprimidas.
Respecto ós distintos tipos de horas extraordinarias acórdase o seguinte:
a) Horas extras que veñan esixidas pola necesidade de reparar sinistros ou outros danos extraordinarios e urxentes, así como en caso de risco de perda de materias primas.
b) Valor horas extras: tomarase como base de cálculo o valor da hora ordinaria, que será multiplicada por un coeficiente de maioración en función da clasificación seguinte:
* Horas extraordinarias realizadas en días laborables: coeficiente = 1,60.
* Horas extraordinarias realizadas en noites e festivos: coeficiente = 1,75.
-Realización.
c) Os traballos que se realicen nos diques número 1 e 2 e a entrega de barcos de nova construcción conceptuaranse horas estructurais: mantemento, sempre que non poidan ser substituídas pola utilización das distintas modalidades de contratación prevista legalmente.
d) A dirección das empresas informará mensualmente os delegados de persoal sobre o número de horas extraordinarias realizadas, especificando as causas e a súa distribución, así mesmo, en función desta información e dos criterios sinalados anteriormente. As empresas e os representantes legais dos traballadores determinarán o carácter e natureza das horas extraordinarias, para efecto de cumpri-lo establecido na normativa vixente sobre cotización á Seguridade Social.
Artigo 21º.-Pagas de vencemento superior ó mes.
Serán as pagas extras de verán e Nadal e serán aboadas os días 15 de xullo e 22 de decembro.
As ditas pagas extras consistirán no aboamento de 30 días de salario base e antigüidade.
Para o persoal que non estea percibindo o plus de antigüidade aboaráselle por este concepto o valor dun trienio correspondente á súa categoría para efectos das ditas pagas, proporcional ó tempo traballado.
Artigo 22º.-Período de devengo de haberes.
O pagamento de haberes realizarase o día 8 de cada mes nas empresas Indasa e Dacrio, S.A. En Montajes Cabral, S.L. establécese para iso o día 10 de cada mes.
Artigo 23º.-Axudas de custo de viaxe.
En caso de necesidade de desprazamento, para efectuar traballos fóra da comarca, cada empresa acordará cos seus traballadores as cantidades que se percibirán por este concepto.
Capítulo IV
Dereitos sindicais
Artigo 24º.-Delegados de persoal.
Os delegados de persoal terán os dereitos e garantías sindicais recoñecidos no Estatuto dos traballadores, acordo interconfederal e Lei orgánica de liberdade sindical.
Capítulo V
Disposicións sociais
Artigo 25º.-Economato e enfermería.
Constitúese unha comisión formada polos representantes legais dos traballadores e das direccións das empresas para xestionar perante a dirección de Astano, para que os traballadores afectados polo presente convenio teñan dereito ó economato laboral de Astano.
Garantirase un recoñecemento médico completo de carácter anual, igual có persoal de Astano e nas súas instalacións.
Artigo 26º.-Reserva do posto de traballo.
Os traballadores fixos do cadro de persoal que cesasen temporalmente na empresa por pasar a unha situación de invalidez provisional terán dereito, ó seren declarados de novo aptos para o traballo, a seren reintegrados de novo ó seu posto de traballo, que con carácter normal ocupase na empresa na data na que causasen baixa temporal.
Cumpriría que o traballador o solicitase dentro do mes seguinte á data da súa declaración de apto por resolución firme do organismo competente, quedando a empresa obrigada a proporcionarlle ocupación efectiva no prazo máximo de 15 días seguintes á data en que o traballador formulase a súa petición de reingreso.
Se o traballador non o solicitase dentro do mes seguinte á data da súa declaración de apto pola súa resolución firme, a empresa quedará liberada das súas obrigas a readmitilo.
As empresas entregarán anualmente a cada productor tres fundas de traballo, sendo unha por cada catro meses; así mesmo, a empresa dará unha compensación económica de 150 ptas. mes para aseo persoal.
Artigo 27º.-Comedor.
As empresas comprométense a aboar un 50% da cota por comensal de cada traballador que use os servicios do comedor de Astano, S.A., sempre e cando teña que continua-la súa xornada pola tarde, e cando por motivos de afastamento do seu domicilio se vexa necesitado de utilizalo, logo de solicitude á empresa.
Artigo 28º.-Percepcións económicas por enfermidade e accidente.
En caso de ILT por enfermidade común, as percepcións económicas para o traballador serán do 100% desde o 8º día no primeiro rebaixe do ano, e o 100% desde o décimo quinto nos demais rebaixes.
En caso de hospitalización debida a enfermidade común, enfermidade profesional e accidente de traballo, o 100% desde o primeiro día.
Artigo 29º.-Seguro colectivo.
Establecerase un seguro colectivo para o persoal afectado polo presente convenio, que cubrirá as seguintes garantías:
a) Por falecemento do traballador en accidente laboral, 4.000.000 de pesetas.
b) Por incapacidade total, absoluta ou gran invalidez para todo traballo, 4.000.000 de pesetas, sempre e cando se cause baixa na empresa.
c) Para o traballador que desempeñe as funcións de vixilante de seguridade, terá un seguro de responsabilidade de 5.000.000 de pesetas.
Artigo 30º.-Comisión paritaria.
Establécese unha comisión de interpretación e vixilancia do convenio colectivo de composición paritaria formada por cinco membros en representación dos traballadores e, en representación das empresas outros cinco.
As reunións da comisión celebraranse, logo de convocatoria escrita de calquera das partes.
Serán funcións da comisión analiza-las dúbidas e discrepancias que poidan xurdir en canto ó cumprimento do convenio colectivo e interpretación, cando proceda.
Relación de asinantes: Indasa, Dacrio, S.A., Montajes Cabral, S.L., UGT e CIG.
Fene, 27 de novembro de 1998.
Táboas salariais 1998
Traballadores
anteriores ano 88
Categoría S. base Asistencia P.C.I. Plus C.A. Xef. equipo T. día T. noite Plus fixo Adic.
Oficial 1ª 3.264 407 816 214 527 527 1.057 1.029 Oficial 2ª 3.193 407 798 214 519 519 1.036 1.035 Oficial 3ª 3.112 407 778 214 504 504 1.005 1.063 Especialista 3.095 407 774 214 504 504 1.002 1.074 Peón 3.033 407 758 214 488 488 976 1.079 Mestre taller 109.776 407 915 214 - 519 1.087 812 Encargado 100.682 407 838 214 - 510 1.064 1.066 Administrativo 1ª 105.535 407 880 214 - - - 295 Administrativo 2ª 100.682 407 838 214 - - - 390 Auxiliar 94.641 407 788 214 - - - 351
Táboas salariais 1998
Traballadores
anteriores ano 88
Categoría S. base Asistencia P.C.I. Plus C.A. Extras Total Plus fixo Adic.
Oficial 1ª 1.191.360 121.693 243.984 63.986 195.840 1.816.863 375.585 Oficial 2ª 1.165.445 121.693 238.602 63.986 191.580 1.781.306 377.775 Oficial 3ª 1.135.880 121.693 232.622 63.986 186.720 1.740.901 387.995 Especialista 1.129.675 121.693 231.426 63.986 185.700 1.732.480 392.010 Peón 1.107.045 121.693 226.642 63.986 181.980 1.701.346 393.835 Mestre taller 1.317.312 121.693 273.585 63.986 219.552 1.996.128 296.380 Encargado 1.208.184 121.693 250.562 63.986 201.364 1.845.789 389.090
Categoría S. base Asistencia P.C.I. Plus C.A. Extras Total Plus fixo Adic.
Administrativo 1ª 1.266.420 121.693 263.120 63.986 211.070 1.926.289 107.675 Administrativo 2ª 1.208.184 121.693 250.562 63.986 201.364 1.845.789 142.350 Auxiliar 1.135.692 121.693 235.612 63.986 189.282 1.746.265 128.115
Táboas salariais 1999
Traballadores
anteriores ano 88
Categoría S. base Asistencia P.C.I. Plus C.A. Xef. equipo T. día T. noite Plus fixo Adic.
Oficial 1ª 3.362 419 840 220 543 543 1.089 1.060 Oficial 2ª 3.289 419 822 220 353 535 1.067 1.066 Oficial 3ª 3.205 419 801 220 519 519 1.035 1.095 Especialista 3.188 419 797 220 519 519 1.032 1.106 Peón 3.124 419 781 220 503 503 1.005 1.111 Mestre taller 113.069 419 942 220 - 535 1.120 836 Encargado 103.702 419 863 220 - 525 1.096 1.098 Administrativo 1ª 108.701 419 906 220 - - - 304 Administrativo 2ª 103.702 419 863 220 - - - 402 Auxiliar 97.480 419 812 220 - - - 362
Táboas salariais 1999
Traballadores
anteriores ano 88
Categoría S. base Asistencia P.C.I. Plus C.A. Extras Total Plus fixo Adic.
Oficial 1ª 1.227.130 125.281 251.160 65.780 201.720 1.871.071 386.900 Oficial 2ª 1.200.485 125.281 245.778 65.780 192.300 1.792.685 399.675 Oficial 3ª 1.169.825 125.281 239.499 65.780 192.300 1.792.685 399.675 Especialista 1.163.620 125.281 238.303 65.780 191.280 1.784.264 403.690 Peón 1.140.260 125.281 233.519 65.780 187.440 1.752.280 405.515 Mestre taller 1.356.828 125.281 281.658 65.780 226.138 2.055.685 305.140 Encargado 1.244.424 125.281 258.037 65.780 207.404 1.900.926 400.770 Administrativo 1ª 1.304.412 125.281 270.894 65.780 217.402 1.983.769 110.960 Administrativo 2ª 1.244.424 125.281 258.037 65.780 207.404 1.900.926 146.730 Auxiliar 1.169.760 125.281 242.788 65.780 194.960 1.798.569 132.130