Visto o expediente de revisión salarial do convenio colectivo da empresa Talleres Caeiro, S.A., que tivo

entrada nesta delegación provincial o día 5-1-1999, subscrito en representación da parte económica pola empresa e, da parte social polo comité de empresa o día 28-5-1998, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito

de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).

Terceiro.-Dispoñe-la súa publicación no Diario Oficial de Galicia.

A Coruña, 11 de xaneiro de 1999.

P.S. (Decreto 227/1998, do 10 de xullo)

María Silva Costoya

Delegada provincial da Coruña

Revisión salarial do convenio colectivo da empresa Talleres Caeiro, S.A.

Acta

En Santiago de Compostela, ás dezanove horas e quince minutos do día vinteoito de maio de mil novecentos noventa e oito, reúnense os señores que abaixo se relacionan, representantes dos traballadores e parte económica da empresa Talleres Caeiro, S.A.

Ámbalas partes recoñécense mutuamente a capacidade necesaria para negociar.

Iniciada a sesión, fíxose unha lectura detida do texto do convenio en vigor e adoptáronse por unanimidade os seguintes acordos:

1. Prorrogar en todas e cada unha das súas partes o convenio en vigor ata o 31 de decembro de 1998.

2. Substituí-la táboa salarial pola que se xunta como anexo a esta acta.

3. A aplicación da dita táboa salarial entrará en vigor con data do un de maio de mil novecentos noventa e oito.

4. Remitir esta acta e anexo á Delegación de Traballo para a súa publicación no BOP.

E, ó non haber máis asuntos que tratar, levántase a sesión, ás vinteunha horas do día arriba sinalado.

Representación laboral:

33.143.143 Vicente Puente Vigo.

33.243.985 Víctor J. Parente Mariño.

33.229.341 José A. Núñez Boquete.

Representación económica:

33.024.095 Manuel Caeiro Varela.

Táboa salarial do convenio colectivo da empresa Talleres Caeiro, S.A.

Efectos económicos do 1º de maio de 1998.