Convocada folga que afecta o persoal do Hospital do Meixoeiro que se levará a efecto desde as 22 horas do día 9 de febreiro ás 22 horas do día 10 de febreiro de 1999 oído o comité de folga, esta consellería
DISPÓN:
Artigo 1º
A folga convocada desde as 22 do día 9 de febreiro de 1999 ás 22 horas do día 10 de febreiro de 1999 que afecta o persoal do Hospital do Meixoeiro, enténdese condicionada ó mantemento dos servicios mínimos que se establecen no anexo desta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, en evitación de que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo ningún concepto, poden quedar desasistidos polas características do servicio dispensado.
É por iso, que se manteñen os servicios mínimos necesarios para garanti-la asistencia imprescindible ós pacientes hospitalizados, así como a atención urxente ós usuarios, que non pode aprazarse sen consecuencias negativas para a saúde.
Entrando na análise pormenorizada dos servicios mínimos, establécense os criterios rectores da súa determinación que se corresponden cos asinados coas centrais sindicais con motivo das folgas anteriores como a última de febreiro de 1997. Os efectivos que se fixan ponderan a duración do paro convocado así como as necesidades sanitarias de ineludible atención e supoñen a transposición, respecto e aplicación dos citados criterios ás distintas áreas asistenciais e de servicios dos centros afectados polo conflicto.
Os ditos criterios rectores explicítanse do seguinte xeito:
* Persoal facultativo:
I. Cobertura do 100% da actividade urxente nun triple ámbito:
-Servicios de urxencias e gardas médicas.
-Quirófanos urxentes (xerais e de tocoloxía) para a atención dos usuarios que ó ingresaren, requiran intervención cirúrxica inaprazable.
-Atención ós paritorios.
II. Cobertura da actividade cirúrxica dos pacientes hospitalizados, respecto das patoloxías que poñan en perigo a súa vida ou agraven o seu estado de saúde.
III. Na área de hospitalización, establecerase o número necesario para garanti-las visitas médicas, a atención indefectible dos pacientes hospitalizados e as altas clínicas.
IV. No ámbito da consulta atenderanse as consideradas como urxentes ou preferentes, así como as interconsultas dos pacientes hospitalizados que o requiran, por criterio do facultativo. Así mesmo, atenderanse as consultas dos pacientes desprazados.
V. Garantirase, así mesmo, a realización das probas complementarias urxentes e as que se refiran ós pacientes hospitalizados que, por criterio do facultativo, sexan necesarias.
VI. Unidades especiais:
Coidados críticos: o mesmo que para un domingo ou festivo.
Diálise: o número necesario para garanti-los coidados dos pacientes afectados.
* Persoal sanitario non facultativo:
I. Cobertura do 100% da actividade urxente nun triple ámbito:
-Servicios de urxencias.
-Quirófanos urxentes xerais e de tocoloxía para a atención dos usuarios que, ó ingresaren, requiran intervención cirúrxica inaprazable.
-Atención ós paritorios.
II. Na área de hospitalización, establecerase o número necesario para garanti-los coidados dos pacientes hospitalizados, en correspondencia cos efectivos dun domingo ou festivo.
III. No ámbito de consultas estableceranse un doble ámbito:
Apoio á atención ás consultas especializadas consideradas como urxentes ou preferentes.
Apoio á atención das consultas ambulatorias nunha porcentaxe máxima do 25% dos cadros de persoal habituais.
Neste dobre ámbito o número de servicios mínimos non superará o 30% dos cadros de persoal.
IV. No ámbito dos servicios centrais garantirase, a realización das probas complementarias urxentes e as que se refiran ós pacientes hospitalizados que, por criterio do facultativo, sexan necesarias.
V. Unidades especiais:
Coidados críticos: os mesmos que para un domingo ou festivo.
Diálise: o número necesario para garanti-lo coidado dos pacientes afectados.
* Persoal non sanitario:
I. Áreas de hospitalización: un número de efectivos equivalente ó dos domingos ou festivos.
II. Servicio de admisión: un número equivalente ó dos domingos ou festivos.
III. Cita previa: un número de efectivos que garanta a atención ó paciente que o requira, cun mínimo de un por centro e ata un máximo do 50% do cadro de persoal.
IV. Atención ó paciente: un número de efectivos que garanta a atención ó paciente que o requira cun mínimo de un por centro e ata un máximo do 50% do cadro de persoal.
V. Servicio de mantemento: un número equivalente ós festivos.
VI. Servicios de lavandería e lencería: ata un 50% do cadro de persoal.
VII. Limpeza: ata un 50% do cadro de persoal.
VIII. Hostelería: un número mínimo en equivalencia cos domingos ou festivos ou ben un 60% do cadro de persoal segundo as necesidades de cada centro.
Coa finalidade de garanti-lo adecuado mantemento do servicio servirase con carácter xeral un único menú ós pacientes que non requiran dieta médica especial.
IX. Conductores: o mesmo número do cadro de persoal dos domingos ou festivos cun mínimo en todo caso dun efectivo.
X. Servicios administrativos:
-Direccións-información e control de xestión: un efectivo por cada servicio.
-De persoal: un efectivo.
-De nóminas: un efectivo.
-De subministracións: un efectivo.
-Almacéns: dous efectivos.
Con tales premisas determínase no anexo desta resolución, por grupos profesionais, o número de servicios mínimos do persoal afectado.
Artigo 2º
A designación nominal, con carácter rotatorio, do persoal que deberá cubri-los distintos servicios será determinada polo director-xerente do centro, procedéndose á súa publicación nos taboleiros de anuncios do centro de traballo.
Artigo 3º
Os prazos e alteracións no traballo por parte do persoal necesario para o mantemento dos servicios mínimos determinados no anexo serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo de 1977).
Artigo 4º
O disposto nos artigos anteriores non significará ningún tipo de limitación dos dereitos que a normativa reguladora da folga recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
A presente orde entrará en vigor o mesmo día ó da súa publicación no Diario Oficial de Galicia.
Santiago de Compostela, 2 de febreiro de 1999.
José Mª Hernández Cochón
Conselleiro de Sanidade e Servicios Sociais
ANEXO
Persoal facultativo
-Facultativos de urxencias o 100%.-Facultativos de garda o 100%.
Servicios nº Efect.
S. mínimos
Análises clínicas 2
Anatomía patolóxica 1
Anestesia 5
Aparato dixestivo 1
Cardioloxía 2
Cirurxía xeral 3
Cirurxía plástica 2
Endocrinoloxía 1
Farmacia 2
Xeriatría 1
Hematoloxía 2
Inmunoloxía 1
Medicina interna 2
Medicina nuclear 1
Medicina preventiva 1
Microbioloxía 1
Nefroloxía 1
Neumoloxía 2
Neurofisioloxía 1
Neuroloxía 2
O.R.L. 2
Obstetricia-xinecoloxía 3
Oftalmoloxía 2
Oncoloxía 1
Psiquiatría 1
Radioloxía 3
Rehabilitación 1
Servicios nº Efect.
S. mínimos
Reumatoloxía 1
Traumatoloxía 4
U.C.I. 2
Uroloxía 3
TOTAL 57
Persoal sanitario non facultativo
Categoría Mañá Tarde Noite Total
ATS/DUE 67 39 31 137
Técnicos especialistas 21 5 4 30
Fisioterapeutas 4 4
Auxiliares de enfermería 57 36 19 112
TOTAL 149 80 54 283
Persoal non sanitario
Servicio Mañá Tarde Noite Total
6 lavandeiras
15 pasadoras de ferro
1 gobernante 6 lavandeiras
15 pasadoras de ferro
1 gobernante
0
45
1 celador
1 telefonista
1 conductor
1 telefonista
1 telefonista
6
1 Aux. Adm. almacén
2 celadores almacén
1 celador
0
6
2 azafatas
1 Superv.-Att. paciente
1 Aux. Adm.-C. xestión
1 azafata
0
6
Admisión 29 Aux. Adtivos. 8 Aux. Adtivos. 1 Aux. Adtivo. 38
P. subalterno 23 celadores 16 celadores 10 celadores 49
Hostelería 1 Aux. Adtivo.
Servicios xerais 1 Aux. Adtivo.
Mantemento 1 Pers. de oficio 1 Pers. de oficio 0 2
Subministracións almacén 2 Aux. Adtivos. Subm.
Persoal 3 Aux. Adtivos. 0 0 3
Contabilidade 2 Aux. Adtivos. 0 0 2
Xerencia 1 Aux. Adm.-dirección
TOTAL 95 50 12 157